1. {#1আলেফ } [QS]ধন্য সেইসকল, যিসকলৰ আচাৰ-ব্যৱহাৰ সিদ্ধ; [QE][QS]যিসকলে যিহোৱাৰ ব্যৱস্থা অনুসাৰে চলে। [QE]
2. [QS]ধন্য সেইসকল, যিসকলে তেওঁৰ আজ্ঞাবোৰ পালন কৰে; [QE][QS]যিসকলে সমস্ত মনেৰে সৈতে তেওঁক বিচাৰে। [QE]
3. [QS]তেওঁলোকে অন্যায় নকৰে, [QE][QS]যিহোৱাৰ পথত চলে। [QE]
4. [QS]তোমাৰ আদেশবোৰ যত্নেৰে পালন কৰিবলৈ তুমি আমাক আজ্ঞা কৰিলা। [QE]
5. [QS]ওহ, মোৰ পথবোৰ সুস্থিৰ হওঁক; [QE][QS]মই যেন তোমাৰ বিধিবোৰ পালন কৰিব পাৰোঁ! [QE]
6. [QS]যেতিয়া তোমাৰ সকলো আজ্ঞাৰ প্রতি মই দৃষ্টি ৰাখি চলিম, [QE][QS]তেতিয়া মই লজ্জিত নহ’ম। [QE]
7. [QS]তোমাৰ ধাৰ্মিকতাযুক্ত শাসন প্ৰণালীবোৰ যেতিয়া মই শিকোঁ, [QE][QS]তেতিয়া মই শুদ্ধ মনেৰে তোমাৰ ধন্যবাদ কৰিম। [QE]
8. [QS]মই তোমাৰ বিধিবোৰ পালন কৰিম; [QE][QS]মোক নিচেইকৈ পৰিত্যাগ নকৰিবা। [QE]
9. {#1বেইৎ } [QS]যুবকে কেনেকৈ নিজৰ পথ শুদ্ধভাৱে ৰাখিব পাৰে? [QE][QS]তোমাৰ বাক্য অনুসাৰে সাৱধানেৰে চলাৰ দ্বাৰাই পাৰে। [QE]
10. [QS]মই সমস্ত মনেৰে তোমাক বিচাৰিছোঁ; [QE][QS]তুমি মোক তোমাৰ আজ্ঞা-পথৰ পৰা ভ্ৰান্ত হৈ যাব নিদিবা। [QE]
11. [QS]তোমাৰ বাক্য মই মোৰ হৃদয়ত সঞ্চয় কৰি ৰাখিছো, [QE][QS]যেন তোমাৰ অহিতে পাপ নকৰোঁ। [QE]
12. [QS]ধন্য তুমি, হে যিহোৱা; [QE][QS]মোক তোমাৰ বিধিবোৰ শিকোৱা। [QE]
13. [QS]তোমাৰ মুখৰ সকলো ধার্মিক শাসন প্ৰণালী, [QE][QS]মই নিজ ওঁঠেৰে বর্ণনা কৰিলোঁ; [QE]
14. [QS]ধন-সম্পদত লোকে যিমান আনন্দ পায়, [QE][QS]তোমাৰ আজ্ঞাৰ পথত চলি মই তাতোকৈ অধিক আনন্দ পাওঁ। [QE]
15. [QS]মই তোমাৰ আদেশবোৰ ধ্যান কৰিম, [QE][QS]তোমাৰ সকলো পথলৈ মনোযোগ দিম। [QE]
16. [QS]মই তোমাৰ বিধিবোৰত আনন্দিত হ’ম; [QE][QS]মই তোমাৰ বাক্য নাপাহৰিম। [QE]
17. {#1গীমেল } [QS]তোমাৰ দাসলৈ প্রচুৰ মঙ্গল কৰা যাতে মই জীয়াই থাকো, [QE][QS]আৰু তোমাৰ বাক্য পালন কৰিব পাৰোঁ। [QE]
18. [QS]মোৰ চকু মুকলি কৰি দিয়া, যাতে মই তোমাৰ ব্যৱস্থাত আচৰিত আচৰিত বিষয়বোৰ দেখা পাওঁ। [QE]
19. [QS]মই পৃথিৱীত প্রবাসী মাথোন, [QE][QS]তোমাৰ আজ্ঞাবোৰ মোৰ পৰা লুকুৱাই নাৰাখিবা। [QE]
20. [QS]সকলো সময়তে তোমাৰ শাসন-প্রণালীবোৰ জানিবলৈ, [QE][QS]মোৰ প্রাণ আকাঙ্ক্ষাত ভগ্ন হৈছে। [QE]
21. [QS]তুমি অহঙ্কাৰীবোৰক ধমক দিছা; [QE][QS]তেওঁলোকতো শাপগ্ৰস্ত, [QE][QS]তোমাৰ আজ্ঞা পথৰ পৰা ভ্ৰান্ত হৈ ঘূৰি ফুৰে। [QE]
22. [QS]তেওঁলোকৰ অপমান আৰু নিন্দা মোৰ পৰা দূৰ কৰা; [QE][QS]কিয়নো মই তোমাৰ আজ্ঞাবোৰ পালন কৰি আহিছোঁ। [QE]
23. [QS]যদি শাসনকর্তাসকলেও বহি মোৰ অহিতে কথা কয়, [QE][QS]তথাপিও তোমাৰ দাসে তোমাৰ বিধিবোৰ ধ্যান কৰিব। [QE]
