1. {দায়ুদৰ প্ৰাৰ্থনা। } [QS]হে যিহোৱা, মোৰ কথালৈ কাণ দিয়া, মোক উত্তৰ দিয়া; [QE][QS]কিয়নো মই দুখী আৰু দৰিদ্ৰ। [QE]
2. [QS]মোৰ প্ৰাণ ৰক্ষা কৰা; কিয়নো মই তোমাৰ ভক্ত; [QE][QS]তুমিয়েই মোৰ ঈশ্বৰ; তোমাৰ ওপৰত ভাৰসা কৰা দাসক তুমি পালন কৰা। [QE]
3. [QS]হে প্ৰভু, মোক কৃপা কৰা; [QE][QS]কিয়নো ওৰে দিনটো মই তোমাৰ আগত প্ৰাৰ্থনা কৰি আছোঁ। [QE]
4. [QS]তোমাৰ দাসৰ মনত আনন্দ দান কৰা; [QE][QS]কিয়নো হে প্ৰভু, মই মোৰ প্রাণ তোমালৈ তুলি ধৰিছোঁ। [QE]
5. [QS]হে প্ৰভু, তুমি মঙ্গলময় আৰু ক্ষমাদানকাৰী; [QE][QS]তোমাৰ আগত প্ৰাৰ্থনা কৰা সকলৰ প্রতি তুমি দয়াৰে পৰিপূর্ণ। [QE]
6. [QS]হে যিহোৱা, মোৰ প্ৰাৰ্থনালৈ কাণ পাতা, [QE][QS]মোৰ মিনতিৰ ক্রন্দন তুমি শুনা। [QE]
7. [QS]সঙ্কটৰ কালত মই তোমাৰ আগত প্ৰাৰ্থনা কৰিম; [QE][QS]কিয়নো তুমি মোক উত্তৰ দিবা। [QE]
8. [QS]হে প্ৰভু, দেৱতাবোৰৰ মাজত তোমাৰ তুল্য কোনো নাই; [QE][QS]তোমাৰ কাৰ্যৰ লগত কোনো কাৰ্যৰ তুলনা নহয়। [QE]
9. [QS]হে প্ৰভু, তুমি সৃষ্টি কৰা সমস্ত জাতিয়ে আহি তোমাৰ আগত প্ৰণিপাত কৰিব; [QE][QS]তেওঁলোকে তোমাৰ মহিমা কীর্তন কৰিব। [QE]
10. [QS]কিয়নো তুমি মহান আৰু তুমি আচৰিত কৰ্ম কৰোঁতা। [QE][QS]কেৱল তুমিয়েই ঈশ্বৰ। [QE]
11. [QS]হে যিহোৱা, তোমাৰ পথৰ বিষয়ে মোক শিক্ষা দিয়া, [QE][QS]যাতে মই তোমাৰ সত্যত চলিব পাৰোঁ; [QE][QS]তোমাৰ নামক ভয় কৰাৰ কাৰণে মোৰ দুই মনৰ অন্তৰক এক মন দিয়া। [QE]
12. [QS]হে মোৰ ঈশ্বৰ যিহোৱা, মই সমস্ত হৃদয়ৰে তোমাৰ প্ৰশংসা কৰিম, [QE][QS]চিৰকাল তোমাৰ নামৰ গৌৰৱ কৰিম। [QE]
13. [QS]কিয়নো মোৰ প্ৰতি তোমাৰ গভীৰ প্রেম অসীম; [QE][QS]চিয়োলৰ অতি গভীৰ অধোলোকৰ পৰা তুমি মোৰ প্ৰাণ ৰক্ষা কৰিলা। [QE]
14. [QS]হে ঈশ্বৰ, অহঙ্কাৰীবোৰ মোৰ বিৰুদ্ধে উঠিছে; [QE][QS]অত্যাচাৰীবোৰৰ দলে মোৰ প্ৰাণ লব বিচাৰিছে; [QE][QS]তেওঁলোকে তোমাক নিজৰ সন্মুখত নাৰাখে। [QE]
15. [QS]কিন্তু হে প্ৰভু, তুমি দয়াৰে পৰিপূর্ণ অনুগ্রহকাৰী ঈশ্বৰ; [QE][QS]তুমি ক্ৰোধত ধীৰ, গভীৰ প্রেম আৰু বিশ্ৱস্ততাত মহান। [QE]
16. [QS]তুমি মোলৈ ঘূৰা আৰু মোক কৃপা কৰা; [QE][QS]তোমাৰ দাসক তোমাৰ শক্তি দান কৰা; [QE][QS]তোমাৰ দাসীৰ পুত্ৰক তুমি ৰক্ষা কৰা। [QE]
17. [QS]মোক তোমাৰ কৰুণাৰ এটি চিন দেখুৱা, [QE][QS]যাতে মোক যি সকলে ঘৃণা কৰে তেওঁলোকে তাকে দেখি লাজ পায়; [QE][QS]কাৰণ, হে যিহোৱা, তুমিয়েই মোক সহায় কৰিলা আৰু শান্তনা দিলা। [QE]