1. {আচফৰ ৰচিত গীত। } [QS]হে ঈশ্বৰ, আন জাতিবোৰে আহি তোমাৰ আধিপত্যত সোমাল; [QE][QS]তেওঁলোকে তোমাৰ পবিত্ৰ মন্দিৰ অশুচি কৰিলে; [QE][QS]তেওঁলোকে যিৰূচালেমক ধ্বংসৰ স্তূপ কৰিলে। [QE]
2. [QS]তোমাৰ দাসবোৰৰ মৰা শৱবোৰ তেওঁলোকে আকাশৰ পক্ষীবোৰক আহাৰ স্বৰূপে খাবলৈ দিলে; [QE][QS]তোমাৰ ভক্তসকলৰ মাংস পৃথিৱীৰ বনৰীয়া পশুবোৰক দিলে। [QE]
3. [QS]যিৰূচালেমৰ চাৰিওফালে তেওঁলোকে সেই লোকসকলৰ তেজ পানীৰ দৰে ঢালি দিলে; [QE][QS]তেওঁলোকক মৈদাম দিবলৈ কোনো নাছিল। [QE]
4. [QS]চুবুৰীয়া জাতিবোৰৰ আগত আমি নিন্দাৰ পাত্র হৈছোঁ; [QE][QS]আমাৰ চাৰিওফালৰ লোকসকলৰ আগত আমি হাঁহিয়াতৰ আৰু বিদ্রূপৰ খোৰাক হৈছোঁ। [QE]
5. [QS]হে যিহোৱা, আৰু কিমান কাল? তুমি চিৰকাললৈ ক্ৰোধ কৰি থাকিবানে? [QE][QS]তোমাৰ হিংসুক অন্তৰ্জ্বালা অগ্নিৰ দৰে কিমান কাললৈকে জ্বলি থাকিব? [QE]
6. [QS]তোমাক নজনা জাতিবোৰৰ ওপৰত তোমাৰ ক্ৰোধ ঢালি দিয়া, [QE][QS]তোমাৰ নামেৰে প্ৰাৰ্থনা নকৰা ৰাজ্যবোৰৰ ওপৰত তোমাৰ ক্ৰোধ বাকি দিয়া। [QE]
7. [QS]কিয়নো তেওঁলোকেই যাকোবৰ বংশক গ্ৰাস কৰিলে, [QE][QS]তেওঁৰ বাসস্থান উচ্ছন্ন কৰিলে। [QE]
8. [QS]আমাৰ পূৰ্বপুৰুষসকলৰ অপৰাধবোৰক তুমি আমাৰ অহিতে সোঁৱৰণ নকৰিবা; [QE][QS]শীঘ্ৰে তোমাৰ দয়া আমাৰ ওচৰলৈ আহিবলৈ দিয়া, [QE][QS]কিয়নো আমি অতিশয় হীন-অৱস্থাত পৰিছোঁ। [QE]
9. [QS]হে আমাৰ পৰিত্ৰাণকর্তা ঈশ্বৰ, [QE][QS]তোমাৰ নামৰ গৌৰৱৰ কাৰণে আমাক সহায় কৰা; [QE][QS]তোমাৰ নামৰ কাৰণে আমাক উদ্ধাৰ কৰা আৰু আমাৰ পাপবোৰ ক্ষমা কৰা। [QE]
10. [QS]আন জাতিবোৰে কিয় ক’ব, “সিহঁতৰ ঈশ্বৰ ক’ত গ’ল?” [QE][QS]তুমি আমাৰ চকুৰ সন্মুখতে জাতিবোৰৰ ওপৰত, [QE][QS]তোমাৰ দাসবোৰৰ ৰক্তপাতৰ প্ৰতিকাৰ তুমি সাধিবা। [QE]
11. [QS]বন্দীবোৰৰ কাতৰোক্তি তোমাৰ আগলৈ আহঁক; [QE][QS]যি সকলৰ ওপৰত মৃত্যুদণ্ডৰ ৰায় দিয়া হৈছে, [QE][QS]তোমাৰ মহান ক্ষমতা অনুসাৰে তুমি তেওঁলোকক ৰক্ষা কৰা। [QE]
12. [QS]হে প্ৰভু, আমাৰ প্রতিবেশী জাতিবোৰে যিভাৱে তোমাক অপমান কৰিছে, [QE][QS]তাৰ সাত গুণ প্ৰতিফল তুমি তেওঁলোকৰ বুকুত উভটাই দিয়া। [QE]
13. [QS]তাতে তোমাৰ লোক আৰু চৰণীয়া পথাৰৰ মেৰ-ছাগ যি আমি, [QE][QS]আমি চিৰকাল তোমাৰ ধন্যবাদ কৰিম, [QE][QS]আৰু পুৰুষানুক্ৰমে তোমাৰেই প্ৰশংসা কৰিম। [QE]