24. [QS]তোমাৰ আজ্ঞাবোৰ মোৰ আনন্দৰ বিষয়, [QE][QS]সেইবোৰে মোক পৰামৰ্শ দিয়ে। [QE]
25. {#1দালেৎ } [QS]মোৰ প্রাণ ধুলিত সংলগ্ন; [QE][QS]তোমাৰ বাক্য অনুসাৰে মোক সঞ্জীৱিত কৰা। [QE]
26. [QS]মোৰ জীৱনৰ পথৰ কথা মই তোমাক জনালোঁ, [QE][QS]আৰু তুমি মোক উত্তৰ দিলা। [QE][QS]মোক তোমাৰ বিধিবোৰ শিকোঁৱা। [QE]
27. [QS]তোমাৰ আজ্ঞাৰ পথবোৰ মোক বুজাই দিয়া; [QE][QS]তাতে মই তোমাৰ আচৰিত কাৰ্যবোৰ[* শিক্ষাবোৰ ] ধ্যান কৰিম। [QE]
28. [QS]দুখত মোৰ প্রাণ দ্ৰৱীভূত হৈছে; [QE][QS]তোমাৰ বাক্য অনুসাৰে মোক সবল কৰা। [QE]
29. [QS]মোৰ পৰা মিছা কথাৰ পথ দূৰ কৰা; [QE][QS]দয়া কৰি তোমাৰ ব্যৱস্থাৰ শিক্ষা মোক দান কৰা। [QE]
30. [QS]মই বিশ্বস্ততাৰ পথ মনোনীত কৰিলোঁ; [QE][QS]মই তোমাৰ শাসন-প্ৰণালীবোৰ মোৰ সন্মুখত ৰাখিলোঁ। [QE]
31. [QS]হে যিহোৱা, মই তোমাৰ আজ্ঞাবোৰত আসক্ত হৈছোঁ; [QE][QS]তুমি মোক লজ্জিত হ’বলৈ নিদিবা। [QE]
32. [QS]তোমাৰ আজ্ঞাবোৰৰ পথত মই লৰি যাম, [QE][QS]কাৰণ তুমি মোৰ হৃদয় মেলি দিলা। [QE]
33. {#1হেই } [QS]হে যিহোৱা, তোমাৰ বিধিবোৰৰ পথৰ সম্বন্ধে মোক শিকোৱা; [QE][QS]তাতে মই শেষলৈকে তাক পালন কৰিম। [QE]
34. [QS]তুমি মোক জ্ঞান দিয়া যাতে মই তোমাৰ ব্যৱস্থাবোৰ মানি চলিব পাৰোঁ, [QE][QS]সমস্ত হৃদয়েৰে সৈতে তাক পালন কৰিব পাৰোঁ। [QE]
35. [QS]তোমাৰ আজ্ঞা- পথত মোক চলোৱা; [QE][QS]কিয়নো তাতেই মই সন্তোষ পাওঁ। [QE]
36. [QS]তোমাৰ আজ্ঞাবোৰলৈ মোৰ হৃদয় আসক্ত কৰি ৰাখা, [QE][QS]স্বার্থপৰ লোভলৈ আকর্ষিত নকৰিবা। [QE]
37. [QS]অসাৰ বস্তুবোৰৰ পৰা তুমি মোৰ দৃষ্টি ঘূৰাই আনা; [QE][QS]তোমাৰ পথত চলিবলৈ মোক পুনৰ সঞ্জীৱিত কৰা। [QE]
38. [QS]তোমাৰ এই দাসৰ প্রতি তোমাৰ প্রতিজ্ঞা পূর্ণ কৰা; [QE][QS]যি প্রতিজ্ঞা তোমালৈ ভয়কাৰী লোকৰ বাবে তুমি স্থিৰ কৰিলা। [QE]
39. [QS]মোৰ দূর্নাম তুমি দূৰ কৰা, যিহক মই ভয় কৰোঁ; [QE][QS]কিয়নো তোমাৰ শাসন-প্ৰণালীবোৰ মঙ্গলময়। [QE]
40. [QS]চোৱা, মই তোমাৰ আদেশবোৰলৈ আকাংক্ষা কৰি আছোঁ; [QE][QS]তোমাৰ ধাৰ্মিকতাৰে মোক সঞ্জীৱিত কৰা। [QE]
41. {#1বাৱ } [QS]হে যিহোৱা, তুমি মোক তোমাৰ সুস্থিৰ প্রেমৰ ভাগী হবলৈ দিয়া; [QE][QS]তোমাৰ প্রতিজ্ঞা অনুসাৰে তোমাৰ পৰিত্ৰাণৰ ভাগী কৰা। [QE]
42. [QS]তেতিয়া মোক নিন্দা কৰা সকলক মই উত্তৰ দিব পাৰিম; [QE][QS]কিয়নো মই তোমাৰ বাক্যত ভাৰসা কৰোঁ। [QE]
43. [QS]তোমাৰ সত্যৰ বাক্য মোৰ মুখৰ পৰা কাঢ়ি নলবা; [QE][QS]কিয়নো তোমাৰ শাসন-প্ৰণালীৰ ওপৰত মোৰ আশা আছে। [QE]
44. [QS]যুগে যুগে অনন্তকাল মই তোমাৰ ব্যৱস্থা মানি চলিম। [QE]
45. [QS]মই নিৰাপদে মুক্তভাৱে বিচৰণ কৰিম; [QE][QS]কিয়নো মই তোমাৰ আদেশবোৰলৈ মনোযোগ দিলোঁ। [QE]
