1. {দায়ুদৰ দ্বাৰা ৰচিত প্ৰশংসাৰ গীত। } [QS]হে মোৰ ঈশ্বৰ, হে মোৰ ৰজা, মই তোমাৰ গৌৰৱ কীৰ্ত্তন কৰিম; [QE][QS]যুগে যুগে অনন্ত কাললৈকে তোমাৰ নামৰ ধন্যবাদ কৰিম। [QE]
2. [QS]মই প্ৰতিদিনে তোমাৰ ধন্যবাদ কৰিম, [QE][QS]আৰু যুগে যুগে অনন্ত কাললৈকে তোমাৰ নামৰ প্রশংসা কৰিম। [QE]
3. [QS]যিহোৱা মহান, আৰু অতি প্ৰশংসাৰ যোগ্য; [QE][QS]তেওঁৰ মহিমা অগম্য। [QE]
4. [QS]এক বংশৰ লোকে পাছৰ বংশৰ লোকৰ ওচৰত [QE][QS]তোমাৰ কাৰ্যবোৰৰ শলাগ ল’ব, [QE][QS]তোমাৰ মহৎ কাৰ্যবোৰ প্ৰকাশ কৰিব। [QE]
5. [QS]মই তোমাৰ মহিমাৰ গৌৰৱযুক্ত প্ৰতাপ [QE][QS]আৰু তোমাৰ আচৰিত কাৰ্যবোৰৰ বিষয়ে ধ্যান কৰিম। [QE]
6. [QS]লোকসকলে তোমাৰ ভয়ানক পৰাক্রমী কাৰ্যবোৰৰ কথা ক’ব; [QE][QS]আৰু মই তোমাৰ মহত্বৰ কথা ঘোষণা কৰিম। [QE]
7. [QS]তেওঁলোকে তোমাৰ প্রচুৰ মঙ্গলভাৱৰ যশস্যা প্রচাৰ কৰিব, [QE][QS]তোমাৰ ধাৰ্মিকতাৰ বিষয়ে উচ্চস্বৰে গান কৰিব। [QE]
8. [QS]যিহোৱা কৃপাময় আৰু দয়াৰে পৰিপূৰ্ণ, ক্ৰোধত ধীৰ আৰু দয়াত মহান। [QE]
9. [QS]যিহোৱা সকলোৰে বাবে মঙ্গলময়; তেওঁৰ কৰুণা তেওঁৰ সৃষ্ট সকলো বস্তুৰ ওপৰত আছে। [QE]
10. [QS]হে যিহোৱা, তোমাৰ সমুদায় সৃষ্টিয়ে তোমাৰ ধন্যবাদ কৰিব; [QE][QS]তোমাৰ ভক্তসকলে তোমাৰ ধন্যবাদ কৰিব। [QE]
11. [QS]তেওঁলোকে তোমাৰ ৰাজ্যৰ গৌৰৱ বর্ণনা কৰিব আৰু তোমাৰ মহৎ কাৰ্যবোৰৰ বিষয়ে ক’ব, [QE]
12. [QS]যাতে সকলো মানুহে তোমাৰ পৰাক্রমী কার্য [QE][QS]আৰু তোমাৰ ৰাজ্যৰ গৌৰৱপূর্ণ কথাবোৰ জানিব পাৰে। [QE]
13. [QS]তোমাৰ ৰাজ্য অনন্তকলীয়া ৰাজ্য; [QE][QS]তোমাৰ ৰাজশাসন সৰ্ব্বপুৰুষলৈকে স্থায়ী[* কিছুমান অনুলিপি লিখা আছে যে, ‘ঈশ্বৰ তেওঁৰ সকলো প্ৰতিশ্রুতিত বিশ্বাসযোগ্য আৰু তেওঁ কৰা সকলো কৰ্মত বিশ্বাসী। ]। [QE]
14. [QS]যিহোৱাই পৰি যাব খোজা সকলক ধৰি ৰাখে; [QE][QS]অৱনত সকলক তেওঁ তুলি ধৰে। [QE]
15. [QS]সকলোৰে চকুৱে আশাৰে তোমালৈ অপেক্ষা কৰি থাকে; [QE][QS]তুমিয়েই তেওঁলোকক উচিত সময়ত আহাৰ দিয়া; [QE]
16. [QS]তুমি তোমাৰ হাত মেলা [QE][QS]আৰু সকলো জীৱকুলৰ বাঞ্ছা পূৰ্ণ কৰি কৰা। [QE]
17. [QS]যিহোৱা তেওঁৰ সকলো পথতে ধাৰ্মিক [QE][QS]আৰু সমুদায় কাৰ্যতে দয়াৱান। [QE]
18. [QS]যিসকলে যিহোৱাৰ আগত প্ৰাৰ্থনা কৰে, [QE][QS]সত্যেৰে তেওঁৰ আগত প্ৰাৰ্থনা কৰে, [QE][QS]যিহোৱা সেই সকলো লোকৰে ওচৰ। [QE]
19. [QS]যিসকলে তেওঁক ভয় কৰে, তেওঁ সেই সকলো লোকৰ মনৰ ইচ্ছা পূর্ণ কৰে। [QE][QS]তেওঁ তেওঁলোকৰ কাতৰোক্তি শুনি তেওঁলোকক ৰক্ষা কৰে। [QE]
20. [QS]যিসকলে যিহোৱাক প্ৰেম কৰে, তেওঁ তেওঁলোক সকলোকে ৰক্ষা কৰে, [QE][QS]কিন্তু সকলো দুষ্ট লোকক হ’লে তেওঁ বিনষ্ট কৰিব। [QE]
21. [QS]মোৰ মুখে যিহোৱাৰ প্ৰশংসা প্ৰচাৰ কৰিব; [QE][QS]সকলো প্ৰাণীয়ে যুগে যুগে অনন্তকাললৈকে তেওঁৰ পবিত্ৰ নামৰ ধন্যবাদ কৰিব। [QE]