1. [QS]কোনো লোকে খেদি নগলেও দুষ্টলোক দৌৰি পলায়; [QE][QS]কিন্তু ন্যায় কাৰ্য কৰা সকল যুৱা সিংহৰ দৰে সাহসী হয়। [QE]
2. [QS]দেশৰ আইন উলঙ্ঘনৰ বাবে দেশত অনেক শাসনকৰ্তা হয়; [QE][QS]কিন্তু জ্ঞানী আৰু বিবেচনা কৰা লোকৰ দ্বাৰাই শাসন চিৰস্থায়ী হয়। [QE]
3. [QS]যিজন দৰিদ্ৰ লোকে দৰিদ্রক উপদ্ৰৱ কৰে, [QE][QS]তেওঁ খাদ্য নষ্ট কৰা বৰষুণৰ দৰে। [QE]
4. [QS]যিজনে বিধান ত্যাগ কৰে, তেওঁ দুষ্টলোকক প্ৰশংসা কৰে, [QE][QS]কিন্তু যিজনে বিধান পালন কৰে, তেওঁ তেওঁলোকৰ বিৰুদ্ধে যুঁজ কৰে। [QE]
5. [QS]দুষ্ট লোকে ন্যায়বিচাৰ নুবুজে; [QE][QS]কিন্তু যিজনে যিহোৱাক বিচাৰে, সেই জনে সকলো বুজি পায়। [QE]
6. [QS]কুটিল পথত চলা ধনী মানুহতকৈ, [QE][QS]ন্যায়পৰায়ণতাত চলা দৰিদ্ৰ লোকেই শ্ৰেষ্ঠ। [QE]
7. [QS]যি জনে বিধান পালন কৰে, তেওঁ সুবিবেচনা থকা সন্তানৰ দৰে; [QE][QS]কিন্তু যি জনৰ ভোজনবিলাসী সঙ্গী থাকে, তেওঁ নিজৰ পিতৃক লাজ দিয়ে। [QE]
8. [QS]যি কোনোৱে অধিক সুত লোৱাৰ দ্বাৰাই নিজৰ ভবিষ্যতলৈ সম্পত্তি সাঁচে, [QE][QS]সেই জনে দৰিদ্র লোকক দয়া কৰা লোকৰ বাবে সেই ধন সাঁচে। [QE]
9. [QS]কোনোৱে যদি বিধানৰ কথা শুনাৰ পৰা আঁতৰি থাকে, [QE][QS]তেনেহ’লে তেওঁৰ প্ৰাৰ্থনাও ঘৃণিত হয়। [QE]
10. [QS]যি কোনোৱে ন্যায়পৰায়ণ লোকক কুপথত চলিবলৈ বিভ্রান্ত কৰে, [QE][QS]তেনেহলে তেওঁ নিজে খন্দা গাতত নিজে পৰে; [QE][QS]কিন্তু নিৰ্দোষী লোকে ভাল উত্তৰাধিকাৰ লাভ কৰে। [QE]
11. [QS]ধনী লোক নিজৰ দৃষ্টিত জ্ঞানী হ’ব পাৰে; [QE][QS]কিন্তু বিবেচনা শক্তি থকা দৰিদ্ৰ লোকে তেওঁক বিচাৰি উলিয়াব। [QE]
12. [QS]ন্যায় কাৰ্য কৰা লোক যেতিয়া জয়ী হয়, তেতিয়া তাত মহাগৌৰৱ হয়, [QE][QS]কিন্তু যেতিয়া দুষ্ট লোকে উন্নতি কৰে, তেতিয়া লোকসকলে নিজকে লুকুৱাই থাকে। [QE]
13. [QS]যিজনে নিজৰ পাপ ঢাকি ৰাখে, তেওঁৰ উন্নতি নহব; [QE][QS]কিন্তু যিজনে নিজৰ পাপ স্বীকাৰ কৰি সেইবোৰ ত্যাগ কৰে, সেই জনে দয়া পাব। [QE]
14. [QS]যিজনে সদায় গভীৰ ভক্তিৰে জীৱন যাপন কৰে, সেই জন সুখী হয়; [QE][QS]কিন্তু যিকোনোৱে নিজৰ হৃদয় কঠিন কৰে, সেই জন সমস্যাত পৰে। [QE]