46. [QS]তুমি কোৱা সকলো আজ্ঞাৰ বিষয়ে মই ৰজাসকলৰ আগতো ক’ম; [QE][QS]মই লজ্জিত নহ’ম। [QE]
47. [QS]তোমাৰ আজ্ঞাবোৰত মই সন্তোষ পাওঁ; [QE][QS]কাৰণ মই তোমাৰ আজ্ঞাবোৰ ভাল পাওঁ। [QE]
48. [QS]তোমাৰ আজ্ঞাবোৰ মই পবিত্র বুলি জ্ঞান কৰোঁ, [QE][QS]কাৰণ মই সেইবোৰ ভাল পাওঁ; [QE][QS]মই তোমাৰ বিধিবোৰ ধ্যান কৰিম। [QE]
49. {#1জয়িন } [QS]তোমাৰ এই দাসৰ আগত তুমি যি প্রতিজ্ঞা কৰিছিলা, তাক তুমি সোঁৱৰণ কৰা; [QE][QS]তাৰ দ্বাৰায়েই তুমি মোক আশা দিছিলা। [QE]
50. [QS]দুখৰ সময়ত এয়ে মোৰ সান্ত্বনা হয়; [QE][QS]তোমাৰ প্রতিজ্ঞাই মোক সঞ্জীৱিত কৰে। [QE]
51. [QS]অহঙ্কাৰীবোৰে মোক অতিশয় ঠাট্টা-বিদ্রূপ কৰে; [QE][QS]তথাপিও মই তোমাৰ ব্যৱস্থাৰ পৰা অলপো এফলীয়া হোৱা নাই। [QE]
52. [QS]হে যিহোৱা, মই তোমাৰ পূৰ্বকালৰ শাসন প্ৰণালীবোৰ সোঁৱৰণ কৰোঁ, আৰু মই নিজে শান্ত্বনা লভো। [QE]
53. [QS]দুষ্ট লোকৰ দুষ্টতাৰ কাৰণে মোৰ ক্রোধ প্রজ্বলিত হয়, [QE][QS]কিয়নো তেওঁলোকে তোমাৰ ব্যৱস্থা ত্যাগ কৰে। [QE]
54. [QS]মোৰ এই অস্থায়ী ঘৰত তোমাৰ বিধিবোৰ মোৰ গানৰ বিষয় হৈছে। [QE]
55. [QS]হে যিহোৱা, মই ৰাতি তোমাৰ নাম সোঁৱৰণ কৰোঁ, [QE][QS]আৰু তোমাৰ ব্যৱস্থা মানি চলোঁ। [QE]
56. [QS]এয়ে মোৰ অভ্যাস যে মই তোমাৰ আজ্ঞাবোৰ পালন কৰি চলোঁ। [QE]
57. {#1হেৎ } [QS]যিহোৱা মোৰ অধিকাৰৰ অংশ; [QE][QS]মই তোমাৰ বাক্য মতে চলিবলৈ প্রতিজ্ঞা কৰিলোঁ। [QE]
58. [QS]মই মোৰ সমস্ত চিত্তেৰে তোমাৰ অনুগ্ৰহ বিচাৰিছোঁ; তোমাৰ বাক্য অনুসাৰে তুমি মোলৈ কৃপা কৰা। [QE]
59. [QS]মই মোৰ পথবোৰৰ বিষয়ে চিন্তা কৰিলোঁ, [QE][QS]আৰু মই তোমাৰ আজ্ঞাবোৰলৈ মোৰ ভৰি ঘূৰালোঁ। [QE]
60. [QS]মই শীঘ্রেই তুমি দিয়া আজ্ঞাবোৰ পালন কৰিলোঁ, পলম নকৰিলোঁ। [QE]
61. [QS]যদিও দুষ্টবোৰৰ জৰীত মই বান্ধ খাই আছোঁ, [QE][QS]তথাপিও মই তোমাৰ ব্যৱস্থা পাহৰি নাযাওঁ। [QE]
62. [QS]তোমাৰ ধাৰ্মিকতাযুক্ত শাসন-প্ৰণালীবোৰৰ কাৰণে মই মাজনিশা তোমাৰ স্তৱ কৰিবলৈ উঠো। [QE]
63. [QS]যিসকলে তোমাক ভয় কৰে আৰু তোমাৰ আদেশবোৰ পালন কৰে, মই তেওঁলোক সকলোৰে সংগী। [QE]
64. [QS]হে যিহোৱা, পৃথিৱী তোমাৰ দয়াৰে পৰিপূৰ্ণ; [QE][QS]মোক তোমাৰ বিধিবোৰ শিকোৱা। [QE]
65. {#1টেইট } [QS]তুমি তোমাৰ দাসলৈ মঙ্গল ব্যৱহাৰ কৰিলা; [QE][QS]হে যিহোৱা, তোমাৰ বাক্য অনুসাৰে কৰিলা। [QE]
66. [QS]তুমি মোক ভাল বিচাৰ-বুদ্ধি আৰু জ্ঞান শিকোৱা; [QE][QS]কিয়নো মই তোমাৰ আজ্ঞাবোৰত বিশ্বাস কৰোঁ। [QE]
67. [QS]কষ্ট পোৱাৰ আগেয়ে মই বিপথে গৈছিলোঁ, কিন্তু এতিয়া হ’লে, মই তোমাৰ বাক্য পালন কৰিছোঁ। [QE]
68. [QS]তুমি মঙ্গলময় আৰু মঙ্গলৰ কার্য কৰা; [QE][QS]মোক তোমাৰ বিধিবোৰ শিকোৱা। [QE]
