1. {বিন্যামীনীয়া কুচৰ নিমিত্তে: যিহোৱাৰ উদ্দেশ্যে দায়ুদে গোৱা চিগগায়োন নামৰ গীত। } [QS]হে মোৰ ঈশ্বৰ যিহোৱা, মই তোমাতেই আশ্ৰয় লৈছোঁ! [QE][QS]মোৰ পাছে পাছে খেদি অহাবোৰৰ পৰা মোক ৰক্ষা কৰা, মোক উদ্ধাৰ কৰা। [QE]
2. [QS]নহ’লে, সিংহৰ দৰে তেওঁলোকে মোক ছিন্ন-ভিন্ন কৰিব, [QE][QS]সিহঁতে মোক ডোখৰ ডোখৰ কৰিব, কিন্তু মোক ৰক্ষা কৰিবলৈ কোনো নাথাকিব। [QE]
3. [QS]হে মোৰ ঈশ্বৰ যিহোৱা, যদি মই এনে কোনো কৰ্ম কৰি আছোঁ, [QE][QS]যদি অন্যায়ৰ কোনো কার্য মোৰ হাতত লাগি আছে, [QE]
4. [QS]যদি মোৰ বন্ধুৰ প্রতি মই অপকাৰ কৰি আছোঁ, [QE][QS]বা বিনা কাৰণতে মই মোৰ শত্রুৰ পৰা কিবা বস্তু লৈছোঁ, [QE]
5. [QS]তেনেহলে শত্রুৱে মোৰ পাছে পাছে খেদি গৈ মোক ধৰক, [QE][QS]সিহঁতে মোক মাটিত পেলাই ভৰিৰে গচকক, [QE][QS]মোৰ মান-সন্মান ধূলিত মিলাই দিয়ক। (চেলা) [QE]
6. [QS]হে যিহোৱা, তুমি ক্ৰোধেৰে উঠা, [QE][QS]মোৰ শত্রুবোৰৰ ক্রোধৰ বিৰুদ্ধে নিজকে তুলি ধৰা, [QE][QS]মোৰ অৰ্থে তুমি সাৰ পোৱা; [QE][QS]হে মোৰ ঈশ্বৰ, তুমি এক সোধ-বিচাৰ ধার্য কৰিছা। [QE]
7. [QS]সকলো জাতিৰ সমূহ লোক তোমাৰ চাৰিওফালে গোট খাওঁক; [QE][QS]তুমি উর্দ্ধলৈ উলটি গৈ পুনৰ লোক সকলৰ ওপৰত ৰাজত্ব কৰা। [QE]
8. [QS]যিহোৱাই লোকসকলৰ বিচাৰ কৰে; [QE][QS]হে যিহোৱা, মোৰ ধাৰ্মিকতাৰ কার্য আৰু মোত থকা সততা অনুসাৰে [QE][QS]তুমি মোৰ বিচাৰ কৰা, হে মোৰ সৰ্ব্বোপৰি জনা। [QE]
9. [QS]হে মোৰ ধার্মিক ঈশ্বৰ, তুমি মন আৰু হৃদয় পৰীক্ষা কৰি থাকা; [QE][QS]তুমি দুষ্টৰ দুষ্টতা শেষ কৰা, [QE][QS]কিন্তু ধাৰ্মিক লোকক সুস্থিৰ অৱস্থাত ৰাখা। [QE]
10. [QS]ঈশ্বৰ মোৰ ঢাল; [QE][QS]যিসকলৰ অন্তৰত সততা আছে, তেওঁলোকক তেওঁ ৰক্ষা কৰে। [QE]
11. [QS]ঈশ্বৰ এজন ন্যায়বিচাৰক, [QE][QS]তেওঁ প্ৰতিদিনে অন্যায়ৰ প্রতিবাদ কৰোঁতা ঈশ্বৰ। [QE]
12. [QS]কোনোৱে যদি মন পালটন নকৰে, [QE][QS]তেন্তে তেওঁ নিজৰ তৰোৱাল ধৰাব; [QE][QS]তেওঁ নিজৰ ধনু ভিৰাই কাঁড় দি লক্ষ্য স্থিৰ কৰিছে। [QE]
13. [QS]তেওঁ অস্ত্র-শস্ত্র যুগুত কৰি ৰাখিছে; [QE][QS]নিজৰ জ্বলন্ত মৰণাস্ত্ৰবোৰ তৈয়াৰ কৰিছে। [QE]
14. [QS]ভাৱি চোৱা, কেনেকৈ এজনে দুষ্টতাক গর্ভধাৰণ কৰে; [QE][QS]সর্বনাশক গর্ভত লৈ প্রসৱ বেদনা ভোগে [QE][QS]আৰু ক্ষতিকাৰক মিছাক প্রসৱ কৰে। [QE]
15. [QS]তেওঁলোকে মাটি খান্দি দ গাত কৰে, [QE][QS]আৰু নিজেই খন্দা গাতত নিজে পৰে। [QE]
16. [QS]তেওঁলোকে কৰা ষড়যন্ত্রবোৰৰ ধ্বংস নিজৰ মূৰৰ ওপৰলৈকে ঘূৰি আহে, [QE][QS]তেওঁলোকে যি অনিষ্ট কৰে, [QE][QS]সেয়া নিজৰ মূৰৰ ওপৰলৈকে নামি আহে। [QE]
17. [QS]সেয়ে মই যিহোৱাৰ ধার্মিকতাৰ ধন্যবাদ কৰিম, তেওঁ ন্যায় বিচাৰ কৰে; [QE][QS]মই সৰ্ব্বোপৰি যিহোৱাৰ প্ৰশংসাৰ গান কৰিম। [QE]