1. {প্ৰধান বাদ্যকৰৰ নিমিত্তে যোনৎএলম ৰহোকীম সুৰত গাবলগীয়া মিকতাম নামে দায়ূদৰ ৰচিত গীত। পলেষ্টীয়াবিলাকে দায়ূদক গাতত ধৰা সময়ৰ গীত। } [QS]হে ঈশ্বৰ, মোক কৃপা কৰা; [QE][QS]কিয়নো মানুহে মোক গ্ৰাস কৰিবলৈ বিচাৰিছে; [QE][QS]সি ওৰে দিনটো যুদ্ধ কৰি মোক উপদ্ৰৱ কৰিছে। [QE]
2. [QS]মোৰ শত্ৰুবোৰে ওৰে দিনটো মোক গ্ৰাস কৰিবলৈ বিচাৰিছে; [QE][QS]কিয়নো মোৰ বিৰুদ্ধে অহংকাৰ কৰি যুদ্ধ কৰা লোক অনেক। [QE]
3. [QS]যেতিয়াই মোৰ ভয় লাগে; [QE][QS]তেতিয়াই মই তোমাত ভাৰসা কৰিম। [QE]
4. [QS]মই ঈশ্বৰত নিৰ্ভৰ কৰি তেওঁৰ বাক্যৰ প্ৰশংসা কৰিম; [QE][QS]মই ঈশ্বৰত ভাৰসা কৰিলোঁ, ভয় নকৰোঁ; [QE][QS]মাংসই মোক কি কৰিব পাৰে? [QE]
5. [QS]সিহঁতে ওৰে দিনটো মোৰ বাক্য অৰ্থান্তৰ কৰে; [QE][QS]সিহঁতৰ সকলো সঙ্কল্প মোৰ বিৰুদ্ধে অনিষ্টজনক। [QE]
6. [QS]সিহঁতে গোট খাই লুকাই থাকে; [QE][QS]সিহঁতে মোৰ প্ৰাণলৈ অপেক্ষা কৰি থকাৰ দৰে, মোৰ ভৰিৰ খোজলৈ লক্ষ্য কৰে। [QE]
7. [QS]অধৰ্মৰ দ্বাৰাই সিহঁতে ৰক্ষা পাব নে? [QE][QS]হে ঈশ্বৰ, ক্ৰোধেৰে জাতিবোৰক নিপাত কৰা। [QE]
8. [QS]তুমি মোৰ ভ্ৰমণৰ লেখ লৈছা; [QE][QS]তুমি মোৰ চকু-লো তোমাৰ কূপাত বন্ধ কৰি ৰাখা; [QE][QS]সেইবোৰ তোমাৰ বহিত নাই নে? [QE]
9. [QS]সেই দিনা, মই প্ৰাৰ্থনা কৰা কালত মোৰ শত্ৰুবোৰ বিমুখ হ’ব; [QE][QS]ঈশ্বৰ যে মোৰ ফলীয়া, তাক মই জানিছোঁ[* মই ইটো জানো যে, ঈশ্বৰ মোৰ ফলীয়া। ]। [QE]
10. [QS]মই ঈশ্বৰত নিৰ্ভৰ কৰি তেওঁৰ বাক্যৰ প্ৰশংসা কৰিম; [QE][QS]মই যিহোৱাত নিৰ্ভৰ কৰি তেওঁৰ বাক্যৰ প্ৰশংসা কৰিম। [QE]
11. [QS]মই ঈশ্বৰত ভাৰসা কৰিলোঁ, ভয় নকৰোঁ; [QE][QS]মানুহে মোক কি কৰিব পাৰে? [QE]
12. [QS]হে ঈশ্বৰ, তোমাৰ উদ্দেশে সিদ্ধ কৰিবলগীয়া সঙ্কল্পবোৰ মোৰ গাত আছে; [QE][QS]তোমাৰ উদ্দেশে মই ধন্যবাদাৰ্থক বলি উৎসৰ্গ কৰিম। [QE]
13. [QS]কিয়নো তুমি মোৰ প্ৰাণ মৃত্যুৰ পৰা উদ্ধাৰ কৰিলা; [QE][QS]জীৱিতবিলাকৰ দীপ্তিত ঈশ্বৰৰ সাক্ষাতে অহা-যোৱা কৰিবলৈ, [QE][QS]তুমি জানো পতনৰ পৰা মোৰ ভৰি ৰক্ষা নকৰিলা? [QE]