1. {ইয়োবৰ উত্তৰ। }
2. [PS]তেতিয়া ইয়োবে পুনৰায় উত্তৰ কৰি ক’লে, [PE][QS]তোমালোকে মন দি মোৰ কথা শুনা; [QE][QS]আৰু এয়ে তোমালোকৰ শান্ত্বনা হওক। [QE]
3. [QS]অলপ সহন কৰা, ময়ো কওঁ; [QE][QS]মই কোৱাৰ পাছতো তুমি বিদ্ৰূপ কৰি থাকা। [QE]
4. [QS]মই লোকৰ নামত অভিযোগ কৰিম নে? [QE][QS]মই কিয় অসহিষ্ণু নহম? [QE]
5. [QS]তোমালোকে মোলৈ চাইছা আৰু আচৰিত মানিছা, [QE][QS]আৰু নিজৰ মুখত হাত দিছা। [QE]
6. [QS]যেতিয়া মই মোৰ কষ্টৰ বিষয়ে ভাবো, [QE][QS]তেতিয়া মই বিহ্বল হওঁ, আৰু ত্ৰাসতে মোৰ শৰীৰ কঁপে। [QE]
7. [QS]দুষ্টবোৰ কিয় জীয়াই থাকে? [QE][QS]কিয় বৃদ্ধ হয়, আৰু ক্ষমতাশালীও হয়? [QE]
8. [QS]সিহঁতৰ বংশ সিহঁতৰ সন্মুখত সিহঁতৰ লগত থাকে; [QE][QS]সিহঁতৰ সন্তান-সন্ততিবোৰ সিহঁতৰ চকুৰ আগত থিৰে থাকে। [QE]
9. [QS]সিহঁতৰ ঘৰবোৰ ভয় নোপোৱাকৈ শান্তিৰে থাকে, [QE][QS]আৰু সিহঁতৰ ওপৰত ঈশ্বৰৰ দণ্ডৰ আঘাতো নপৰে। [QE]
10. [QS]সিহঁতৰ ষাঁড় গৰুবোৰে সংগম কৰিলে সেয়ে নিষ্ফল নহয়; [QE][QS]সিহঁতৰ গাই জগে, বিনচ নকৰে। [QE]
11. [QS]সিহঁতে নিজ নিজ শিশুবোৰক মেৰৰ জাকৰ দৰে বাহিৰলৈ উলিয়াই দিয়ে; [QE][QS]আৰু সিহঁতৰ সন্তানবোৰে নাচ-গান কৰে। [QE]
12. [QS]সিহঁতে খঞ্জৰী আৰু বীণা বজাই গান গায়, [QE][QS]আৰু বাঁহীৰ শব্দত উল্লাস কৰে। [QE]
13. [QS]সিহঁতে সুখেৰে নিজ নিজ দিন কটায়; [QE][QS]পাছত এক নিমিষতে চিয়োললৈ নামি যায়। [QE]
14. [QS]তথাপি সিহঁতে ঈশ্বৰক কয়, “তুমি আমাৰ পৰা দূৰ হোৱা; [QE][QS]কিয়নো আমি তোমাৰ পথ জানিব নোখোজোঁ। [QE]
15. [QS]সৰ্ব্বশক্তিমান জনানো কোন যে, আমি তেওঁৰ সেৱা কৰিম? [QE][QS]আৰু তেওঁৰ আগত প্ৰাৰ্থনা কৰিলেই আমাৰ বা কি লাভ হ’ব? [QE]
16. [QS]চোৱা, সিহঁতৰ মঙ্গল সিহঁতৰ হাতৰ দ্বাৰাই নহয়; [QE][QS]দুষ্টবোৰৰ মন্ত্ৰণা মোৰ পৰা দূৰ হওঁক। [QE]
17. [QS]দুষ্টবোৰৰ প্ৰদীপ নো কিমানবাৰ নুমুউৱা হয়? [QE][QS]কিমানবাৰ নো সিহঁতৰ বিপদ সিহঁতলৈ ঘটে? [QE][QS]কিমানবাৰ নো ঈশ্বৰে নিজ ক্ৰোধত ক্লেশ বিলাই দিয়ে? [QE]
