1. [QS]তুমি জানো পৰ্ব্বতৰ বনৰীয়া ছাগলীবোৰৰ জগা কাল জানা? [QE][QS]হৰিণীয়ে পোৱালি কেতিয়া জগায়, তাক জানো তুমি ঠিককৈ ক’ব পাৰা? [QE]
2. [QS]সিহঁতে কেইমাহ গৰ্ভধাৰণ কৰে, তাক তুমি নিৰ্ণয় কৰিব পাৰা নে? [QE][QS]বা সিহঁতে জগোৱা সময় তুমি জানা নে? [QE]
3. [QS]সিহঁতে আঠু পাৰিহে গৰ্ভৰ পৰা পোৱালি উলিয়ায়, [QE][QS]আৰু তেতিয়াই নিজৰ বেদনা জোকাৰি পেলায়। [QE]
4. [QS]সিহঁতৰ পোৱালিবোৰ অৰণ্যতে শক্তিশালী আৰু ডাঙৰ-দীঘল হয়; [QE][QS]সিহঁতৰ বাহিৰলৈ ওলাই যায় আৰু পুনৰ ওচৰলৈ উভটি নাহে। [QE]
5. [QS]বনৰীয়া গাধক কোনে স্বাধীন কৰি এৰি দিলে? [QE][QS]কোনে বনৰীয়া গাধৰ বান্ধ সোলোকালে? [QE]
6. [QS]মই অৰণ্যক তাৰ ঘৰ কৰিলোঁ, [QE][QS]আৰু লোণা ভুমিক তাৰ নিবাসৰ ঠাই কৰিলোঁ। [QE]
7. [QS]সি নগৰৰ কোলাহল হেয়জ্ঞান কৰে; [QE][QS]চলাওঁতাৰ ডাবি-হুকি শুনিবলৈ নাপায়। [QE]
8. [QS]চাৰণভুমিৰ দৰে সি পৰ্ব্বতমালাত ঘূৰি ফুৰে; [QE][QS]সি খাবৰ বাবে সকলো বিধৰ কেঁচা বৰণীয়া বন বিচাৰি ফুৰে। [QE]
9. [QS]মেঠনে তোমাৰ তলত খাটিবলৈ মান্তি হব নে? [QE][QS]তোমাৰ দানা পাত্ৰৰ ওচৰত থাকিব নে? [QE]
10. [QS]তুমি জোঁট-জৰী লগাই মেঠনক সীৰলুত ৰাখিব পাৰা নে? [QE][QS]সি তোমাৰ পাছে পাছে উপত্যকাত মৈ টানিব নে? [QE]
11. [QS]তাৰ বল অধিক হোৱাৰ কাৰণে তুমি তাক বিশ্বাস কৰিবা নে? [QE][QS]তোমাৰ কাম তাক গটাই দিবা নে? [QE]
12. [QS]সি তোমাৰ খেতিৰ শস্য ঘৰলৈ আনিব বুলি, [QE][QS]তোমাৰ খলাত ধান চপাব বুলি, তুমি তাত প্ৰত্যয় কৰিব পাৰা নে? [QE]
13. [QS]উট চৰাইৰ ডেউকাই উল্লাস কৰে, [QE][QS]কিন্তু তাইৰ ডেউকা আৰু পাখি মৰমীয়াল নে? [QE]
14. [QS]তাই মাটিত নিজৰ কণী পাৰি এৰি থৈ যায়, [QE][QS]আৰু ধুলিত উম পাবলৈ দিয়ে। [QE]
15. [QS]কোনোবাই তাক ভৰিৰে ভাঙি পেলাব বুলি, [QE][QS]বা বনৰীয়া জন্তুৱে তাক গচকিব বুলি তাইৰ তালৈ মনত নপৰে। [QE]
16. [QS]পৰৰ পোৱালিৰ নিচিনাকৈ তাই নিজৰ পোৱালিবোৰলৈ নিৰ্দ্দয় ব্যৱহাৰ কৰে, [QE][QS]আৰু কণী পৰা বিফল হলেও তাই মনত দুখ নাপায়। [QE]
17. [QS]কিয়নো ঈশ্বৰে তাইক জ্ঞানহীন কৰিলে, [QE][QS]আৰু তাইক বুদ্ধিৰ ভাগ নিদিলে। [QE]
18. [QS]কিন্তু যেতিয়া তাই ডেউকা কোবাই কোবাই লৰ মাৰে, [QE][QS]তেতিয়া তাই ঘোঁৰাত উঠা জনকো হেয়জ্ঞান কৰে। [QE]
19. [QS]ঘোঁৰাক জানো তুমি বল দিলা? [QE][QS]লৰি থকা কেশৰেৰে তাৰ ডিঙি জানো তুমি ভুষিত কৰিলা? [QE]
20. [QS]তাক ফৰিঙৰ দৰে জপিওৱা জানো তুমি কৰিলা? [QE][QS]তাৰ নাকৰ ফোৰোহনিৰ শব্দ অতি ভয়ানক। [QE]
21. [QS]সি উপত্যকাত ভৰি মাৰে, আৰু নিজৰ বলত উল্লাস কৰে, [QE][QS]সি অস্ত্ৰ–শস্ত্ৰেৰে সু-সজ্জিত হোৱা সৈন্যৰ সন্মূখলৈ ওলায় যায়। [QE]
22. [QS]সি ভয়ক হাঁহে, আৰু আতংকিত নহয়; [QE][QS]সি তৰোৱালৰ মুখ পৰা উলতি নাহে। [QE]
23. [QS]তূণে তাৰ বিৰুদ্ধে পাৰ্শ্বদেশত শব্দ কৰে; [QE][QS]চিকমিকীয়া বৰছা আৰু যাঠিয়ে তাৰ ওপৰত শব্দ কৰে। [QE]
24. [QS]সি ক্ৰোধত ভয়ানক মুৰ্ত্তি ধৰি মাটি গ্ৰাস কৰে; [QE][QS]শিঙা-ধ্বনি শুনিলে, সি থিয় হৈ থিৰে নাথাকে। [QE]
25. [QS]শিঙাধ্বনি যেতিয়া শুনে সি হিঁ হিঁ শব্দ কৰে; [QE][QS]সি দুৰৈৰ পৰা যুদ্ধৰ গোন্ধ পায়, [QE][QS]সি সেনাপতিসকলৰ গৰ্জ্জন আৰু সিংহনাদ শুনে। [QE]
26. [QS]তোমাৰ বুদ্ধিৰেই জানো শেনে ওপৰলৈ উড়া মাৰে, [QE][QS]আৰু তাতে সি জানো দক্ষিণ ফাললৈ নিজৰ ডেউকা মেলে? [QE]
27. [QS]ঈগল পক্ষীয়ে জানো তোমাৰ আজ্ঞাত ওপৰলৈ উঠে, [QE][QS]আৰু অতি ওখ ঠাইত বাহ সাজে? [QE]
28. [QS]সি শিলত বাস কৰে, তাতেই তাৰ বাহ; [QE][QS]সি থিয় পৰ্ব্বতৰ টিঙত আৰু দুৰ্গম ঠাইত থাকে। [QE]
29. [QS]সেই ঠাইৰে পৰা সি আহাৰ মনে; [QE][QS]তাৰ চকুৱে দুৰৈৰ পৰা তাক দেখে। [QE]
30. [QS]তাৰ পোৱালিবোৰে তেজ পিয়ে; [QE][QS]য’তে বধ কৰা শৱ থাকে, ত’তে সিও থাকে।” [QE]