69. [QS]অহঙ্কাৰীবোৰে মোৰ অহিতে মিছা কথা ৰচিছে; [QE][QS]কিন্তু মই হ’লে সমস্ত চিত্তেৰে তোমাৰ আদেশবোৰ পালন কৰোঁ। [QE]
70. [QS]তেওঁলোকৰ হৃদয়ত সত্যতা নাই[† অন্তঃকৰণ চর্বিৰ দৰে মোটা; ]; [QE][QS]কিন্তু মই হ’লে তোমাৰ ব্যৱস্থাত হৰ্ষিত হওঁ। [QE]
71. [QS]মই যি কষ্ট পাইছো, সেয়ে মোৰ পক্ষে শুভজনক, [QE][QS]তাতে মই তোমাৰ বিধিবোৰ শিকিব পাৰিছোঁ। [QE]
72. [QS]তোমাৰ মুখৰ ব্যৱস্থাবোৰ মোৰ ওচৰত হাজাৰ হাজাৰ সোণ আৰু ৰূপতকৈয়ো বহুমূল্য। [QE]
73. {#1ইয়োদ } [QS]তোমাৰ হাতেই মোক স্ৰজিলে, মোক গঠন কৰিলে; [QE][QS]তোমাৰ আজ্ঞাবোৰ শিকিবলৈ মোক জ্ঞান-বুদ্ধি দান কৰা। [QE]
74. [QS]তোমাক ভয় কৰাসকলে মোক দেখি আনন্দিত হ’ব; [QE][QS]কিয়নো মই তোমাৰ বাক্যত আশা কৰিলোঁ। [QE]
75. [QS]হে যিহোৱা, মই জানো যে, তোমাৰ বিচাৰবোৰ ন্যায়পূর্ণ, [QE][QS]তুমি নিজ বিশ্বস্ততাৰে মোক দুখ দিলা। [QE]
76. [QS]তোমাৰ এই দাসৰ ওচৰত তুমি যি প্রতিজ্ঞা কৰিলা, [QE][QS]সেই অনুসাৰে তোমাৰ গভীৰ প্রেম মোৰ সান্ত্বনা হওঁক। [QE]
77. [QS]মোলৈ তোমাৰ কৃপা নামি আহঁক, [QE][QS]যাতে মই জীয়াই থাকিব পাৰোঁ; [QE][QS]কিয়নো তোমাৰ ব্যৱস্থাই মোক আনন্দ দিয়ে। [QE]
78. [QS]অহংকাৰী লোকে লাজ পাওক, কিয়নো তেওঁলোকে মিছা কথা কৈ মোৰ সর্বনাশ কৰিলে; [QE][QS]কিন্তু হ’লে মই তোমাৰ আদেশবোৰ ধ্যান কৰিম; [QE]
79. [QS]যিসকলে তোমাক ভয় কৰে, তেওঁলোক মোলৈ ঘূৰক, [QE][QS]যাতে তেওঁলোকে তোমাৰ আজ্ঞাবোৰ জানিব। [QE]
80. [QS]মোৰ অন্তঃকৰণ তোমাৰ বিধিবোৰত যেন সিদ্ধ থাকে, তাতে মই লজ্জিত নহ’ম। [QE]
81. {#1কফ } [QS]তুমি মোক ৰক্ষা কৰাৰ প্রতীক্ষাত থাকোতে থাকোতে মোৰ প্রাণ ক্রমশঃ অৱশ হৈ গৈছে; [QE][QS]মই তোমাৰ বাক্যত আশা কৰিছোঁ। [QE]
82. [QS]তোমাৰ বাক্যৰ প্রতিজ্ঞা পূর্ণ হোৱাৰ অপেক্ষাত মোৰ চকু সোমাই গৈছে; [QE][QS]মই সুধিলো, “কেতিয়া তুমি মোক সান্ত্বনা দিবা?” [QE]
83. [QS]কিয়নো মই ধুঁৱাত থকা চামৰাৰ দ্রাক্ষাৰস থলীৰ নিচিনা হ’লো; [QE][QS]তথাপিও মই তোমাৰ বিধিবোৰ পাহৰা নাই। [QE]
84. [QS]তোমাৰ দাসে কিমান কাল সহন কৰি থাকিব? [QE][QS]মোক তাড়না কৰা সকলৰ বিচাৰ তুমি কেতিয়া কৰিবা? [QE]
85. [QS]অহঙ্কাৰীবোৰে মোৰ বাবে গাত খান্দিছে; [QE][QS]তেওঁলোক তোমাৰ ব্যৱস্থাৰ অনুগামী নহয়। [QE]
86. [QS]তোমাৰ সকলো আজ্ঞা বিশ্বাসযোগ্য; [QE][QS]লোকসকলে অকাৰণতে মোক তাড়না কৰে; [QE][QS]তুমি মোক সহায় কৰা। [QE]
87. [QS]তেওঁলোকে পৃথিৱীত মোক প্ৰায় নিঃশেষ কৰি পেলালে; [QE][QS]কিন্তু তথাপিও মই তোমাৰ আদেশবোৰ ত্যাগ কৰা নাই। [QE]
88. [QS]তোমাৰ গভীৰ প্রেমত তুমি মোক সঞ্জীৱিত কৰা[‡ তোমাৰ গভীৰ প্রেমত তুমি মোৰ জীৱন ৰক্ষা কৰা ], [QE][QS]তাতে মই তোমাৰ মুখৰ আজ্ঞাবোৰ পালন কৰিম। [QE]
