1. {ইয়োবৰ উত্তৰ। }
2. [PS]পাছত ইয়োবে পুনৰায় উত্তৰ দিলে আৰু ক’লে, [PE][QS]“হয় হয়, তোমালোকহে মানুহ; [QE][QS]মৰিলে জ্ঞান তোমালোকৰ লগতে যাব। [QE]
3. [QS]কিন্তু তোমালোকৰ নিচিনা মোৰো বুদ্ধি আছে; [QE][QS]তোমালোকতকৈ মই নিকৃষ্ট নহওঁ; [QE][QS]এনেবোৰ কথা কোনে নাজানে? [QE]
4. [QS]ঈশ্বৰৰ আগত প্ৰাৰ্থনা কৰি উত্তৰ পোৱা যি মই, ময়েই বন্ধুৰ হাঁহিয়াতৰ পাত্ৰ হৈছোঁ; [QE][QS]ধাৰ্মিক সিদ্ধ পুৰুষ জন হাঁহিয়াতৰ পাত্ৰ হৈছে। [QE]
5. [QS]নিৰাপদে থকা লোকৰ মনত বিপদ অপমানৰ বিষয়; [QE][QS]পিছল খাই পৰিব লগীয়াবোৰলৈ সেয়ে বাট চায় থাকে। [QE]
6. [QS]ডকাইতবোৰৰ তম্বু কুশলে থাকে; [QE][QS]যাৰ হাতত ঈশ্বৰে অধিক ধন সম্পত্তি শোধাই দিছে, [QE][QS]ঈশ্বৰৰ বিৰক্ত জন্মোৱা এনেবোৰ লোক নিৰ্ব্বিঘ্নে থাকে। [QE]
7. [QS]কিন্তু পশুবোৰক সোধাচোন, সেইবোৰে তোমাক কি দিব; [QE][QS]আৰু আকাশৰ পক্ষীবোৰক সোধা, সেইবোৰেও তোমাক কৈ দিব। [QE]
8. [QS]নাইবা পৃথিবীকো সোধাচোন, সিও তোমাক শিক্ষা দিব; [QE][QS]আৰু সমুদ্ৰৰ মাছবোৰেও তোমাক কব। [QE]
9. [QS]পশুবোৰে এইবোৰ বিষয় নাজানে যে, [QE][QS]যিহোৱাৰ হাতে এইবোৰ কৰিছে - সিহঁতক জীৱন দিছে - [QE]
10. [QS]যিহোৱাৰ হাততেই সকলো জীৱজন্তুৰ প্ৰাণ, [QE][QS]আৰু সমুদায় মনুষ্য জাতিৰ জীৱাত্মা আছে। [QE]
11. [QS]জিভাই যেনেকৈ আহাৰৰ আস্বাদ পায়, [QE][QS]তেনেকৈ কাণে জানো কথাৰ পৰীক্ষা নকৰে? [QE]
12. [QS]বৃদ্ধ লোকসকলৰ সৈতে জ্ঞান আছে, [QE][QS]দীৰ্ঘ আয়ুসত বুদ্ধি থাকে। [QE]
13. [QS]জ্ঞান আৰু পৰাক্ৰম তেওঁৰ তাতহে আছে; [QE][QS]পৰামৰ্শ আৰু বুদ্ধি তেওঁৰহে। [QE]
14. [QS]চোৱা, তেওঁ ভাঙি পেলালে পুনৰায় তাক সজা নাজায়; [QE][QS]তেওঁ মানুহক বন্ধ কৰিলে তাক মুকলি কৰা নাযায়। [QE]
15. [QS]চোৱা, তেওঁ জল সমূহক আটক কৰে, তাতে সেইবোৰ শুকাই যায়; [QE][QS]আকৌ সেইবোৰক উলিয়াই দিয়ে, তাতে সেইবোৰে পৃথিবীখন লণ্ডভণ্ড কৰে। [QE]
16. [QS]পৰাক্ৰম আৰু বুদ্ধি-কৌশল তেওঁৰ তাতহে; [QE][QS]প্ৰবঞ্চক আৰু প্ৰবঞ্চিত লোক সেই দুয়ো তেওঁৰহে। [QE]
17. [QS]তেওঁ মন্ত্ৰী সকলক সৰ্ব্বস্বহীন কৰি লৈ যায়, [QE][QS]আৰু বিচাৰকৰ্ত্তা সকলক হতবুদ্ধি কৰে। [QE]
18. [QS]তেওঁ ৰজা সকলৰ ক্ষমতা গুচায়, [QE][QS]আৰু তেওঁলোকৰ ককালত ডোল লগায়। [QE]
19. [QS]তেওঁ পুৰোহিত সকলক সৰ্ব্বস্বহীন কৰি লৈ যায়, [QE][QS]আৰু পৰাক্ৰমী সকলক বিনষ্ট কৰে। [QE]
20. [QS]তেওঁ বিশ্বাসী সকলৰ বাক-শক্তি দূৰ কৰে, [QE][QS]আৰু বৃদ্ধ সকলৰ বিবেচনা-শক্তি কাঢ়ি নিয়ে। [QE]
21. [QS]তেওঁ ডাঙৰীয়া সকলৰ ওপৰত অপমান বৰষায়, [QE][QS]আৰু বলৱন্ত সকলৰ ককালৰ বান্ধোন ঢিলা কৰে। [QE]
22. [QS]তেওঁ আন্ধৰৰ পৰা নিগূঢ় বিষয়বোৰ প্ৰকাশ কৰে, [QE][QS]আৰু মৃত্যুচ্ছায়াকো পোহৰলৈ আনে। [QE]
23. [QS]তেওঁ জাতি সমূহক উন্নতিপ্ৰাপ্ত কৰে, আৰু বিনষ্টও কৰে; [QE][QS]তেওঁ জাতি সমূহক বিস্তাৰিত কৰে, আৰু লৈয়ো যায়। [QE]
24. [QS]তেওঁ পৃথিবীৰ লোক-সমাজৰ মুখ্যসকলৰ বুদ্ধি দূৰ কৰে, [QE][QS]আৰু পথ নোহোৱা অৰণ্যৰ মাজেদি তেওঁলোকক ভ্ৰমণ কৰায়। [QE]
25. [QS]তেওঁলোকে পোহৰ নাপাই আন্ধাৰৰ মাজত খপিয়াই ফুৰে; [QE][QS]তেওঁ তেওঁলোকক মতলীয়াৰ নিচিনাকৈ ঢলংপলং কৰি ফুৰায়। [QE]