1. {#1দায়ুদৰ ৰচিত গীত: } [QS]হে যিহোৱা, মই মোৰ প্রাণ তোমালৈ তুলি ধৰিছোঁ! [QE]
2. [QS]হে মোৰ ঈশ্বৰ, মই তোমাতেই ভাৰসা কৰিছোঁ; [QE][QS]তুমি মোক লাজত পৰিবলৈ নিদিবা; [QE][QS]মোৰ শত্রুবোৰক মোৰ ওপৰত উল্লাস কৰিবলৈ নিদিবা। [QE]
3. [QS]তোমালৈ অপেক্ষা কৰাসকলক তুমি লাজত পৰিবলৈ নিদিবা; [QE][QS]কিন্তু যি সকলে অকাৰণে বিশ্বাসঘাটকতা কৰে তেওঁলোকেই লাজত পৰিব। [QE]
4. [QS]হে যিহোৱা, তোমাৰ পথবোৰ মোক জনোৱা; [QE][QS]তোমাৰ পথত চলিবলৈ মোক শিকোৱা। [QE]
5. [QS]তোমাৰ সত্যতাত মোক পৰিচালিত কৰা আৰু মোক শিক্ষা দিয়া; [QE][QS]কিয়নো তুমিয়েই মোৰ ত্ৰাণকর্তা ঈশ্বৰ; [QE][QS]ওৰে দিনটো মই তোমালৈ অপেক্ষা কৰোঁ। [QE]
6. [QS]হে যিহোৱা, তোমাৰ দয়া আৰু অসীম প্রেমৰ কথা তুমি পাহৰি নাযাবা, [QE][QS]কিয়নো সেই সকলো অনাদি কালৰ পৰা আছে। [QE]
7. [QS]মোৰ যৌৱন কালৰ পাপ আৰু অপৰাধবোৰ তুমি সোঁৱৰণ নকৰিবা; [QE][QS]হে যিহোৱা, তুমি তোমাৰ অসীম প্রেমৰ দ্বাৰাই আৰু তোমাৰ মঙ্গলদায়ক গুণেৰেই মোক সোঁৱৰণ কৰা। [QE]
8. [QS]যিহোৱা মঙ্গলময় আৰু সৎ; [QE][QS]সেয়ে তেওঁ পাপী লোকক তেওঁৰ পথৰ বিষয়ে শিক্ষা দিয়ে। [QE]
9. [QS]তেওঁ নম্ৰ লোকক ন্যায় পথত চলায়, [QE][QS]তেওঁৰ পথৰ বিষয়ে শিক্ষা দিয়ে। [QE]
10. [QS]যিসকলে যিহোৱাৰ ব্যৱস্থা আৰু বিধিবোৰ পালন কৰে, [QE][QS]তেওঁলোকলৈ তেওঁৰ সকলো পথেই অসীম প্রেম আৰু বিশ্ৱস্ততাৰে পৰিপূর্ণ। [QE]
11. [QS]হে যিহোৱা, মোৰ অপৰাধ অতি গুৰুতৰ; [QE][QS]তোমাৰ নামৰ গুণেৰেই মোৰ অপৰাধ ক্ষমা কৰা। [QE]
12. [QS]কোন সেই লোক, যি জনে যিহোৱালৈ ভয় ৰাখে? [QE][QS]তেওঁলোকে মনোনীত কৰিবলগীয়া পথ যিহোৱাই তেওঁলোকক শিকাব। [QE]
13. [QS]তেওঁলোকে উন্নতিৰ মাজেদি নিজৰ জীৱন কটাব; [QE][QS]তেওঁলোকৰ বংশধৰসকলে দেশ অধিকাৰ কৰিব। [QE]
14. [QS]যি সকলে যিহোৱালৈ ভয় ৰাখে, [QE][QS]যিহোৱাই তেওঁলোকৰ লগত বন্ধুত্ব কৰে; [QE][QS]আৰু তেওঁ স্থাপন কৰা বিধিবোৰ তেওঁলোকক জনায়। [QE]
15. [QS]মোৰ চকু চিৰকাল যিহোৱাৰ ফাললৈ; [QE][QS]কিয়নো তেৱেঁই মোৰ ভৰি জালৰ পৰা মুক্ত কৰিব। [QE]
16. [QS]মোৰ ফালে ঘূৰি চোৱা, মোক কৃপা কৰা; [QE][QS]কিয়নো মই অকলশৰীয়া আৰু দুঃখিত। [QE]
17. [QS]মোৰ হৃদয়ৰ যাতনাৰ পৰা মোক মুক্ত কৰা; [QE][QS]মোৰ নানা ক্লেশৰ পৰা মোক উদ্ধাৰ কৰা। [QE]
18. [QS]মোৰ দুখ আৰু সঙ্কটলৈ দৃষ্টি কৰা, [QE][QS]মোৰ সকলো পাপ ক্ষমা কৰা। [QE]
19. [QS]মোৰ শত্রুবোৰলৈ চোৱা, তেওঁলোক সংখ্যাত অনেক; [QE][QS]তেওঁলোকে কিমান ভীষণ ঘৃণাৰে মোক ঘিণ কৰে। [QE]
20. [QS]মোৰ প্রাণৰ সুৰক্ষা দিয়া, মোক উদ্ধাৰ কৰা; [QE][QS]মোক লাজত পৰিবলৈ নিদিবা, [QE][QS]কাৰণ মই তোমাতেই আশ্ৰয় লৈছোঁ। [QE]
21. [QS]মোৰ সততা আৰু ন্যায় কার্যই মোক ৰক্ষা কৰক; [QE][QS]কাৰণ মই তোমালৈকো অপেক্ষা কৰিছোঁ। [QE]
22. [QS]হে ঈশ্বৰ, ইস্ৰায়েলক তেওঁলোকৰ সকলো দুখ-কষ্টৰ পৰা মুক্ত কৰা। [QE]