89. {#1লামেদ } [QS]যিহোৱা অনন্ত কাললৈকে বিদ্যমান; [QE][QS]তোমাৰ বাক্য স্বৰ্গত সুদৃঢ় আছে। [QE]
90. [QS]পুৰুষে পুৰুষে তোমাৰ বিশ্বস্ততা স্থায়ী; [QE][QS]তুমি পৃথিৱী স্থাপন কৰিলা আৰু সেয়ে সুস্থিৰ হৈ আছে। [QE]
91. [QS]তুমি নিযুক্ত কৰা অনুসাৰে সেইবোৰ আজিও থিৰে আছে; [QE][QS]কিয়নো সকলোৱেই তোমাৰ অধীনৰ দাস। [QE]
92. [QS]তোমাৰ ব্যৱস্থাত যদি মই আনন্দ নাপালোহেঁতেন, [QE][QS]তেন্তে মোৰ ক্লেশতে মই বিনষ্ট হ’লহেঁতেন। [QE]
93. [QS]মই তোমাৰ আদেশবোৰ কেতিয়াও নাপাহৰিম; [QE][QS]কিয়নো তাৰ দ্বাৰাই তুমি মোক পুনৰায় সঞ্জীৱিত কৰিলা। [QE]
94. [QS]মই তোমাৰেই, মোক ৰক্ষা কৰা; [QE][QS]কিয়নো মই তোমাৰ আদেশবোৰলৈ মনোযোগ কৰিলোঁ। [QE]
95. [QS]দুষ্টবোৰে মোক বিনষ্ট কৰিবলৈ খাপ দি আছে; [QE][QS]কিন্তু মই তোমাৰ আজ্ঞাবোৰ বিবেচনা কৰোঁ। [QE]
96. [QS]মই সকলো শ্ৰেণীৰ পদাৰ্থ সীমাযুক্ত দেখিলোঁ; কিন্তু তোমাৰ আজ্ঞা অসীম। [QE]
97. {#1মেইম } [QS]ওহ, মই তোমাৰ ব্যৱস্থা কেনে ভাল পাওঁ! [QE][QS]সেয়ে ওৰে দিন মোৰ ধ্যানৰ বিষয়। [QE]
98. [QS]তোমাৰ আজ্ঞাই মোক মোৰ শত্ৰুবোৰতকৈ জ্ঞানৱান কৰি তোলে; [QE][QS]কিয়নো তোমাৰ আজ্ঞাবোৰ সদায় মোৰ লগে লগে থাকে। [QE]
99. [QS]মোৰ সকলো শিক্ষাগুৰুতকৈ মই জ্ঞানৱান; [QE][QS]কিয়নো তোমাৰ আজ্ঞাবোৰ মোৰ ধ্যানৰ বিষয়। [QE]
100. [QS]মই বৃদ্ধ লোক সকলতকৈয়ো অধিক বুজোঁ; [QE][QS]কাৰণ মই তোমাৰ আদেশবোৰ পালন কৰি আহিছোঁ। [QE]
101. [QS]মই সকলো কু-পথৰ পৰা মোৰ ভৰি আঁতৰাই ৰাখিলোঁ, [QE][QS]যাতে মই তোমাৰ বাক্যবোৰ পালন কৰিব পাৰোঁ। [QE]
102. [QS]মই তোমাৰ ধার্মিক শাসন-প্রণালীবোৰৰ পৰা আঁতৰি যোৱা নাই; [QE][QS]কিয়নো তুমি নিজেই মোক শিক্ষা দিলা। [QE]
103. [QS]তোমাৰ বাক্যবোৰ মোৰ জিভাত কেনে মিঠা লাগে! [QE][QS]সেয়ে মোৰ মুখত মৌৰ কোঁহতকৈয়ো মিঠা লাগে। [QE]
104. [QS]তোমাৰ আদেশবোৰৰ দ্বাৰাই মই জ্ঞান লাভ কৰোঁ; [QE][QS]সেই বাবেই মই সকলো মিছা পথ ঘিণ কৰোঁ। [QE]
105. {#1নুন } [QS]তোমাৰ বাক্য মোৰ ভৰিৰ কাৰণে প্ৰদীপ স্বৰূপ আৰু মোৰ পথৰ দীপ্তি স্বৰূপ। [QE]
106. [QS]তোমাৰ ধাৰ্মিকতাযুক্ত শাসনপ্ৰণালীবোৰ পালন কৰিবলৈ মই শপত খালোঁ, [QE][QS]আৰু স্থিৰ কৰিলোঁ। [QE]
107. [QS]হে যিহোৱা, মই অতিশয় দুখ পাইছোঁ; [QE][QS]তোমাৰ বাক্য অনুসাৰে মোক পুনৰায় সঞ্জীৱিত কৰা। [QE]
108. [QS]হে যিহোৱা, মোৰ মুখে কৰা প্রশংসা-স্তুতিৰ উৎসর্গ তুমি গ্রহণ কৰা, [QE][QS]আৰু তোমাৰ শাসন-প্ৰণালীবোৰ মোক শিকোৱা। [QE]
109. [QS]মই মোৰ প্ৰাণ সদায় হাতত লৈ ফুৰিছোঁ; [QE][QS]তথাপি মই তোমাৰ ব্যৱস্থা পাহৰা নাই। [QE]
