1. {#1এজন দার্শনিক ৰজাৰ গভীৰ চিন্তা }
2. [PS]দায়ুদৰ পুত্ৰ, যিৰূচালেমত থাকি ৰাজত্ব কৰা উপদেশকৰ কথা। [PE]{#1সকলো অসাৰ } [PS]উপদেশকে কৈছে, [PE][QS]“অসাৰৰ অসাৰ! [QE][QS]সকলোৱেই অসাৰ। [QE]
3. [QS]সূৰ্যৰ তলত[* অর্থাৎ এই পৃথিৱীত ] মানুহে যি যি পৰিশ্ৰম কৰে, সেই সকলো পৰিশ্ৰমত তেওঁৰ কি লাভ? [QE]
4. [QS]এক পুৰুষ যায় আৰু এক পুৰুষ আহে; কিন্তু পৃথিৱী চিৰকাল থাকে। [QE]
5. [QS]সূৰ্য উদয় হয়, সূর্য অস্ত যায়; বেগেৰে নিজৰ উদয় স্থানলৈ ঘূৰি গৈ পুনৰ উদয় হয়। [QE]
6. [QS]বতাহ দক্ষিণ দিশলৈ বয়, আৰু চৌপাশে ঘূৰি উত্তৰলৈ যায়; [QE][QS]এইদৰে বতাহ নিজৰ পথত ঘূৰি থাকে, [QE][QS]আৰু পুনৰ নিজ চক্ৰলৈ উলটি আহে। [QE]
7. [QS]সকলো নদী গৈ সমুদ্ৰত পৰে; তথাপি সমুদ্ৰ কেতিয়াও পূর্ণ নহয়; [QE][QS]নদীবোৰ যি ঠাইলৈ যায়, সেই ঠাইলৈকে পুনৰায় একেৰাহে গৈ থাকে। [QE]
8. [QS]সকলোবোৰ বিষয়েই বিৰক্তিকৰ, তাৰ ব্যাখ্যা দিব পৰা মানুহৰ পক্ষে অসাধ্য। [QE][QS]চকুৱে যিমানেই দৰ্শন নকৰক, চকু তৃপ্ত নহয়; [QE][QS]কাণে যিমানেই শ্ৰৱণ নকৰক, কাণ তৃপ্ত নহয়। [QE]
9. [QS]যি হৈ গ’ল, সেয়ে পুনৰ হ’ব; [QE][QS]যি কৰা হ’ল, তাক পুনৰ কৰা হ’ব; [QE][QS]সূৰ্যৰ তলত নতুন একোৱেই নাই। [QE]
10. [QS]এনে কিবা আছেনে, যাৰ বিষয়ে মানুহে ক’ব পাৰে যে, [QE][QS]‘চোৱা এইটো নতুন’? [QE][QS]যি যি বিদ্যমান, ইতিমধ্যে বহু দিন ধৰি আছিল, [QE][QS]আমাৰ যুগৰ আগতেও বিদ্যমান আছিল। [QE]
11. [QS]অতীতত ঘটা বিষয়বোৰৰ কথা কাৰো মনত নাই; [QE][QS]অনেক পাছত যি ঘটিছিল, [QE][QS]আৰু ভৱিষ্যতেও যি যি হ’ব, সেই বিষয়েও মানুহে সোঁৱৰণ নকৰিব।” [QE]
12. {#1জ্ঞান অসাৰ } [PS]মই উপদেশক; মই যিৰূচালেমত ইস্ৰায়েলৰ ওপৰত ৰজা আছিলোঁ।
13. আকাশৰ তলত যি যি কৰা হয়, তাক জ্ঞানৰ দ্বাৰা পৰীক্ষা আৰু অনুসন্ধান কৰিবৰ কাৰণে মই মনতে স্থিৰ কৰিলোঁ। মই দেখিলোঁ, ঈশ্বৰে মনুষ্যক ব্যস্ত ৰাখিবলৈ ই এক দুর্বহ কার্যভাৰ।
14. সূর্যৰ তলত যি যি কৰা হয়, সেই সকলোকে মই চালোঁ; দেখিলোঁ, এই সকলো অসাৰ আৰু কেৱল বতাহক ধৰিবলৈ[† অর্থাৎ বতাহক খোৱাৰ দৰে ] চেষ্টা কৰাৰ নিচিনা। [QE]
15. [QS]যি বেঁকা তাক পোন কৰিব নোৱাৰি! [QE][QS]যি অনুপস্থিত, তাক গণনা কৰা অসাধ্য! [QE]
16. [PS]মই মনে মনে ক’লো, “মোৰ আগেয়ে যিসকল যিৰূচালেমত আছিল, সেইসকল লোকতকৈ মই অধিক প্ৰজ্ঞা অর্জন কৰিলোঁ; মোৰ মনে প্ৰজ্ঞা আৰু জ্ঞানৰ মহান অভিজ্ঞতা পালে।”
17. তাৰ পাছত মই প্রজ্ঞা, উন্মত্ততা আৰু মুৰ্খতা জানিবলৈ মনোযোগ কৰিলোঁ; তাতে মই বুজিলো যে, ইও বতাহক ধৰিবলৈ চেষ্টা কৰা মাত্ৰ।
18. কিয়নো প্ৰজ্ঞাৰ বাহুল্যতাত অধিক নৈৰাশ্যতা বাঢ়ে আৰু যিজনে জ্ঞান বৃদ্ধি কৰে, তেওঁ দুখো বৃদ্ধি কৰে। [QE]