1. {#1নানা উপদ্ৰৱ, পৰিশ্রম আৰু সংগীহীন অৱস্থা } [PS]পুনৰ মই সূৰ্যৰ তলত যি সকলো উপদ্রৱ হয়, সেইবোৰলৈ এবাৰ চালোঁ। [PE][QS]চোৱা, উপদ্রৱ পোৱা লোকসকলে কান্দিছে, [QE][QS2]কিন্তু তেওঁলোকক শান্তনা দিওঁতা কোনো নাই; [QE][QS]যিসকলে উপদ্রৱ কৰে, তেওঁলোকৰ হাতত ক্ষমতা আছে; [QE][QS2]কিন্তু উপদ্রৱ পোৱাসকলক শান্তনা দিওঁতা কোনো নাই। [QE]
2. [QS]সেয়ে মই ভাবিলোঁ, যিসকল বৰ্ত্তমান জীয়াই আছে, [QE][QS2]সেই জীৱিতসকলতকৈ যিসকলৰ আগেয়ে মৃত্যু হ’ল, তেওঁলোক অধিক সৌভাগ্যশালী। [QE]
3. [QS]কিন্তু এই দুজনতকৈ সেইজন বেছি সৌভাগ্যশালী যিজনৰ এতিয়াও জন্ম হোৱা নাই আৰু [QE][QS2]সূৰ্যৰ তলত যি দুষ্ট কাৰ্য কৰা হয়, তাক দেখা নাই। [QE]
4. [PS]তাৰ পাছত মই দেখিলোঁ, সকলো পৰিশ্রমৰ কার্য আৰু সকলো দক্ষ কার্যক্ষম এজন লোকৰ প্রতি আন জনৰ হিংসাভাৱ থকাৰ পৰাই হয়। ইয়ো অসাৰ; কেৱল বতাহক ধৰিবলৈ চেষ্টা কৰাৰ বাহিৰে একো নহয়। [QE]
5. [QS]অজ্ঞান লোকে হাত সাৱটি একো নকৰাকৈ থাকে, [QE][QS2]তেওঁলোকে নিজকে ধ্বংস কৰে[* নিজৰ মঙহেই তেওঁৰ আহাৰ হয়। ]। [QE]
6. [QS]বতাহক ধৰাৰ চেষ্টা কৰি পৰিশ্রমেৰে দুই মুঠি লাভ কৰাতকৈ শান্তিৰে সৈতে এমুঠি পোৱাই অনেক ভাল। [QE]
7. [PS]পাছত মই পুনৰ সূৰ্যৰ তলত অসাৰতা দেখিলোঁ। [QE]
8. [QS]কোনো এজন মানুহ একেবাৰে অকলশৰীয়াকৈ থাকে, [QE][QS2]তেওঁৰ দ্বিতীয়জন বুলিবলৈ কোনো নাই; এনেকি তেওঁৰ পুত্রও নাই, ভাই-ককাই কোনো নাই; তথাপিও তেওঁৰ পৰিশ্ৰমৰ শেষ নাই [QE][QS2]আৰু ধন-সম্পত্তি লাভৰ বিষয়ত তেওঁৰ চকু তৃপ্ত নহয়। [QE][QS]তেওঁ সুধে, “তেন্তে মই কাৰ নিমিত্তে পৰিশ্ৰম কৰিছোঁ? [QE][QS2]কিয় আমোদ-প্রমোদৰ পৰা নিজক বঞ্চিত কৰিছোঁ?” [QE][QS]ইও অসাৰ, অতি দুখজনক অৱস্থা। [QE]
9. {#1এজন বন্ধুৰ মূল্য } [QS]এজনতকৈ দুজন ভাল, কিয়নো তেওঁলোকৰ পৰিশ্ৰমৰ দ্বাৰাই অনেক সুফল হয়। [QE]
10. [QS]কাৰণ তেওঁলোকৰ এজন যদি পৰে, তেন্তে তেওঁৰ সঙ্গীয়ে তেওঁক তুলিব পাৰে। [QE][QS]কিন্তু হায় সেই অকলে থকা লোক! [QE][QS2]কিয়নো তেওঁ পৰিলে তেওঁক তুলিবলৈ দ্বিতীয়জন কোনো নাই। [QE]
11. [QS]তাৰ উপৰি দুজনে একেলগে শুলে উম পায়; [QE][QS2]কিন্তু এজনে অকলে কেনেকৈ উম পাব? [QE]
12. [QS]যিজন অকলশৰীয়া তেওঁ সহজে পৰাজয় হ’ব পাৰে, [QE][QS2]কিন্তু দুজনে আক্রমণক প্ৰতিৰোধ কৰিব পাৰে। [QE][QS2]তিনিডাল ৰছী একেলগে মেৰাই ল’লে বেগাই নিছিগে। [QE]
13. [PS]এজন অজ্ঞান বৃদ্ধ ৰজা, যিজনে কোনো সতর্কবাণীলৈ কাণ নিদিয়ে আৰু নুবুজেও, তেনে ৰজাতকৈ বৰং দৰিদ্র অথচ জ্ঞানী যুবকেই শ্রেয়।
14. সেই যুবক দেশৰ ৰজা হ’বলৈ কাৰাগাৰৰ পৰাও ওলাই আহিব পাৰে নাইবা তেওঁ নিজৰ ৰাজ্যৰ এক দৰিদ্র পৰিয়ালতো জন্ম গ্রহণ কৰিব পাৰে। [QE]
15. [PS]মই দেখিলোঁ যে, যি সকলো জীয়াই আছিল অর্থাৎ সূর্যৰ তলত চলা-ফুৰা কৰি আছিল, তেওঁলোকে সেই বৃদ্ধ ৰজাজনৰ পদত অধিষ্ঠিত হোৱা যুবক ৰজাজনক অনুসৰণ কৰি চলিল।
16. এই নতুন ৰজাই নেতৃত্ব দিয়া লোকসকলৰ সীমা নাছিল; কিন্তু পাছত তেওঁলোকৰ অনেকেই তেওঁৰ ওপৰত সন্তুষ্ট নাছিল। ইও অসাৰ, আৰু কেৱল বতাহক ধৰিবলৈ চেষ্টা কৰাৰ নিচিনা হয়। [QE]