1. [PS]তেওঁলোকে ঈশ্বৰৰ নিয়ম-চন্দুক বৈ আনিলে আৰু দায়ূদে নিয়ম-চন্দুকৰ বাবে তৰা তম্বুৰ মাজত ৰাখিলে। তাৰ পাছত ঈশ্বৰৰ সাক্ষাতে হোম-বলি আৰু সমজুৱা বলি উৎসৰ্গ কৰিলে।
2. দায়ূদে হোম-বলি আৰু সমজুৱা বলি উৎসৰ্গ কৰি শেষ কৰাৰ পাছত, তেওঁ যিহোৱাৰ নামেৰে লোকসকলক আশীৰ্ব্বাদ কৰিলে।
3. তেওঁ ইস্ৰায়েলৰ সকলো লোকক, পুৰুষ আৰু মহিলাৰ মাজত এটাকৈ পিঠা, এটুকুৰাকৈ মাংস, আৰু এটাকৈ কিচমিচৰ পিঠা ভগাই দিলে। [PE]
4. [PS]দায়ূদে যিহোৱাৰ নিয়ম-চন্দুকৰ সন্মূখত পৰিচৰ্যা কৰিবলৈ, ইস্ৰায়েলৰ ঈশ্বৰ যিহোৱাৰ গুণ গাবলৈ, আৰু তেওঁৰ ধন্যবাদ-প্ৰশংসা কৰিবলৈ, লেবীয়াসকলৰ কেইজনমানক নিযুক্ত কৰিলে।
5. সেই লেবীয়াসকলৰ মাজত প্ৰধান আছিল আচফ। তেওঁৰ পাছত জখৰিয়া, যিয়ীয়েল, চমীৰামোৎ, যিহীয়েল, মত্তিথিয়া, ইলীয়াব, বনায়া, ওবেদ-ইদোম, আৰু যিয়ীয়েল, এওঁলোকে বেহেলা আৰু বীণা বজাইছিল। আচফে মহা-ধ্বনিৰে তাল বজাইছিল,
6. যহজীয়েল আৰু বনায়া, এই দুজন পুৰোহিতে যিহোৱাৰ নিয়ম-চন্দুকৰ আগত প্রতিদিনে শিঙা বজাইছিল। [PE]
7.
8. [PS]তাৰ পাছত সেই দিনাই দায়ুদে যিহোৱাক ধন্যবাদ দিবৰ বাবে এই গীত গাবলৈ আচফ আৰু তেওঁৰ ভাইসকলক নিযুক্ত কৰিলে। [PE][QS]যিহোৱাৰ ধন্যবাদ কৰা, তেওঁৰ নামেৰে প্ৰাৰ্থনা কৰা; [QE][QS]জাতি সমূহৰ মাজত কৰা তেওঁৰ কাৰ্যবোৰ জনোৱা। [QE]
9. [QS]তেওঁৰ উদ্দেশ্যে গীত গোৱা, তেওঁৰ মহিমা কৰা; [QE][QS]তেওঁৰ সকলো আচৰিত কাৰ্যবোৰ কোৱা। [QE]
10. [QS]তেওঁৰ পবিত্ৰ নামৰ গৌৰৱ কৰা; [QE][QS]যিহোৱাক বিচাৰা সকলৰ মনে আনন্দ কৰক। [QE]
11. [QS]যিহোৱাক বিচাৰা আৰু তেওঁৰ শক্তিক বিচাৰা; [QE][QS]সদায় তেওঁৰ উপস্থিতি বিচাৰা। [QE]
12. [QS]তেওঁ কৰা আচৰিত কৰ্মবোৰ সোঁৱৰণ কৰা, [QE][QS]তেওঁৰ অদ্ভুত কাম আৰু তেওঁৰ শাসন-প্ৰণালীবোৰ সোৱঁৰা। [QE]
13. [QS]তেওঁৰ দাস ইস্ৰায়েলৰ বংশধৰসকল, [QE][QS]তেওঁৰ মনোনীত সকলৰ মাজৰ এজন যাকোবৰ লোক, [QE]
14. [QS]তেওঁ যিহোৱা, আমাৰ ঈশ্ৱৰ। [QE][QS]তেওঁৰ শাসন-প্ৰণালী সকলো পৃথিৱীত প্ৰচলিত। [QE]
15. [QS]তোমালোকে তেওঁৰ নিয়মটি চিৰদিনলৈকে মনত ৰাখা, [QE][QS]এক হাজাৰ পুৰুষক তেওঁৰ বাক্য আজ্ঞা কৰা। [QE]
