1. [PS]“এতিয়া মাতাচোন, কোনোবাই তোমাক উত্তৰ দিব নে? [PE][QS]আৰু পবিত্ৰলোকৰ মাজত তুমি কালৈ মুখ কৰিবা? [QE]
2. [QS]কিয়নো মনৰ বেজাৰে অজ্ঞানক বধ কৰে, [QE][QS]আৰু অসুয়াই নিৰ্ব্বোধক হত্যা কৰে। [QE]
3. [QS]মই নিজে অজ্ঞানক শিপা ধৰা দেখিলোঁ, [QE][QS]কিন্তু মই তৎক্ষণাৎ তাৰ বাসস্থানক শাও দিলোঁ। [QE]
4. [QS]তাৰ সন্তান সকলক ৰক্ষা কৰিবলৈ কোনো নাথাকিল, [QE][QS]আৰু সিহঁতক ৰাজদুৱাৰত গুড়ি কৰা হল; [QE][QS]সিহঁতক উদ্ধাৰ কৰোঁতা কোনো নাছিল। [QE]
5. [QS]ক্ষুধাতুৰ লোকে তাৰ শস্য খাই পেলালে, [QE][QS]কাঁইটৰ মাজত যি শস্য গজিছিল, সেয়া তৃষ্ণাতুৰ লোকে খাইছিল, [QE][QS]তেওঁলোকৰ যি আছিল, লোভী লোকসকলে সকলো লৈ গৈছিল। [QE]
6. [QS]কিয়নো অমঙ্গল ধুলিৰ পৰা উৎপন্ন নহয়, [QE][QS]আৰু মাটিৰ পৰা ক্লেশ নগজে; [QE]
7. [QS]কিন্তু জুইৰ ফিৰিঙটি যেনেকৈ ওপৰলৈ উড়ে, [QE][QS]তেনেকৈ মানুহ দুখৰ কাৰণে জন্মে। [QE]
8. [QS]কিন্তু মই হোৱা হ’লে ঈশ্বৰলৈ ঘূৰি গলোঁহেতেন, [QE][QS]আৰু মোৰ গোচৰ ঈশ্বৰৰ আগত উপস্থিত কৰিলোঁহেতেন। [QE]
9. [QS]অনুসন্ধান কৰিব নোৱাৰা মহৎ কৰ্মও তেওঁ কৰে; [QE][QS]অসংখ্য অদ্ভুত কাৰ্যও তেওঁ কৰে; [QE]
10. [QS]তেওঁ পৃথিৱীৰ ওপৰত বৃষ্টি বৰষায়, [QE][QS]আৰু পথাৰৰ ওপৰত জল বোৱাই দিয়ে; [QE]
11. [QS]তেওঁ নীহলোকক ওখ কৰে, [QE][QS]আৰু শোকাতুৰ লোকসকল সৌভাগ্যলৈ উন্নত হয়। [QE]
12. [QS]তেওঁ ধূৰ্তবোৰৰ কল্পনা ব্যৰ্থ কৰে; [QE][QS]তাতে সিহঁতৰ হাতে সিহঁতৰ অভিপ্ৰায় সাধন কৰিব নোৱাৰে। [QE]
13. [QS]তেওঁ জ্ঞানীলোকক সিহঁতৰ নিজৰ চতুৰতাত ধৰে; [QE][QS]তাতে কুটিলমনবোৰৰ কল্পনা নিস্ফল হৈ পৰে। [QE]
14. [QS]সিহঁতে দিনতেই আন্ধাৰক লগ পায়, [QE][QS]ৰাতিৰ নিচিনাকৈ দিন-দুপৰতে খপিয়াই ফুৰে। [QE]
15. [QS]কিন্তু তেওঁ সিহঁতৰ মুখৰূপ তৰোৱালৰ পৰা, [QE][QS]আৰু পৰাক্ৰমী হাতৰ পৰা দৰিদ্ৰক উদ্ধাৰ কৰে। [QE]
16. [QS]এইদৰে দীনহীনে আশা পায়, [QE][QS]আৰু অধৰ্মই নিজৰ মুখ বন্ধ কৰে। [QE]
17. [QS]চোৱা, যি মানুহক ঈশ্বৰে শুধৰায়, সেই মানুহ ধন্য; [QE][QS]এই কাৰণে তুমি সৰ্ব্বশক্তিমান জনাৰ শাস্তি হেয়জ্ঞান নকৰিবা। [QE]
18. [QS]কিয়নো তেওঁ ঘা লগায়, আৰু তাক বান্ধে; [QE][QS]তেওঁ আঘাত কৰে, আৰু নিজ হাতেৰে তাক সুস্থ কৰে। [QE]
19. [QS]তেওঁ ছয় সঙ্কটৰ পৰা তোমাক উদ্ধাৰ কৰিব; [QE][QS]এনে কি, সাত সঙ্কটতো অমঙ্গলে তোমাক স্পৰ্শ কৰিব নোৱাৰিব। [QE]
20. [QS]তেওঁ আকালত মৃত্যুৰ পৰা তোমাক মুক্ত কৰিব, [QE][QS]আৰু যুদ্ধত তৰোৱালৰ মুখৰ পৰা উদ্ধাৰ কৰিব। [QE]
21. [QS]তুমি জিভাস্বৰূপ চাবুকৰ কোবৰ পৰা লুকাই থাকিবা; [QE][QS]আৰু বিনাশ আহিলে তুমি তাৰ পৰা ভয় নাপাবা। [QE]
22. [QS]বিনাশ আৰু দুৰ্ভিক্ষক দেখা পালে তুমি হাঁহিবা, [QE][QS]আৰু বনৰীয়া জন্তুৰ পৰা তুমি ভয় নাপাবা। [QE]
23. [QS]কিয়নো পথাৰৰ শিলবোৰৰ লগত তোমাৰ সন্ধি হ’ব, [QE][QS]আৰু বনৰীয়া জন্তুবোৰ তোমাৰ লগত শান্তভাৱে থাকিব। [QE]
24. [QS]তাতে তোমাৰ তম্বু যে কুশলে আছে, সেই বিষয়ে তুমি জানিবলৈ পাবা, [QE][QS]আৰু তোমাৰ নিবাসৰ ঠাইত তুমি বুজ ল’লে, আশাত বঞ্চিত নহবা। [QE]
25. [QS]তোমাৰ সন্তান-সন্ততি যে অধিক হ’ব, [QE][QS]আৰু তোমাৰ বংশ যে পৃথিবীত তৃণৰ দৰে বাঢ়িব, [QE][QS]সেই বিষয়েও তুমি জানিবলৈ পাবা। [QE]
26. [QS]ডাঙৰি যেনেকৈ উচিত সময়ত লৈ যোৱা হয়, [QE][QS]তেনেকৈ তোমাকো সম্পূৰ্ণ আয়ুসত মৈদামলৈ নিয়া হ’ব। [QE]
27. [QS]চোৱা, এয়া আমাৰ কথা, আমি বিবেচনা কৰি ইয়াকে নিশ্চয় পালোঁ; [QE][QS]ইয়াকে তুমি শুনা, আৰু তুমি নিজৰ ভালৰ অৰ্থে তাক গ্ৰহণ কৰা।” [QE]