1. {#1প্ৰধান বাদ্যকৰৰ নিমিত্তে দায়ুদৰ ৰচিত গীত } [QS]হে মোৰ প্ৰশংসাৰ যোগ্য ঈশ্বৰ, তুমি নিজম দি নাথাকিবা; [QE]
2. [QS]কিয়নো দুষ্ট আৰু ছলনাকাৰী লোকে মোৰ বিৰুদ্ধে মুখ মেলিছে; [QE][QS]তেওঁলোকে মিছলীয়া জিভাৰে মোৰ বিৰুদ্ধে কথা কৈছে। [QE]
3. [QS]তেওঁলোকে মোক ঘৃণনীয় কথা কৈ আগুৰি ধৰিছে; [QE][QS]বিনা কাৰণতে মোক আক্রমণ কৰিছে। [QE]
4. [QS]মোৰ প্ৰেমৰ পৰিবর্তে তেওঁলোকে মোৰ বিৰুদ্ধে শত্ৰুতা কৰিছে; [QE][QS]কিন্তু মই হ’লে তেওঁলোকৰ বাবে প্ৰাৰ্থনাত লাগি থাকোঁ। [QE]
5. [QS]মই কৰা উপকাৰৰ সলনি তেওঁলোকে মোলৈ অপকাৰ কৰিলে; [QE][QS]মোৰ প্ৰেমৰ সলনি মোক ঘৃণা কৰিলে। [QE]
6. [QS]“তুমি তেওঁলোকৰ ওপৰত দুষ্ট বিচাৰক নিযুক্ত কৰা; [QE][QS]বিপক্ষ তেওঁলোকৰ সোঁহাতে থিয় হওঁক। [QE]
7. [QS]বিচাৰৰ সময়ত তেওঁলোকক দোষী সাব্যস্ত কৰা হওঁক; [QE][QS]তেওঁলোকৰ প্ৰাৰ্থনা পাপৰূপে গণিত হওঁক। [QE]
8. [QS]তেওঁলোকৰ আয়ুস চুটি হওঁক; [QE][QS]অন্য লোকে তেওঁলোকৰ পদবী লৈ লওঁক। [QE]
9. [QS]তেওঁলোকৰ সন্তানবোৰ অনাথ হওঁক; [QE][QS]তেওঁলোকৰ ভার্যাবোৰ বিধৱা হওঁক। [QE]
10. [QS]তেওঁলোকৰ সন্তানবোৰে পথে পথে ভিক্ষা কৰি ফুৰক, [QE][QS]উচ্ছন্ন বাসস্থানৰ পৰা দূৰলৈ গৈ আহাৰ বিচাৰি ফুৰক। [QE]
11. [QS]মহাজনে তেওঁলোকৰ সৰ্ব্বস্ব লৈ যাওক; [QE][QS]বিদেশীবোৰে তেওঁলোকৰ শ্ৰমৰ ফল লুটি নিয়ক। [QE]
12. [QS]তেওঁলোকলৈ দয়া কৰোঁতা কোনো নহওক; [QE][QS]তেওঁলোকৰ অনাথ সন্তানবোৰৰ প্রতি কৃপা কৰিবলৈ কোনো নাথাকক। [QE]
13. [QS]তেওঁলোকৰ ভাবী বংশ উচ্ছন্ন হওক; [QE][QS]দ্বিতীয় পুৰুষতে তেওঁৰ[* তেওঁলোকৰ ] নাম লুপ্ত হওক! [QE]
14. [QS]তেওঁলোকৰ পিতৃবিলাকৰ অধৰ্মৰ কথা যিহোৱাৰ সোঁৱৰণত থাকক; [QE][QS]তেওঁলোকৰ মাতৃসকলৰ পাপ মোচন কৰা নহওঁক। [QE]
15. [QS]সকলো সময়তে সেইবোৰ যিহোৱাৰ সন্মুখত থাকক, [QE][QS]আৰু পৃথিৱীৰ পৰা তেওঁলোকৰ স্মৃতি লুপ্ত হওঁক। [QE]
16. [QS]কাৰণ তেওঁলোকে কেতিয়াও দয়া দেখুৱাৰ কথা মনলৈ নানে, [QE][QS]কিন্তু দুখী, দৰিদ্র আৰু হতাশগ্রস্ত লোকসকলক বধ কৰিবৰ কাৰণে তাড়না কৰে। [QE]
17. [QS]তেওঁলোকে শাও দিবলৈ ভাল পায়; সেই শাও তেওঁলোকৰ ওপৰলৈকে আহঁক। [QE][QS]তেওঁলোকে আশীৰ্ব্বাদ ঘৃণা কৰে; সেয়ে আশীর্বাদ তেওঁলোকৰ পৰা দূৰ হওঁক। [QE]
