1. {প্ৰজ্ঞাৰ ভোজ। } [QS]প্ৰজ্ঞাই নিজৰ গৃহ নিৰ্মাণ কৰিলে; [QE][QS]তেওঁ শিলৰ পৰা সাতটা স্তম্ভ কাটিলে। [QE]
2. [QS]তেওঁ ৰাতিৰ আহাৰৰ বাবে নিজৰ পশু আৰু দ্রাক্ষাৰস যুগুত কৰিলে; [QE][QS]আৰু তেওঁ নিজৰ মেজ সজালে। [QE]
3. [QS]তেওঁ নিজৰ দাসীসকলক বাহিৰলৈ পঠাই [QE][QS]নগৰৰ ওখ ঠাইৰ পৰা নিমন্ত্ৰণ কৰিলে। [QE]
4. [QS]“যিসকল অশিক্ষিত, তেওঁলোক ইয়ালৈ আহক!” [QE][QS]যিসকল জ্ঞানশূন্য তেওঁলোকক তেওঁ ক’লে, [QE]
5. [QS]“আহাঁ, মোৰ আহাৰ ভোজন কৰা, [QE][QS]আৰু মই মিহলাই থোৱা দ্ৰাক্ষাৰস পান কৰা। [QE]
6. [QS]শিক্ষাবিহীন পথ এৰি জীৱন ধাৰণ কৰা, [QE][QS]সুবিবেচনাৰ পথত চলা। [QE]
7. [QS]যিজনে নিন্দক লোকক শিক্ষা দিয়ে, তেওঁ অপমান পায়, [QE][QS]আৰু যিজনে দুষ্টক অনুযোগ কৰে, তেওঁ মনত আঘাত পায়। [QE]
8. [QS]তুমি নিন্দক লোকক অনুযোগ নকৰিবা, কৰিলে তেওঁ তোমাক ঘিণ কৰিব; [QE][QS]জ্ঞানী লোকক অনুযোগ কৰা, তেওঁ তোমাক প্ৰেম কৰিব। [QE]
9. [QS]জ্ঞানী লোকক শিক্ষা দিয়া, তেওঁ অধিক জ্ঞানী হ’ব; [QE][QS]ধাৰ্মিক লোকক শিক্ষা দিয়া, তেওঁ শিক্ষাত বৃদ্ধি পাব। [QE]
10. [QS]যিহোৱালৈ ভয় ৰখাই প্রজ্ঞাৰ আৰম্ভণ, [QE][QS]আৰু পবিত্ৰজনাক জনাই সুবিবেচনা। [QE]
11. [QS]কিয়নো মোৰ দ্বাৰাই তোমাৰ আয়ুস বৃদ্ধি হ’ব, [QE][QS]আৰু তোমাৰ জীৱনৰ বছৰবোৰ বাঢ়ি যাব। [QE]
12. [QS]তুমি যদি জ্ঞানী, তেনেহ’লে তোমাৰ বাবেই তুমি জ্ঞানী, [QE][QS]কিন্তু যদি তুমি নিন্দক, তেনেহ’লে তুমি অকলেই তাৰ ভাৰ ব’বা।” [QE]
13. {#1অজ্ঞানী মহিলাই কৰা নিমন্ত্ৰণ } [QS]অজ্ঞানী মহিলা কোলাহলপূৰ্ণ- [QE][QS]তেওঁ অশিক্ষিত, আৰু তেওঁ একো নাজানে। [QE]
14. [QS]তেওঁ নিজৰ ঘৰৰ দুৱাৰত, [QE][QS]আৰু নগৰৰ উচ্চ স্থানত বহে। [QE]
15. [QS]যিসকলে সেই পথেৰে যায়, তেওঁলোকক মাতে; [QE][QS]সেই লোকসকল নিজ পথত গৈ থাকিলেও তেওঁ মাতে, [QE]
16. [QS]“যিসকলে শিক্ষা পোৱা নাই, তেওঁলোক ইয়ালৈ আহক!” [QE][QS]যিসকল জ্ঞানশূন্য, তেওঁলোকক তেওঁ কয়, [QE]
17. [QS]“চুৰ কৰা পানী মিঠা, [QE][QS]আৰু গুপুতে খোৱা আহাৰ অতি সুস্বাদু।” [QE]
18. [QS]কিন্তু মৃত্যু যে তাত আছে, [QE][QS]আৰু তেওঁৰ অতিথি সকল যে চিয়োলৰ গভীৰ ঠাইত আছে, সেই কথা তেওঁ নাজানে। [QE]