110. [QS]দুষ্টবোৰে মোলৈ ফান্দ পাতিলে; তথাপি মই তোমাৰ আদেশবোৰৰ পৰা বিপথে যোৱা নাই। [QE]
111. [QS]তোমাৰ আজ্ঞাবোৰ মোৰ চিৰকালৰ আধিপত্য; [QE][QS]সেইবোৰ মোৰ মনৰ আনন্দজনক। [QE]
112. [QS]চিৰকাললৈকে তোমাৰ বিধিবোৰ পালন কৰিবৰ কাৰণে মই মোৰ হৃদয়ক থিৰ কৰিলোঁ। [QE]
113. {#1চামেক } [QS]দুই মনৰ লোকক মই ঘিণ কৰোঁ; কিন্তু তোমাৰ ব্যৱস্থাক মই ভাল পাওঁ। [QE]
114. [QS]তুমি মোৰ গুপ্তস্থান আৰু ঢাল; তোমাৰ বাক্যতে মই আশা কৰোঁ। [QE]
115. [QS]হে কু-কার্য কৰা লোক, মোৰ ওচৰৰ পৰা দূৰ হোৱা; মই মোৰ ঈশ্বৰৰ আজ্ঞাবোৰ পালন কৰিম। [QE]
116. [QS]তোমাৰ বাক্য অনুসাৰে মোক ধৰি ৰাখা, তাতে মই জীয়াই থাকিম; [QE][QS]মোৰ আশাত তুমি মোক লাজ পাবলৈ নিদিবা। [QE]
117. [QS]মোক ধৰি ৰাখা, তাতে মই ৰক্ষা পাম আৰু সদায় তোমাৰ বিধিবোৰক মান্য কৰিম। [QE]
118. [QS]তোমাৰ বিধিবোৰৰ পৰা অপথে যোৱা সকলক তুমি অগ্রাহ্য কৰা; [QE][QS]কিয়নো তেওঁলোকৰ প্ৰবঞ্চনা অসাৰ। [QE]
119. [QS]পৃথিৱীৰ সকলো দুষ্টক তুমি ময়লাৰ দৰে গণ্য কৰি দূৰ কৰা; [QE][QS]এই কাৰণে মই তোমাৰ আজ্ঞাবোৰ ভাল পাওঁ। [QE]
120. [QS]তোমাৰ ভয়ত মোৰ শৰীৰ কঁপে; [QE][QS]তোমাৰ শাসন-প্ৰণালীবোৰক মই ভয় কৰোঁ। [QE]
121. {#1অয়িন } [QS]মই ন্যায় বিচাৰ আৰু সৎ কার্য কৰিলোঁ; মোক উপদ্ৰৱকাৰীবোৰৰ হাতত এৰি নিদিবা। [QE]
122. [QS]তুমি তোমাৰ এই দাসৰ মঙ্গলৰ দায়িত্ব লোৱা; [QE][QS]অহঙ্কাৰীবোৰক মোৰ ওপৰত উপদ্ৰৱ কৰিবলৈ নিদিবা। [QE]
123. [QS]তোমাৰ ধাৰ্মিকযুক্ত প্রতিজ্ঞা পূর্ণ হোৱালৈ আৰু তোমাৰ পৰিত্ৰাণৰ বাবে অপেক্ষা কৰি মোৰ চকু দুর্বল হৈ গৈছে। [QE]
124. [QS]তোমাৰ গভীৰ প্রেম অনুসাৰে তোমাৰ দাসলৈ ব্যৱহাৰ কৰা; [QE][QS]তোমাৰ বিধিবোৰ মোক শিকোঁৱা। [QE]
125. [QS]মই তোমাৰ দাস; মোক বোধশক্তি দিয়া, [QE][QS]যেন তোমাৰ আজ্ঞাবোৰ বুজিব পাৰোঁ। [QE]
126. [QS]হে যিহোৱা, এতিয়া তোমাৰ কাৰ্য কৰাৰ সময় হৈছে, [QE][QS]কিয়নো লোকসকলে তোমাৰ ব্যৱস্থা অমান্য কৰিলে। [QE]
127. [QS]মই বাস্তৱিকতে তোমাৰ আজ্ঞাবোৰ ভাল পাওঁ; [QE][QS]সেইবোৰক সোণতকৈ, শুদ্ধ সোণতকৈয়ো ভাল পাওঁ। [QE]
128. [QS]এই কাৰণে সকলো বিষয়তে তোমাৰ আদেশবোৰ মই ন্যায় বুলি মানো; মই সকলো মিছা পথ ঘিণ কৰোঁ। [QE]
129. {#1পেই } [QS]তোমাৰ আজ্ঞাবোৰ আচৰিত; [QE][QS]সেই বাবেই মোৰ প্রাণে সেইবোৰ পালন কৰে। [QE]
130. [QS]তোমাৰ বাক্য প্ৰকাশিত হ’লে দীপ্তি দিয়ে; [QE][QS]সৰল মনৰ লোকক বুজন শক্তি দান কৰে। [QE]
131. [QS]মই মুখ মেলি ফোপাইছিলো; [QE][QS]কিয়নো মই তোমাৰ আজ্ঞাৰ বাবে অতিশয় হাবিয়াহ কৰিলোঁ। [QE]
132. [QS]তোমাৰ নাম ভাল পোৱা সকলৰ প্রতি তুমি যেনে ৰীতি কৰা, [QE][QS]তেনেদৰে মোলৈও ঘূৰি মোৰ প্রতি কৃপা কৰা। [QE]
