1. {#1প্ৰধান বাদ্যকৰৰ নিমিত্তে: দায়ুদৰ ৰচিত গীত } [QS]গগণ-মণ্ডলে ঈশ্বৰৰ মহিমা প্ৰকাশ কৰে; [QE][QS]আকাশ-মণ্ডলে তেওঁৰ হাতৰ কৰ্ম দেখুৱায়। [QE]
2. [QS]দিনৰ পাছত দিন সেইবোৰৰ পৰা কথা ওলাই আহে; [QE][QS]ৰাতিৰ পাছত ৰাতি সেইবোৰে জ্ঞান প্ৰচাৰ কৰে। [QE]
3. [QS]কিন্তু তাৰ কোনো কথা নাই, কোনো ভাষা নাই; [QE][QS]তাৰ শব্দও শুনা নাযায়। [QE]
4. [QS]তথাপিও সেইবোৰৰ মাত সমগ্র পৃথিবীতে বিয়পি যায়; [QE][QS]সেইবোৰৰ কথা জগতৰ শেষ সীমালৈকে বিয়পি যায়; [QE][QS]আকাশ-মণ্ডলত তেওঁ সূৰ্যৰ বাবে এটা তম্বু স্থাপন কৰিলে। [QE]
5. [QS]সূৰ্যই দৰাৰ দৰে নিজৰ শোৱনি কোঁঠাৰ পৰা ওলাই আহে; [QE][QS]নিজৰ পথত বীৰৰ দৰে আনন্দেৰে লৰ মাৰে। [QE]
6. [QS]সেয়ে আকাশৰ এটা মূৰত উদয় হৈ ঘূৰি তাৰ সিটো মূৰ পায়গৈ; [QE][QS]তাৰ তাপৰ পৰা কোনো বস্তুৱেই লুকাই নাথাকে [QE]
7. [QS]যিহোৱাৰ ব্যৱস্থা সিদ্ধ, সেয়ে মানুহৰ প্ৰাণক জগাই তোলে; [QE][QS]যিহোৱাৰ বাক্য বিশ্বাসযোগ্য, সেয়ে সাধাৰণ লোকক জ্ঞান দান কৰে। [QE]
8. [QS]যিহোৱাৰ আদেশবোৰ যথাৰ্থ, সেয়ে মানুহৰ হৃদয়ত আনন্দ দান কৰে; [QE][QS]যিহোৱাৰ আজ্ঞা সুস্পষ্ট, সেয়ে অন্তর্দৃষ্টিক দীপ্তিময় কৰে। [QE]
9. [QS]যিহোৱা বিষয়ক যি ভয়, সেয়ে শুচি আৰু চিৰস্থায়ী; [QE][QS]যিহোৱাৰ শাসন-প্ৰণালীবোৰ সম্পূর্ণভাৱে সত্য আৰু ধাৰ্মিক। [QE]
10. [QS]সেইবোৰ সোণতকৈ, এনেকি নিভাঁজ সোণতকৈয়ো বাঞ্ছনীয়; [QE][QS]সেইবোৰ মৌতকৈও সোৱাদ, এনেকি ৰহঘৰাৰ পৰা জৰি জৰি ওলোৱা মৌতকৈয়ো সোৱাদ। [QE]
11. [QS]তাৰোপৰি সেইবোৰে তোমাৰ দাসক সাৱধান কৰে; [QE][QS]সেইবোৰ পালন কৰিলে পৰম লাভ হয়। [QE]
12. [QS]কোনে নিজৰ ভুলবোৰ গমিব পাৰে? [QE][QS]মোক গুপুত পাপৰ পৰা শুচি কৰা। [QE]
13. [QS]গৰ্ব্বীকৃত পাপৰ পৰাও তোমাৰ দাসক ধৰি ৰাখা; [QE][QS]সেইবোৰে যেন মোৰ ওপৰত অধিকাৰ নকৰে; [QE][QS]তাতে মই সিদ্ধ হ’ম, আৰু মহা অপৰাধৰ দায়ৰ পৰা মুক্ত হ’ম। [QE]
14. [QS]হে মোৰ যিহোৱা, মোৰ আশ্রয়-শিলা আৰু মোৰ মুক্তিকৰ্ত্তা, [QE][QS]মোৰ মুখৰ বাক্য আৰু মোৰ মনৰ চিন্তা তোমাৰ দৃষ্টিত গ্ৰাহ্য হওঁক। [QE]