18. [QS]তেওঁলোকে শাওক নিজৰ বস্ত্ৰৰ দৰে পিন্ধিলে; [QE][QS]সেয়ে পানীৰ নিচিনাকৈ তেওঁলোকৰ অন্তৰত প্রৱেশ কৰিলে, [QE][QS]তেওঁলোকৰ অস্থিবোৰে তেলৰ নিচিনাকৈ শুহি ল’লে। [QE]
19. [QS]সেই শাৱে চাদৰৰ দৰে তেওঁলোকক ঢাকি ৰাখক; [QE][QS]কঁকালত সদায় বন্ধা টঙালিৰ নিচিনা বান্ধি ৰাখক।” [QE]
20. [QS]মোৰ যি বিৰোধীবিলাকে মোৰ বিৰুদ্ধে বেয়া কথা কয়, [QE][QS]তেওঁলোকে যিহোৱাৰ পৰা যেন এই প্ৰতিফল পায়। [QE]
21. [QS]কিন্তু হে মোৰ প্রভু যিহোৱা, তোমাৰ নামৰ অর্থে মোৰ পক্ষে দয়া ব্যৱহাৰ কৰা; [QE][QS]কিয়নো তোমাৰ মঙ্গলময় অসীম প্রেমেৰে মঙ্গলময়, এতেকে মোক উদ্ধাৰ কৰা। [QE]
22. [QS]কিয়নো মই দুখী আৰু দৰিদ্ৰ; [QE][QS]মোৰ ভিতৰৰ অন্তৰখন বিন্ধিছে। [QE]
23. [QS]আবেলিৰ ছাঁৰ নিচিনাকৈ মই নোহোৱা হৈ গৈছো; [QE][QS]কাকতি ফৰিঙৰ নিচিনাকৈ মোক উড়ুৱাই নিয়া হৈছে। [QE]
24. [QS]লঘোন দিয়াৰ কাৰণে মোৰ আঁঠু দুটা দুৰ্ব্বল হৈছে; [QE][QS]মোৰ শৰীৰ ক্ষীণ হৈ শুকাই গৈছে। [QE]
25. [QS]মোৰ বিৰোধীসকলৰ ওচৰত মই নিন্দাৰ পাত্র হৈছোঁ; [QE][QS]মোক দেখিলেই তেওঁলোকে মূৰ জোকাৰে। [QE]
26. [QS]হে মোৰ ঈশ্বৰ যিহোৱা! [QE][QS]মোক সহায় কৰা, তোমাৰ দয়া অনুসাৰে মোক ৰক্ষা কৰা; [QE]
27. [QS]তেওঁলোকে জানক যে, এয়ে তোমাৰ হাত; [QE][QS]হে যিহোৱা, তুমিয়েই এই সকলো কার্য কৰিলা। [QE]
28. [QS]তেওঁলোকে শাও দিয়ক, কিন্তু তুমি হ’লে আশীৰ্ব্বাদ কৰিবা; [QE][QS]তেওঁলোকে উঠিলে লজ্জিত হ’ব; [QE][QS]কিন্তু তোমাৰ দাস আনন্দিত হ’ব। [QE]
29. [QS]মোৰ বিৰোধীবোৰে অপমানৰ বস্ত্রাবৰণ পৰিধান কৰক; [QE][QS]চাদৰৰ নিচিনাকৈ তেওঁলোকে নিজৰ লাজক মেৰিয়াই থাকক। [QE]
30. [QS]মই নিজ মুখেৰে অতিশয় ৰূপে যিহোৱাৰ ধন্যবাদ কৰিম; [QE][QS]লোক সমূহৰ মাজত মই তেওঁৰ প্ৰশংসা কৰিম; [QE]
31. [QS]যিজন অভাৱী, তেওঁ সেইজনক সহায় কৰে[† তেওঁ অভাৱী জনৰ সোঁফালে থিয় হৈ থাকে। ]; মৃত্যুদণ্ডৰ ৰায়ৰ পৰা তেওঁৰ প্ৰাণ ৰক্ষা কৰে। [‡ কিছুমান অনুলিপিত আছে, “কিয়নো, তেওঁ অভাৱী জনৰ সোঁফালে থিয় হৈ থাকে, যেন মৃত্যুদণ্ডৰ ৰায় দিব খোজা বিচাৰকৰ পৰা তেওঁৰ প্ৰাণ ৰক্ষা কৰিব পাৰে”। ] [QE]