133. [QS]তোমাৰ প্রতিজ্ঞা অনুসাৰে মোৰ খোজ সুস্থিৰ কৰি ৰাখা আৰু কোনো অধৰ্মক মোৰ ওপৰত অধিকাৰ কৰিবলৈ নিদিবা। [QE]
134. [QS]মানুহৰ উপদ্ৰৱৰ পৰা মোক মুক্ত কৰা, [QE][QS]তাতে মই তোমাৰ আদেশবোৰ পালন কৰিম। [QE]
135. [QS]তোমাৰ দাসৰ ওপৰত তোমাৰ মুখ উজ্জ্বল কৰা; [QE][QS]তোমাৰ বিধিবোৰ মোক শিকোৱা। [QE]
136. [QS]মোৰ চকুৰ পৰা চকুলোৰ নদী বৈ গৈছে; [QE][QS]কিয়নো লোকসকলে তোমাৰ ব্যৱস্থা পালন নকৰে। [QE]
137. {#1চাধেই } [QS]হে যিহোৱা, তুমি ধাৰ্মিক, আৰু তোমাৰ ন্যায় বিচাৰ যথাৰ্থ। [QE]
138. [QS]তুমি সকলো বিশ্বস্ততা আৰু ধাৰ্মিকতাত তোমাৰ আজ্ঞাবোৰৰ আদেশ দিলা। [QE]
139. [QS]তোমাৰ উৎসাহে মোক গ্ৰাস কৰিছে; [QE][QS]কাৰণ মোৰ শত্ৰুবোৰে তোমাৰ বাক্যবোৰ পাহৰিলে। [QE]
140. [QS]তোমাৰ প্রতিজ্ঞা উত্তম বুলি প্রমাণিত হৈছে; [QE][QS]সেয়ে তোমাৰ দাসে তাক ভাল পায়। [QE]
141. [QS]যদিও মই সামান্য আৰু তুচ্ছ, তথাপিও মই তোমাৰ আদেশবোৰ পাহৰা নাই। [QE]
142. [QS]তোমাৰ ধাৰ্মিকতা চিৰস্থায়ী ধাৰ্মিকতা আৰু তোমাৰ সকলো ব্যৱস্থা সত্য। [QE]
143. [QS]সঙ্কট আৰু দুর্দশা মোৰ ওপৰত আহিল; [QE][QS]তথাপিও মই তোমাৰ আজ্ঞাবোৰত আনন্দ পাওঁ। [QE]
144. [QS]তোমাৰ আজ্ঞাবোৰ অনন্ত কাললৈকে ধাৰ্মিক; [QE][QS]মোক বুজা শক্তি দিয়া, তাতে মই জীয়াই থাকিম। [QE]
145. {#1কোফ } [QS]মই সমস্ত মনেৰে প্ৰাৰ্থনা কৰিলোঁ, হে যিহোৱা, মোক উত্তৰ দিয়া; [QE][QS]মই তোমাৰ বিধিবোৰ পালন কৰিম। [QE]
146. [QS]মই তোমাকেই মাতিছো, মোক উদ্ধাৰ কৰা; [QE][QS]মই তোমাৰ সকলো আজ্ঞা মানি চলিম। [QE]
147. [QS]মই প্রভাতৰ আগেয়েই সহায়ৰ কাৰণে কাতৰোক্তি কৰিলোঁ; [QE][QS]তোমাৰ বাক্যবোৰত আশা কৰিলোঁ। [QE]
148. [QS]ৰাতি শেষ হোৱাৰ আগেয়ে মোৰ চকু মেল খায়, [QE][QS]যেন তোমাৰ প্রতিজ্ঞাৰ ধ্যান কৰিব পাৰোঁ। [QE]
149. [QS]তোমাৰ গভীৰ প্রেম অনুসাৰে মোৰ স্বৰ শুনা; [QE][QS]হে যিহোৱা, তোমাৰ ব্যৱস্থা অনুসাৰে মোক পুনৰায় সঞ্জীৱিত কৰা। [QE]
150. [QS]কু-কার্য কৰি মোক তাড়না কৰাসকল ওচৰ চাপি আহিছে; [QE][QS]তেওঁলোক তোমাৰ ব্যৱস্থাৰ পৰা দূৰৈত থাকে। [QE]
151. [QS]কিন্তু হে যিহোৱা, তুমি ওচৰ আৰু তোমাৰ সকলো আজ্ঞা সত্য; [QE]
152. [QS]বহুত দিনৰ আগেয়ে মই তোমাৰ আজ্ঞাবোৰৰ পৰা জানিছোঁ যে, [QE][QS]তুমি সেইবোৰ চিৰকালৰ কাৰণে স্থাপন কৰিলা। [QE]
153. {#1ৰেচ } [QS]তুমি মোৰ দুখলৈ দৃষ্টি কৰা আৰু মোক উদ্ধাৰ কৰা; [QE][QS]কিয়নো মই তোমাৰ ব্যৱস্থা নাপাহৰো। [QE]
154. [QS]মোৰ পক্ষে বিবাদ নিষ্পত্তি কৰা আৰু মোক মুক্ত কৰা; [QE][QS]তোমাৰ বাক্যত কৰা প্রতিজ্ঞা অনুসাৰে মোক পুনৰায় সঞ্জীৱিত কৰা; [QE]
155. [QS]দুষ্টবোৰৰ পৰা পৰিত্ৰাণ দূৰৈত থাকে; [QE][QS]কিয়নো তেওঁলোকে তোমাৰ বিধিবোৰ নিবিচাৰে। [QE]
