1. {প্ৰধান বাদ্যকৰৰ নিমিত্তে: কোৰহৰ বংশৰ ৰচিত গীত। অলামোৎ সুৰত গাবলগীয়া সঙ্গীত। } [QS]ঈশ্বৰ আমাৰ আশ্ৰয় আৰু বল, [QE][QS]সঙ্কটৰ সময়ত বিচাৰা মাত্ৰে পাব পৰা ঈশ্বৰ। [QE]
2. [QS]এই বাবেই মই ভয় নকৰিম - যদিও পৃথিবীৰ পৰিবৰ্ত্তন হয়, পৰ্ব্বতবোৰ কঁপি উঠি সাগৰৰ বুকুত পৰে, [QE]
3. [QS]যদিও জল সমূহে তৰ্জ্জন-গৰ্জ্জন কৰে আৰু ফেনে-ফুটুকাৰে ভৰি পৰে, [QE][QS]যদিও পৰ্ব্বতবোৰে আলোড়ন কৰি কঁপি উঠে। (চেলা) [QE]
4. [QS]এখন নদী আছে; তাৰ সুঁতিবোৰে ঈশ্বৰৰ নগৰক আনন্দময় কৰি তোলে, [QE][QS]আনন্দময় কৰি তোলে সৰ্ব্বোপৰি জনা থকা সেই পবিত্ৰ স্থান। [QE]
5. [QS]ঈশ্বৰ সেই নগৰৰ মাজত থাকে; সেয়ে তাই বিচলিত নহ’ব। [QE][QS]অতি পুৱাতেই ঈশ্বৰে তাইক সহায় কৰিব। [QE]
6. [QS]জাতিবোৰে হৈ চৈ কৰিছে; আৰু ৰাজ্যবোৰ উচ্ছন্ন হৈছে; [QE][QS]তেওঁ গর্জন কৰি উঠিছে আৰু পৃথিৱী দ্রৱীভূত হ’ল। [QE]
7. [QS]বাহিনীসকলৰ সর্বশক্তিমান যিহোৱা আমাৰ সঙ্গত আছে; [QE][QS]যাকোবৰ ঈশ্বৰ আমাৰ আশ্রয়স্থান। (চেলা) [QE]
8. [QS]আহাঁ, যিহোৱাৰ কার্য-কলাপ চোৱা, [QE][QS]তেওঁ পৃথিবীত ধ্বংস আনিছে। [QE]
9. [QS]তেওঁ পৃথিবীৰ সকলো যুদ্ধ বন্ধ কৰে, [QE][QS]তেওঁ ধনু ভাঙে, বৰছা ডোখৰ ডোখৰ কৰে, [QE][QS]ৰথবোৰ জুইত পোৰে। [QE]
10. [QS]যিহোৱাই কৈছে, “তোমালোক ক্ষান্ত[* যুদ্ধবোৰ বন্ধ কৰা ] হোৱা, মই যে ঈশ্বৰ, ইয়াকে জানা! [QE][QS]সকলো জাতিয়ে মোকেই গৌৰৱান্বিত কৰিব, [QE][QS]পৃথিৱীয়ে মোকেই গৌৰৱান্বিত কৰিব।” [QE]
11. [QS]বাহিনীসকলৰ সর্বশক্তিমান যিহোৱা আমাৰ সঙ্গত আছে; [QE][QS]যাকোবৰ ঈশ্বৰ আমাৰ আশ্রয়স্থান। (চেলা) [QE]