1. [QS]মই যিহোৱাক প্ৰেম কৰোঁ, কিয়নো তেওঁ মোৰ স্বৰ আৰু কাকুতি শুনিলে। [QE]
2. [QS]তেওঁ মোৰ কথালৈ কাণ পাতিলে, [QE][QS]সেয়ে মই জীয়াই থকা দিনলৈকে তেওঁৰ ওচৰত প্ৰাৰ্থনা কৰিম। [QE]
3. [QS]মই মৃত্যুৰ জৰীত বান্ধ খাই পৰিছিলোঁ, [QE][QS]চিয়োলৰ যাতনাৰ সন্মুখীন হৈছিলো, [QE][QS]মই দুখ-কষ্ট পাইছিলো; [QE]
4. [QS]তেতিয়া মই যিহোৱাৰ নামেৰে প্ৰাৰ্থনা কৰিলোঁ, [QE][QS]“হে যিহোৱা, মই মিনতি কৰিছোঁ, তুমি মোৰ প্ৰাণ ৰক্ষা কৰা!” [QE]
5. [QS]যিহোৱা দয়াময় আৰু ধাৰ্মিক; [QE][QS]বাস্তৱিক আমাৰ ঈশ্বৰ স্নেহময়। [QE]
6. [QS]যিহোৱাই অমায়িক লোকক ৰক্ষা কৰে; [QE][QS]মই অসহায় হোৱাত তেওঁ মোক উদ্ধাৰ কৰিলে। [QE]
7. [QS]হে মোৰ প্রাণ, তোমাৰ বিশ্ৰাম-স্থানলৈ উভটি যোৱা, [QE][QS]কিয়নো যিহোৱাই তোমাক প্ৰচুৰ মঙ্গল কৰিলে। [QE]
8. [QS]কাৰণ তুমিয়েই মৃত্যুৰ পৰা প্ৰাণ, [QE][QS]চকুলোৰ পৰা মোৰ চকু, [QE][QS]উজুটি খোৱাৰ পৰা মোৰ ভৰি ৰক্ষা কৰিলা। [QE]
9. [QS]মই জীৱিতসকলৰ দেশত যিহোৱাৰ সাক্ষাতে অহা-যোৱা কৰিম। [QE]
10. [QS]যেতিয়া মই কৈছিলোঁ, “মই অতিশয় উৎপীড়িত হৈছোঁ” [QE][QS]তেতিয়াও যিহোৱাত মই বিশ্বাসত আছিলোঁ। [QE]
11. [QS]মই উদ্বেগ কৰি কৈছিলোঁ, “সকলো মানুহ মিছলীয়া।” [QE]
12. [QS]যিহোৱাই মোলৈ কৰা সকলো মঙ্গলৰ পৰিবর্তে [QE][QS]মই তেওঁক কি দিম? [QE]
13. [QS]মই পৰিত্ৰাণৰ পানপাত্ৰ তুলি ধৰিম, [QE][QS]আৰু যিহোৱাৰ নামেৰে প্ৰাৰ্থনা কৰিম[* ধন্যবাদ সেইজনা যিহোৱা, যিজনাই মোক ৰক্ষা কৰিলে; তেওঁক মই পেয় নৈবেদ্য উৎসৰ্গ কৰো। ]; [QE]
14. [QS]মই যিহোৱাৰ ওচৰত মোৰ সঙ্কল্পবোৰ পূর্ণ কৰিম; [QE][QS]তেওঁৰ সমুদায় লোকৰ সাক্ষাতেই কৰিম। [QE]
15. [QS]যিহোৱাৰ দৃষ্টিত তেওঁৰ বিশ্বাসীসকলৰ মৃত্যু বহুমূল্য। [QE]
16. [QS]হে যিহোৱা, সচাঁকৈয়ে মই তোমাৰ দাস হওঁ; [QE][QS]মই তোমাৰ দাস, তোমাৰেই দাসীৰ পুত্ৰ; [QE][QS]তুমিয়েই মোৰ বন্ধনবোৰ মুকলি কৰিলা। [QE]
17. [QS]মই তোমাৰ উদ্দেশ্যে ধন্যবাদাৰ্থক বলি উৎসৰ্গ কৰিম; [QE][QS]মই যিহোৱাৰ নামেৰে প্ৰাৰ্থনা কৰিম। [QE]
18. [QS]মই যিহোৱাৰ ওচৰত মোৰ সঙ্কল্পবোৰ পূর্ণ কৰিম; [QE][QS]তেওঁৰ সমুদায় লোকৰ সাক্ষাতেই কৰিম। [QE]
19. [QS]হে যিৰূচালেম, তোমাৰেই মাজত, [QE][QS]যিহোৱাৰ গৃহৰ চোতাল কেইখনত, মই সেই সকলো পূর্ণ কৰিম। [QE][QS]তোমালোকে যিহোৱাৰ প্ৰশংসা কৰা! [QE]