156. [QS]হে যিহোৱা, তোমাৰ কৰুণা অনেক বেচি; [QE][QS]তোমাৰ ব্যৱস্থা অনুসাৰে মোক পুনৰায় সঞ্জীৱিত কৰা। [QE]
157. [QS]মোৰ তাড়নাকাৰী আৰু শত্ৰু অনেক; কিন্তু মই তোমাৰ আজ্ঞাবোৰৰ পৰা আঁতৰি যোৱা নাই। [QE]
158. [QS]মই বিশ্বাস ঘাতকবোৰক দেখি ঘিণ কৰোঁ; কাৰণ তেওঁলোকে তোমাৰ বাক্য পালন নকৰে। [QE]
159. [QS]চোৱা, মই তোমাৰ আদেশবোৰ কিমান যে ভাল পাওঁ! [QE][QS]হে যিহোৱা, তোমাৰ সুস্থিৰ প্রেম অনুসাৰে মোক পুনৰায় সঞ্জীৱিত কৰা। [QE]
160. [QS]তোমাৰ সমস্ত বাক্য সত্য; তোমাৰ প্ৰত্যেকটো ধার্মিক শাসন-প্ৰণালী চিৰকাল স্থায়ী। [QE]
161. {#1চীন } [QS]অধিকাৰীসকলে মোক অকাৰণে তাড়না কৰে; [QE][QS]কিন্তু মোৰ হৃদয়ে তোমাৰ বাক্যলৈ ভয় ৰাখে। [QE]
162. [QS]মই এনেকৈ তোমাৰ বাক্যত আনন্দ কৰোঁ, [QE][QS]যেনেকৈ যুদ্ধত বহুত লুটদ্ৰব্য পোৱা জনে আনন্দ কৰে। [QE]
163. [QS]মই মিছাক ঘিণাওঁ আৰু তুচ্ছ কৰোঁ; [QE][QS]কিন্তু তোমাৰ ব্যৱস্থাক প্ৰেম কৰোঁ। [QE]
164. [QS]তোমাৰ ধাৰ্মিকতাযুক্ত শাসন-প্ৰণালীবোৰৰ কাৰণে মই দিনে সাতবাৰকৈ তোমাৰ প্ৰশংসা কৰোঁ। [QE]
165. [QS]যিসকলে তোমাৰ ব্যৱস্থাক প্ৰেম কৰে, তেওঁলোকৰ পৰম শান্তি হয়; [QE][QS]একোতেই তেওঁলোক উজুটি নাখায়। [QE]
166. [QS]হে যিহোৱা, মই তোমাৰ পৰিত্ৰাণলৈ আশাৰে আছোঁ; [QE][QS]মই তোমাৰ আজ্ঞাবোৰ পালন কৰিলোঁ। [QE]
167. [QS]মোৰ প্রাণে তোমাৰ আজ্ঞাবোৰ পালন কৰিলে; [QE][QS]মই সেইবোৰক অতি প্ৰেম কৰোঁ। [QE]
168. [QS]মই তোমাৰ আদেশ আৰু আজ্ঞাবোৰ পালন কৰিলোঁ; [QE][QS]কিয়নো মোৰ সকলো পথ তোমাৰ সন্মুখতে আছে। [QE]
169. {#1তাৱ } [QS]হে যিহোৱা, মোৰ কাতৰোক্তি তোমাৰ সন্মুখত উপস্থিত হওক; [QE][QS]তোমাৰ বাক্য অনুসাৰে মোক বোধ-শক্তি দান কৰা। [QE]
170. [QS]মোৰ নিবেদনবোৰ তোমাৰ সন্মুখত উপস্থিত হওক; [QE][QS]তোমাৰ প্রতিজ্ঞাৰ দৰে মোক উদ্ধাৰ কৰা। [QE]
171. [QS]মোৰ ওঁঠত তোমাৰ প্ৰশংসা উপচি পৰক; [QE][QS]কিয়নো তুমি মোক তোমাৰ বিধিবোৰ শিকাইছা। [QE]
172. [QS]মোৰ জিভাই তোমাৰ প্রতিজ্ঞাৰ গীত গাওঁক; [QE][QS]কিয়নো তোমাৰ সকলো আজ্ঞা ন্যায়পূর্ণ। [QE]
173. [QS]তোমাৰ হাতে মোক সহায় কৰিবলৈ যুগুত হওক; [QE][QS]কিয়নো মই তোমাৰ আদেশবোৰ পালন কৰিবলৈ মনোনীত কৰিলোঁ। [QE]
174. [QS]হে যিহোৱা, মই তোমাৰ পৰিত্ৰাণলৈ আকাংক্ষা কৰিছোঁ; [QE][QS]তোমাৰ ব্যৱস্থা মোৰ আনন্দৰ বিষয় [QE]
175. [QS]মোক জীয়াই থাকিবলৈ দিয়া যাতে মই তোমাৰ প্রশংসা কৰিব পাৰোঁ; [QE][QS]তোমাৰ শাসন-প্রণালীবোৰে মোক সহায় কৰক। [QE]
176. [QS]হেৰোৱা মেৰ-ছাগৰ দৰে মই ভ্ৰান্ত হলোঁ; [QE][QS]তোমাৰ দাসক তুমি বিচাৰি লোৱা; কিয়নো তোমাৰ আজ্ঞাবোৰ মই পাহৰা নাই। [QE]