1. {প্ৰধান বাদ্যকৰৰ নিমিত্তে: তাঁৰযুক্ত বাদ্যৰে সৈতে গোৱা দায়ুদৰ ৰচিত গীত। } [QS]হে মোৰ ধাৰ্মিকতাৰ ঈশ্বৰ, মই যেতিয়া তোমাক মাতো, [QE][QS]তেতিয়া তুমি মোক উত্তৰ দিয়া। [QE][QS]বিপদে যেতিয়া মোক হেঁচি ধৰিলে, [QE][QS]কিন্তু তুমিয়ে মোক বহল ঠাই দিলা; [QE][QS]মোক কৃপা কৰা; মোৰ প্ৰাৰ্থনা শুনা। [QE]
2. [QS]হে মনুষ্য, কিমান কালনো তোমালোকে মোৰ সন্মানক অসন্মান কৰিবা? [QE][QS]কিমান কালনো তোমালোকে অসাৰকে ভাল পাই থাকি [QE][QS]অসত্যৰ পাছে পাছে দৌৰিবা? (চেলা)। [QE]
3. [QS]কিন্তু তোমালোকে জানি থোৱা, যিহোৱাই নিজৰ ভক্তসকলক [QE][QS]তেওঁৰ নিজৰ কাৰণে পৃথক কৰিলে। [QE][QS]মই মাতিলে, যিহোৱাই মোৰ প্রার্থনা শুনে। [QE]
4. [QS]তোমালোকে মনৰ ব্যাকুলতাত পাপ নকৰিবা; [QE][QS]নিজৰ শয্যাত শুই তাক দকৈ মনতে চিন্তা কৰি চাবা আৰু নিজম দি থাকিবা। (চেলা)। [QE]
5. [QS]তোমালোকে যোগ্য বলি উৎসৰ্গ কৰা, আৰু যিহোৱাত ভাৰসা ৰাখা। [QE]
6. [QS]অনেকে কয়, “অহ! আমি যদি অলপমান মঙ্গলকে দেখা পালোহেঁতেন!” [QE][QS]হে যিহোৱা, তোমাৰ মুখৰ দীপ্তি আমাৰ ওপৰত প্রতিফলিত হওঁক। [QE]
7. [QS]প্রচুৰ শস্য আৰু নতুন দ্রাক্ষাৰস উভৈনদী হ’লে যেনেকৈ আনন্দ হয়, [QE][QS]তাতোকৈয়ো অধিক আনন্দ দি তুমি মোৰ অন্তৰ পূর্ণ কৰি ৰাখিছা। [QE]
8. [QS]মই শান্তিৰে শুই টোপনি যাম। [QE][QS]কাৰণ, হে যিহোৱা, কেৱল তুমিয়েই মোক নিৰাপত্তা দি নিৰাপদে ৰাখিছা। [QE]