16. [QS]তেওঁ অব্ৰাহামৰ লগত স্থাপন কৰা নিয়ম, [QE][QS]আৰু ইচহাকলৈ কৰা শপত তোমালোকে সোঁৱৰণ কৰা। [QE]
17. [QS]আৰু এইদৰে তেওঁ যাকোবৰ বাবে এটা বিধান স্থিৰ কৰিলে, [QE][QS]আৰু ইস্ৰায়েলৰ কাৰণে এটা অনন্তকাল স্থায়ী নিয়ম স্থিৰ কৰিলে। [QE]
18. [QS]তেওঁ ক’লে, “মই তোমাক কনান দেশ দিম, [QE][QS]তোমাৰ স্বত্ব থকা আধিপত্য দিম।” [QE]
19. [QS]মই কৈছিলোঁ সেই সময়ত তোমালোকৰ সদস্য কম আছিল, [QE][QS]সেয়ে অতি তাকৰ, আৰু দেশত প্ৰবাসী আছিলা। [QE]
20. [QS]তেওঁলোক এক দেশৰ পৰা আন দেশলৈ, [QE][QS]এক ৰাজ্যৰ পৰা আন ৰাজ্যলৈ [QE]
21. [QS]তেওঁ তেওঁলোকক অত্যাচাৰ কৰিবলৈ কাকো নিদিলে; [QE][QS]তেওঁ তেওঁলোকৰ বাবে ৰজা সকলকো শাস্তি দিছিল। [QE]
22. [QS]তেওঁ কৈছিল, “তোমালোকে মোৰ অভিষিক্ত সকলক নুচুবা, [QE][QS]আৰু মোৰ ভাববাদী সকলৰ কোনো অনিষ্ট নকৰিবা।” [QE]
23. [QS]হে সমস্ত পৃথিৱী, যিহোৱাৰ উদ্দেশে গীত গোৱা; [QE][QS]প্রতিদিনে তেওঁৰ পৰিত্ৰাণ ঘোষণা কৰা। [QE]
24. [QS]জাতি সমূহৰ মাজত, তেওঁৰ গৌৰৱ প্ৰকাশ কৰা, [QE][QS]জাতি সমূহৰ মাজত তেওঁৰ আচৰিত কৰ্ম ঘোষণা কৰা। [QE]
25. [QS]কাৰণ যিহোৱা মহান আৰু অতি প্ৰশংসনীয়; [QE][QS]আৰু আন সকলো দেৱতা বোৰতকৈ তেওঁ ভয়ানক। [QE]
26. [QS]কাৰণ জাতি সকলৰ সকলো দেৱতাবোৰ প্রতিমা মাথোন, [QE][QS]কিন্তু তেওঁ যিহোৱা যি জনে আকাশ-মণ্ডল সৃষ্টি কৰিলে। [QE]
27. [QS]মহিমা আৰু প্ৰতাপ তেওঁৰ সাক্ষাতে আছে। [QE][QS]তেওঁৰ স্থানত শক্তি আৰু আনন্দ থাকে। [QE]
28. [QS]জাতি সমূহৰ লোকসকল, তোমালোকে যিহোৱাৰ উদ্দেশ্যে গৌৰৱ আৰু শক্তি আৰোপ কৰা। [QE][QS]যিহোৱাৰ উদ্দেশে গৌৰৱ আৰু শক্তি দিয়া; [QE]
29. [QS]যিহোৱাৰ উদ্দেশে তেওঁৰ নাম গৌৰৱ কৰা। [QE][QS]তেওঁৰ আগত উপহাৰ লৈ আহাঁ। [QE][QS]পবিত্ৰতাৰে বিভূষিত হৈ যিহোৱাৰ আগত আঁঠুকাঢ়া। [QE]
30. [QS]সমস্ত পৃথিৱী, তেওঁৰ আগত কম্পমান হোৱা। [QE][QS]পৃথিৱী খনো লৰচৰ নোহোৱাকৈ স্থাপিত হৈছে। [QE]
31. [QS]আকাশ-মণ্ডল আনন্দ কৰক, আৰু পৃথিৱীও উল্লাসিত হওক; [QE][QS]জাতি সমূহৰ মাজত তেওঁলোকে কওঁক, “যিহোৱাই ৰাজত্ব কৰিছে।” [QE]