18. [QS]কিমানবাৰ সিহঁত বতাহৰ আগত খেৰৰ নিচিনা, [QE][QS]আৰু ধুমুহাই উড়াই নিয়া ঘুলাৰ নিচিনা হয়? [QE]
19. [QS]তোমালোকে কোৱা, “ঈশ্বৰে তাৰ সন্তানবোৰলৈ তাৰ অধৰ্ম সাঁচি থয়”। [QE][QS]সেয়ে ভোগ কৰিবৰ কাৰণে তেওঁ তাকেই প্ৰতিফল দিয়ক। [QE]
20. [QS]তাৰ নিজ চকুৱেই তাৰ সৰ্ব্বনাশ চাওক, আৰু [QE][QS]সৰ্ব্বশক্তিমান জনাৰ ক্ৰোধ সিয়েই পান কৰক। [QE]
21. [QS]কিয়নো, তাৰ মাহ কেইটা ওৰ পৰিলে হ’ল, [QE][QS]সি মৰাৰ পাছত, তাৰ ভাবি-বংশৰ লগত তাৰ কি সম্পৰ্ক? [QE]
22. [QS]যি জনাই উৰ্দ্ধবাসীসকলৰো বিচাৰ কৰে, [QE][QS]এনে জনা ঈশ্বৰকেই কোনোবাই জ্ঞান শিক্ষা দিব পাৰে নে? [QE]
23. [QS]সকলোৱে ভাবে শান্তিৰে আৰু নিশ্চিন্তে থাকিম, [QE][QS]কোনোৱে সম্পূৰ্ণ বলত মৰে। [QE]
24. [QS]তাৰ গাখীৰৰ পাত্ৰবোৰ গাখীৰেৰে পৰিপূৰ্ণ, [QE][QS]আৰু তাৰ হাড়বোৰৰ মগজু ৰসযুক্ত। [QE]
25. [QS]আন কোনোৱে মনত তিতা লাগি মৰে; [QE][QS]সি কেতিয়াও মঙ্গলৰ আস্বাদ নাপায়। [QE]
26. [QS]সিহঁত দুয়ো একেলগে ধুলিত শোৱে, [QE][QS]আৰু পোকে সিহঁত দুয়োকো ঢাকে। [QE]
27. [QS]চোৱা, মই তোমালোকৰ মনৰ ভাব জানিছোঁ; [QE][QS]আৰু মোৰ বিৰুদ্ধে অন্যায়কৈ যিবোৰ মন্ত্ৰণা কৰিছা, সেইবোৰকো মই জানিছোঁ। [QE]
28. [QS]কিয়নো তোমালোকে কৈছা, “সেই ডাঙৰীয়াৰ ঘৰ ক’ত? [QE][QS]আৰু সেই দুৰ্জনবোৰে বাস কৰা তম্বুটো ক’ত? [QE]
29. [QS]তোমালোকে পথিকবিলাকক সোধা নাই নে? [QE]
30. [QS]দুষ্টই বিপদৰ দিনত ৰক্ষা পায়, আৰু ক্ৰোধৰ দিনত তাক আঁতৰাই নিয়া হয়, [QE][QS]এই বুলি তেওঁলোকে কোৱা বিবৰণ তোমালোকে নাজানা নে? [QE]
31. [QS]তাৰ আচৰণৰ কথা তাৰ মুখৰ আগত কোনে ক’ব? [QE][QS]আৰু তাৰ কৰ্মৰ প্ৰতিফল তাক কোনে দিব? [QE]
32. [QS]তথাপি তাক মৈদামলৈ নিয়া হ’ব, [QE][QS]আৰু লোকে তাৰ মৈদামত পৰ দি থাকিব। [QE]
33. [QS]আৰু উপত্যকাৰ চপৰাবোৰ তালৈ লঘু যেন বোধ হব; [QE][QS]যেনেকৈ তাৰ আগেয়ে অলেখ মানুহ গৈছিল, তেনেকৈ তাৰ পাছতো সকলো মানুহ যাব। [QE]
34. [QS]তেন্তে তোমালোকে কেনে অনৰ্থক শান্ত্বনা দিছা! [QE][QS]তোমালোকৰ উত্তৰবোৰ কেৱল মিছাহে।” [QE]