1. {প্ৰধান বাদ্যকৰৰ নিমিত্তে: দায়ুদৰ ৰচিত গীত। বৎচেবাৰ লগত ব্যভিচাৰ কৰাৰ পাছত যেতিয়া নাথন ভাববাদী দায়ুদৰ ওচৰলৈ আহিছিল সেই সময়ৰ গীত। } [QS]হে ঈশ্বৰ, তোমাৰ অসীম প্রেম অনুসাৰে মোক কৃপা কৰা, [QE][QS]তোমাৰ প্ৰচুৰ দয়া অনুসাৰে মোৰ পাপ মোচন কৰা। [QE]
2. [QS]মোৰ সকলো অধৰ্ম তুমি ধুই পেলোৱা; [QE][QS]মোৰ পাপৰ পৰা মোক শুচি কৰা। [QE]
3. [QS]মোৰ পাপবোৰ মই নিজে জানিছোঁ; [QE][QS]মোৰ পাপ সদায় মোৰ আগত আছে। [QE]
4. [QS]তোমাৰ বিৰুদ্ধে, কেৱল তোমাৰেই বিৰুদ্ধে মই পাপ কৰিলোঁ; [QE][QS]তোমাৰ দৃষ্টিত যি বেয়া মই তাকে কৰিলোঁ; [QE][QS]তুমি তোমাৰ বাক্যত ধাৰ্মিক, তোমাৰ বিচাৰ নিখুঁত। [QE]
5. [QS]চোৱা, অধৰ্মতে মোৰ জন্ম হল; মোৰ মাতৃয়ে মোক পাপতে গৰ্ভধাৰণ কৰিলে। [QE]
6. [QS]তুমি হৃদয়ৰ মাজত সত্যতাক চাব বিচাৰা; [QE][QS]সেয়ে, তুমিয়েই মোৰ গোপন হৃদয়ত শিক্ষা দিবা। [QE]
7. [QS]এচোব বনেৰে তুমি মোক পবিত্র কৰা[* মোৰ পাপ গুচাই দিয়া ] আৰু মই শুচি হ’ম; [QE][QS]মোক ধোৱা, তাতে মই হিমতকৈয়ো বগা হ’ম। [QE]
8. [QS]মোক আনন্দ আৰু উল্লাসৰ ধ্বনি শুনিবলৈ দিয়া; [QE][QS]তুমি গুড়ি কৰা মোৰ অস্থিবোৰক উল্লাসিত হবলৈ দিয়া। [QE]
9. [QS]মোৰ পাপ সমূহৰ পৰা তুমি তোমাৰ মুখ ঢাকা; [QE][QS]মোৰ সকলো অপৰাধ মোচন কৰা। [QE]
10. [QS]হে ঈশ্বৰ, তুমি মোৰ ভিতৰত শুদ্ধ অন্তৰ সৃষ্টি কৰা; [QE][QS]মোৰ অন্তৰত এক নতুন আৰু সুস্থিৰ আত্মা স্থাপন কৰা। [QE]
11. [QS]তোমাৰ সন্মুখৰ পৰা মোক দূৰ নকৰিবা; [QE][QS]তোমাৰ পবিত্ৰ আত্মা মোৰ পৰা নিনিবা। [QE]
12. [QS]তোমাৰ পৰিত্ৰাণৰ আনন্দ মোক পুনৰায় দান কৰা; [QE][QS]তোমাৰ উদাৰ আত্মা দি মোক ধৰি ৰাখা। [QE]
13. [QS]তেতিয়া মই পাপীবোৰক তোমাৰ পথৰ বিষয়ে শিক্ষা দিম, [QE][QS]তাতে পাপী লোক তোমাৰ ফালে ঘূৰিব। [QE]
14. [QS]হে ঈশ্বৰ, হে মোৰ পৰিত্ৰাণৰ ঈশ্বৰ, [QE][QS]ৰক্তপাতৰ দোষৰ পৰা তুমি মোক উদ্ধাৰ কৰা; [QE][QS]তাতে মোৰ জিভাই তোমাৰ উদ্ধাৰৰ গীত উচ্চস্বৰে গাব। [QE]
15. [QS]হে প্ৰভু, মোৰ ওঁঠ মুকলি কৰা; [QE][QS]মোৰ মুখে তোমাৰ প্ৰশংসা প্ৰচাৰ কৰিব। [QE]
16. [QS]কিয়নো তুমি বলিদানত সন্তুষ্ট নোহোৱা; হোৱা হ’লে মই তাক দিলোহেঁতেন; [QE][QS]হোমবলিতো তুমি সন্তুষ্ট নোহোৱা। [QE]
17. [QS]ভগ্ন মন ঈশ্বৰৰ গ্ৰহণীয় বলি, ইয়াক দিয়া[† অহ! ঈশ্বৰ মোৰ ভগ্ন মনৰ বলি গ্ৰহণ কৰা ]; [QE][QS]হে ঈশ্বৰ, ভগ্ন আৰু অনুতাপী মনক তুমি অগ্ৰাহ্য নকৰিবা। [QE]
18. [QS]তোমাৰ মংগলময় ইচ্ছাৰে তুমি চিয়োনৰ মঙ্গল কৰা; [QE][QS]যিৰূচালেমৰ প্রাচীৰ তুমি পুনৰ নিৰ্ম্মাণ কৰা। [QE]
19. [QS]তেতিয়া ধাৰ্মিকতাৰ বলি উৎসর্গ, [QE][QS]হোমবলি উৎসর্গ আৰু পূৰ্ণাহুতি হোমবলি উৎসর্গত [QE][QS]তুমি আনন্দিত হ’বা। [QE][QS]তাৰ পাছত তোমাৰ যজ্ঞবেদীৰ ওপৰত লোকসকলে দামুৰি উৎসৰ্গ কৰিব। [QE]