32. [QS]সমুদ্ৰ আৰু তাৰ সকলোৱে গৰ্জ্জন কৰক; আৰু যিবোৰে তাক পূৰ্ণ কৰে, সেইবোৰেও উচ্চস্বৰে আনন্দ কৰক। [QE][QS]পথাৰবোৰ আৰু তাত থকা সকলোৱেও আনন্দ কৰক। [QE]
33. [QS]তেতিয়া কাঠনিৰ সকলো গছবোৰে যিহোৱাৰ সাক্ষাতে উচ্ছস্বৰে আনন্দ কৰিব, [QE][QS]কাৰণ তেওঁ পৃথিৱীৰ বিচাৰ কৰিবলৈ আহি আছে। [QE]
34. [QS]যিহোৱাৰ ধন্যবাদ কৰা, কাৰণ তেওঁ মঙ্গলময়, [QE][QS]কাৰণ তেওঁৰ দয়া চিৰকাললৈকে থাকে। [QE]
35. [QS]আৰু কোৱা, “হে আমাৰ উদ্ধাৰকৰ্তা ঈশ্বৰ, আমাক উদ্ধাৰ কৰা। [QE][QS]তোমাৰ পবিত্ৰ নামৰ ধন্যবাদ কৰিবলৈ, তোমাৰ প্ৰশংসাত জয়-ধ্বনি কৰিবলৈ; [QE][QS]আমাক একলগ কৰি আন জাতিবোৰৰ পৰা আমাক উদ্ধাৰ কৰা। [QE][QS]যাতে আমি আপোনাৰ পবিত্র নামত ধন্যবাদ কৰিব পাৰোঁ [QE][QS]আৰু আপোনাৰ প্রশংসাত মহিমা কৰিব পাৰোঁ। [QE]
36. [QS]ইস্ৰায়েলৰ ঈশ্বৰ যিহোৱা ধন্য হওক। [QE][QS]অনাদি কালৰ পৰা অনন্ত কাললৈকে।” [QE][MS]তেতিয়া সকলো লোকে ক’লে, “আমেন[* আমেন সেই দৰে হওক ]” আৰু যিহোৱাৰ প্ৰশংসা কৰিলে। [ME]
37. [PS]প্ৰতিদিনৰ প্ৰয়োজন অনুসাৰে নিয়ম-চন্দুকৰ আগত একেৰাহে পৰিচৰ্যা কৰিবলৈ, তেওঁ আচফক আৰু তেওঁৰ ভাইসকলক যিহোৱাৰ নিয়ম-চন্দুকৰ সন্মূখত ৰাখিলে।
38. ওবেদ-ইদোমৰ লগত তেওঁলোকৰ আঠষষ্টি জন সম্পৰ্কীয় লোকক ভুক্ত কৰা হ’ল, যিদূথূনৰ পুত্ৰ ওবেদ-ইদোম আৰু লগতে হোচা দুৱৰী হ’ল।
39. চাদোক পুৰোহিত, আৰু লগৰীয়া পুৰোহিতসকল গিবিয়োনৰ ওখ ঠাইত যিহোৱাৰ আবাসৰ আগত পৰিচৰ্যা কৰিলে। [ME]
40. [PS]হোম-বেদিৰ ওপৰত যিহোৱাৰ উদ্দেশ্যে একেৰাহে ৰাতিপুৱা আৰু গধূলি হোম-বলি উৎসৰ্গ কৰিছিল, এইসকলো যিহোৱাই লিখাৰ দৰে কাৰ্য কৰিবলৈ ইস্ৰায়েলক যিহোৱাই আজ্ঞা কৰিছিল।
41. যিহোৱাক ধন্যবাদ দিবলৈ, হেমন, আৰু যিদূথূন লগত নামেৰে মনোনীত অৱশিষ্ট লোকসকলক একেলগে ৰাখিলে, কাৰণ “যিহোৱাৰ দয়া চিৰকাললৈকে থাকে,” [ME]
42. [PS]হেমন আৰু যিদূথূন তূৰী, তাল আৰু ঈশ্বৰীয় বাদ্যযন্ত্ৰসমূহ বজোৱাসকলৰ তত্ত্ৱাৱধানত আছিল। যিদূথূনৰ পুত্ৰসকল দুৱাৰ ৰখীয়া কৰিছিল।
43. তাৰ পাছত সকলো লোক নিজৰ নিজৰ ঘৰলৈ উভটি আহিল, আৰু দায়ূদেও নিজৰ পৰিয়ালসকলক আশীৰ্ব্বাদ কৰিবলৈ উভতি আহিল। [ME]