1. {সঙ্গীত: আচফৰ ৰচিত গীত। } [QS]হে ঈশ্বৰ, তুমি মনে মনে নাথাকিবা! হে ঈশ্বৰ তুমি মুখ বন্ধ কৰি নিসাৰ হৈ নাথাকিবা! [QE]
2. [QS]চোৱা, তোমাৰ শত্রুবোৰে কেনেকৈ আলোড়নৰ সৃষ্টি কৰিছে; [QE][QS]তোমাক ঘৃণা কৰা সকলে নিজৰ মূৰ দাঙিছে। [QE]
3. [QS]তোমাৰ লোকসকলৰ বিৰুদ্ধে তেওঁলোকে কুমন্ত্ৰণা কৰিছে; [QE][QS]তুমি যিসকলক ৰক্ষা কৰিছা, সেই লোকসকলৰ বিৰুদ্ধে তেওঁলোকে একেলগে কু-মন্ত্রণা কৰিছে। [QE]
4. [QS]তেওঁলোকে কয়, “আহাঁ, আমি এক জাতি হিচাবে তেওঁলোকক উচ্ছন্ন কৰোঁহক, [QE][QS]যাতে ইস্ৰায়েলৰ নাম পুনৰ কেতিয়াও সোঁৱৰণ কৰা নহ’ব। [QE]
5. [QS]তেওঁলোক একমনা হৈ ষড়যন্ত্র কৰিছে; [QE][QS]তেওঁলোকে তোমাৰ বিৰুদ্ধে এটি নিয়ম কৰিছে। [QE]
6. [QS]তেওঁলোক হ’ল, তম্বুবাসী ইদোমৰ ইশ্মায়েলীয়াসকল, [QE][QS]মোৱাবীয়া আৰু হাগৰীয়াসকল, [QE]
7. [QS]গবালীয়া, অম্মোনীয়া, অমালেকীয়া আৰু তূৰ নিবাসীসকলৰ সৈতে পলেষ্টিয়াসকল; [QE]
8. [QS]অচুৰীয়াসকলেও তেওঁলোকৰ সংগত যোগ দিছে; [QE][QS]লোটৰ উত্তৰপুৰুষসকলৰ[* লোটৰ উত্তৰপুৰুষ অর্থাৎ “মোৱাবীয়া আৰু অম্মোনীয়া।” ] বাহু সবল কৰাত তেওঁলোকে সহায় কৰিছে। [QE]
9. [QS]তুমি মিদিয়নীয়াসকলৰ প্রতি যি কৰিছিলা, কীচোন নদীৰ পাৰত চীচৰা আৰু যাবীনৰ প্রতি যি কৰিছিলা, এওঁলোকৰ ক্ষেত্ৰতো তাকেই কৰা। [QE]
10. [QS]চীচৰা আৰু যাবীন অয়িন-দোৰত ধ্বংস হৈ গ’ল। [QE][QS]তেওঁলোক মাটিৰ ওপৰত গোবৰৰ দৰে পৰি আছিল। [QE]
11. [QS]তেওঁলোকৰ প্রধান লোকসকলৰ দশা তুমি ওৰেব আৰু জেবৰ নিচিনা কৰা; [QE][QS]তেওঁলোকৰ অধিপতিৰ সকলো দশা জেবহ আৰু চলমুন্নাৰ নিচিনা কৰা। [QE]
12. [QS]তেওঁলোকে কৈছিল, “আহাঁ আমি ঈশ্বৰৰ চৰণীয়া ভূমি আমাৰ নিজৰ কাৰণে অধিকাৰ কৰি লওহঁক।” [QE]
13. [QS]হে মোৰ ঈশ্বৰ, তুমি তেওঁলোকক বা’মাৰলী বতাহত ঘূৰি থকা ধুলিৰ নিচিনা কৰা, [QE][QS]বতাহে উড়ুৱাই নিয়া তুঁহৰ নিচিনা কৰা। [QE]
14. [QS]বনজুইয়ে অৰণ্যক যেনেকৈ দগ্ধ কৰি দিয়ে, [QE][QS]জুইৰ শিখাই পর্বতবোৰ জ্বলাই দিয়ে, [QE]
15. [QS]সেইদৰে তোমাৰ ধুমুহাৰে তুমি তেওঁলোকক খেদি যোৱা, [QE][QS]আৰু তোমাৰ প্ৰচণ্ড বতাহেৰে তেওঁলোকক ভয় খুউৱা। [QE]
16. [QS]হে যিহোৱা, লজ্জাৰে তুমি তেওঁলোকৰ মুখ ঢাকি দিয়া, [QE][QS]যাতে হে যিহোৱা, তেওঁলোকে তোমাৰ নাম মাতিব, [QE]
17. [QS]তেওঁলোক চিৰকালৰ বাবে লজ্জিত হওঁক আৰু ভীষণ ভাৱে আতঙ্কিত হওঁক; [QE][QS]তেওঁলোক অপমানিত হৈ বিনষ্ট হওক। [QE]
18. [QS]তেওঁলোকে যেন জানিব পাৰে যে তোমাৰ নাম যিহোৱা, [QE][QS]তুমি, কেৱল তুমিয়েই সমুদায় পৃথিবীৰ ওপৰত সৰ্ব্বোপৰি জনা। [QE]