1. {বিল্দদৰ দ্বিতীয় বক্তৃতা। }
2. [PS]তাতে চুহীয়া বিল্দাদদে পুনৰায় উত্তৰ কৰি ক’লে, [PE][QS]তোমালোকেনো কিমান কাল কথা বিচাৰি থাকিবা? [QE][QS]তোমালোকে বুজি চাব লাগে; তাৰ পাছত আমি কথা ক’ব পাৰোঁ। [QE]
3. [QS]আমি নো কেলেই পশুতুল্য গণিত হৈছোঁ? [QE][QS]আৰু তোমালোকৰ দৃ্ষ্টিত আমি নো কেলেই অশুচি হৈছোঁ? [QE]
4. [QS]ক্ৰোধত নিজকে বিদৰোৱা যি তুমি, [QE][QS]তোমাৰ নিমিত্তে জানো পৃথিৱী ত্যাগ কৰা হ’ব, [QE][QS]বা তোমাৰ নিমিত্তে বৃহৎ শিলক নিজ ঠাইৰ পৰা আঁতৰোৱা যাব? [QE]
5. [QS]নিশ্চয় দুষ্টৰ দীপ্তি নুমাই যাব, [QE][QS]আৰু তাৰ অগ্নিশিখাই পোহৰ নিদিব। [QE]
6. [QS]তাৰ তম্বুত পোহৰেই আন্ধাৰ হ’ব, [QE][QS]আৰু তাৰ ওপৰত ওলোমাই থোৱা চাকি নুমাই যাব। [QE]
7. [QS]তাৰ খোজৰ শক্তি কম হৈ যাব, [QE][QS]আৰু সি নিজৰ পৰামৰ্শতে নিজে পৰিব। [QE]
8. [QS]কিয়নো নিজৰ ভৰিয়েই তাক জালৰ মাজত পেলাই দিয়ে, [QE][QS]আৰু সি পাশৰ ওপৰেদি ফুৰে। [QE]
9. [QS]কুন্দাই তাৰ ভৰিৰ গোৰোহাত ধৰিব, [QE][QS]আৰু সি ফান্দত ধৰা পৰিব। [QE]
10. [QS]তাৰ নিমিত্তে মাটিত খোৰোচা লুকুৱাই পতা আছে, [QE][QS]আৰু তাৰ নিমিত্তে বাটত ফাচ পতা আছে। [QE]
11. [QS]কেইওফালৰ পৰা নানা ত্ৰাসে তাক ভয় লগাব, [QE][QS]আৰু খোজে খোজে তাক খেদি যাব। [QE]
12. [QS]ভোকত তাৰ বল কমি যাব, [QE][QS]আৰু বিপদে তাৰ পতনলৈ বাট চাই থাকিব। [QE]
13. [QS]মৃত্যুৰ জেষ্ঠ পুত্ৰই তাৰ সৰ্ব্বাঙ্গ গ্ৰাস কৰিব, [QE][QS]আৰু তাৰ শৰীৰৰ অঙ্গ-প্ৰতঙ্গবোৰ খাই পেলাব, [QE]
14. [QS]যি তম্বুতেই সি আশ্ৰয় লব, সেই তম্বুৰেই পৰা তাক তুলি নিয়া হ’ব; [QE][QS]ত্ৰাসবোৰৰ ৰজাৰ ওচৰলৈ তাক নিয়া হ’ব। [QE]
15. [QS]তাৰ অসম্পৰ্কীয়বোৰে তাৰ তম্বুত বাস কৰিব; [QE][QS]তাৰ বসতিৰ ঠাইত গন্ধক সিঁচা হ’ব। [QE]
16. [QS]তলত তাৰ শিপাবোৰ শুকাব, [QE][QS]আৰু ওপৰত তাৰ ডাল কটা যাব। [QE]
17. [QS]পৃথিবীৰ পৰা তাৰ সোঁৱৰণ লুপ্ত হ’ব, [QE][QS]আৰু গাৱেঁ-ভূঁয়ে কোনেও তাৰ নাম নলব। [QE]
18. [QS]তাক পোহৰৰ পৰা আন্ধাৰলৈ দূৰ কৰি দিয়া হ’ব, [QE][QS]আৰু সংসাৰৰ পৰা খেদাই দিয়া যাব। [QE]
19. [QS]স্বজাতীয়বোৰৰ মাজত তাৰ পো নাতি নাথাকিব, [QE][QS]তাৰ বসতিৰ কোনো ঠাইত কোনো অৱশিষ্ট নাথাকিব। [QE]
20. [QS]তাৰ দুৰ্দ্দিন দেখি পশ্চিমত থকা লোক সকলে বিস্ময় মানিব, [QE][QS]আৰু পূবত থকাবোৰে চিঞৰি উঠিব। [QE]
21. [QS]নিশ্চয়ে অধৰ্মিৰ বাসস্থান এনেকুৱা হ’ব, [QE][QS]আৰু ঈশ্বৰক নজনা লোকৰ ঠাই এনেকুৱা।” [QE]