15. [QS]গৰ্জ্জনকাৰী সিংহ আৰু আক্রমণকাৰী ভালুক যেনে, [QE][QS]দৰিদ্র লোকৰ ওপৰত দুষ্ট শাসনকৰ্ত্তাও তেনে। [QE]
16. [QS]বিবেচনা শক্তি নথকা শাসনকৰৰ্ত্তা অত্যাচাৰী হয়; [QE][QS]কিন্তু যিজনে অসাধুতাক ঘিণ কৰে, তেওঁ দীৰ্ঘজীৱি হয়। [QE]
17. [QS]যদি কোনো মানুহ আনৰ ৰক্তপাতত দোষীসাব্যস্ত হয়, [QE][QS]তেওঁ মৃত্যুলৈকে পলাই ফুৰে; [QE][QS]আৰু কোনেও তেওঁক সহায় নকৰে। [QE]
18. [QS]যি কোনোৱে শুদ্ধ পথত চলে, তেওঁ ৰক্ষা পায়, [QE][QS]কিন্তু যিজনে কুটিল পথত চলে; তেওঁ হঠাৎ পতিত হয়। [QE]
19. [QS]যি কোনোৱে নিজৰ মাটিত কাম কৰে, তেওঁ জোৰাওকৈ আহাৰ পায়, [QE][QS]কিন্তু যিজন নিষ্কৰ্মা লোকৰ অনুগামী হয়, সেই জনৰ প্রচুৰ পৰিমাণে অভাৱ হয়। [QE]
20. [QS]বিশ্বাসী লোকে বহুতো আশীৰ্ব্বাদ পায়; [QE][QS]কিন্তু যিজন শীঘ্রে ধনী হয়, সেই জনে দণ্ড নোপোৱাকৈ নাথাকে। [QE]
21. [QS]পক্ষপাত কৰা ভাল নহয়; [QE][QS]কিন্তু এডোখৰ ৰুটিৰ বাবেও মানুহে ভুল কৰে। [QE]
22. [QS]কৃপণ লোকে ধনী হ’বলৈ অগ্রসৰ হয়; [QE][QS]কিন্তু দৰিদ্ৰতা যে তেওঁৰ ওচৰলৈ আহি আছে, সেই বিষয়ে তেওঁ নাজানে। [QE]
23. [QS]কথাৰে খুচামোদ কৰা লোকতকৈ, [QE][QS]কোনো এজনক অনুযোগ কৰা জনে পৰৱৰ্তি সময়ত অধিক অনুগ্ৰহ পায়। [QE]
24. [QS]যি কোনোৱে নিজৰ পিতৃ আৰু মাতৃৰ ধন-সম্পত্তি অপহৰণ কৰি কয়, “এয়া পাপ নহয়,” [QE][QS]তেওঁ বিনাশকাৰীৰ সঙ্গী হয়। [QE]
25. [QS]লুভীয়া স্বভাৱৰ লোকে বিবাদ উৎপন্ন কৰে; [QE][QS]কিন্তু যিহোৱাত ভাৰসা কৰা লোকৰ উন্নতি হয়। [QE]
26. [QS]যিজনে নিজৰ হৃদয়ত ভাৰসা কৰে, তেওঁ অজ্ঞানী হ’য়; কিন্তু যি মানুহে প্ৰজ্ঞাৰ পথত চলে, তেওঁ বিপদৰ পৰা ৰক্ষা পায়। [QE]
27. [QS]যি মানুহে দৰিদ্ৰক দান কৰে, তেওঁৰ অভাৱ নহয়; [QE][QS]কিন্তু যি কোনোৱে তেওঁলোকলৈ চকু মুদে, তেওঁ অধিক শাও পায়। [QE]
28. [QS]দুষ্টলোকৰ উন্নতি হলে, মানুহে নিজকে লুকাই ৰাখে; [QE][QS]কিন্তু দুষ্টলোক নষ্ট হলে, ন্যায় কাৰ্য কৰা লোকৰ বৃদ্ধি হয়। [QE]