1. {প্ৰধান বাদ্যকৰৰ নিমিত্তে: দায়ুদৰ ৰচিত গীত। } [QS]মই ধৈৰ্যৰে যিহোৱালৈ অপেক্ষা কৰিছিলোঁ; [QE][QS]তাতে তেওঁ মোলৈ কাণ পাতি মোৰ কাতৰোক্তি শুনিলে। [QE]
2. [QS]তেওঁ মোক বিনাশৰ গাতৰ পৰা তুলি আনিলে, [QE][QS]পঙ্কিল জলাশয়ৰ পৰা তুলিলে। [QE][QS]শিলৰ ওপৰত মোৰ ভৰি ৰাখিলে আৰু মোৰ গতি স্থিৰ কৰিলে। [QE]
3. [QS]তেওঁ মোৰ মুখত এটি নতুন গীত দিলে, [QE][QS]আমাৰ ঈশ্বৰৰ উদ্দেশ্যে প্রশংসাৰ গীত দিলে; [QE][QS]অনেক লোকে তাকে দেখি ভয় খাব আৰু তেওঁলোকে যিহোৱাত ভাৰসা কৰিব। [QE]
4. [QS]ধন্য সেই লোক, যি লোকে যিহোৱাৰ ওপৰত ভাৰসা কৰে; [QE][QS]যিজনে অহংকাৰী[* মূর্তিবোৰৰ ]বোৰৰ ফালে নুঘূৰে, [QE][QS]নাইবা মিছা দেৱতাবোৰৰ পাছত চলি অপথে যোৱাসকলৰ দিশে নুঘূৰে। [QE]
5. [QS]হে মোৰ ঈশ্বৰ যিহোৱা, তুমি তোমাৰ অনেক আচৰিত কার্য কৰিছা, [QE][QS]আমাক লৈ তোমাৰ পৰিকল্পনা অনেক, [QE][QS]তোমাৰ লগত কাকো তুলনা কৰিব নোৱাৰি, [QE][QS]মই যদি সেইবোৰ ঘোষণা আৰু বৰ্ণনা কৰোঁ, গণনা কৰিব নোৱাৰাকৈ অলেখ হ’ব। [QE]
6. [QS]তুমি বলিদান আৰু নৈবেদ্যত সন্তোষ নোপোৱা; [QE][QS]তুমি মোক শুনিবলৈ শ্ৰৱণ শক্তি দিলা; [QE][QS]হোম-বলি আৰু পাপাৰ্থক বলি তুমি বিচাৰা নাই। [QE]
7. [QS]তেতিয়া মই ক’লো, “এইয়া মই আহিছোঁ; [QE][QS]পুস্তক খনত মই অহাৰ বিষয়ে লিখা আছে। [QE]
8. [QS]হে মোৰ ঈশ্বৰ, তোমাৰ ইচ্ছাত চলাতেই মোৰ আনন্দ; [QE][QS]তোমাৰ সকলো ব্যৱস্থা মোৰ অন্তৰত আছে।” [QE]
9. [QS]মই মহা-সমাজত তোমাৰ মুক্তিৰ শুভবাৰ্ত্তা প্ৰচাৰ কৰোঁ; [QE][QS]হে যিহোৱা, চোৱা, তুমিয়েই জানা মই যে ওঁঠ বন্ধ কৰি ৰখা নাই। [QE]
10. [QS]তোমাৰ উদ্ধাৰৰ সহায়ৰ কথা মই মোৰ হৃদয়ত লুকুৱাই ৰখা নাই; [QE][QS]তোমাৰ বিশ্বস্ততা আৰু পৰিত্ৰাণৰ কথা মই প্ৰচাৰ কৰিলোঁ; [QE][QS]তোমাৰ দয়া আৰু সত্যতা মই মহাসমাজৰ পৰা গুপুতে ৰখা নাই। [QE]
11. [QS]হে যিহোৱা, তুমি মোৰ পৰা তোমাৰ দয়া ধৰি নাৰাখিবা; [QE][QS]তোমাৰ প্রেম আৰু বিশ্বস্ততাই মোক সদায় ৰক্ষা কৰক। [QE]
12. [QS]কিয়নো অসংখ্য বিপদে মোক বেৰি ধৰিছে; [QE][QS]মোৰ অপৰাধবোৰে মোক খেদি অতর্কিতে ধৰিছে; [QE][QS]মই অপৰাধবোৰ দেখা নোপোৱা হ’লো; [QE][QS]সেইবোৰ মোৰ মূৰৰ চুলিতকৈয়ো অধিক হ’ল; মোৰ সাহস নোহোৱা হৈছে। [QE]
13. [QS]হে যিহোৱা, মোক উদ্ধাৰ কৰিবলৈ ইচ্ছুক হোৱা; [QE][QS]হে যিহোৱা, মোক সহায় কৰিবলৈ খৰ কৰা। [QE]
14. [QS]যিসকলে মোৰ প্ৰাণ বিনাশ কৰিবলৈ বিচাৰে, তেওঁলোক লজ্জিত আৰু অপমানিত হওঁক; [QE][QS]যিসকলে মোৰ সর্বনাশ কামনা কৰে, তেওঁলোকে অপমান পাই ঘূৰি যাওঁক। [QE]
15. [QS]যিসকলে মোক দেখি কয়, “ভাল হৈছে, ভাল হৈছে,” তেওঁলোকে নিজে লাজ পাই হতভম্ব হওঁক। [QE]
16. [QS]কিন্তু তোমাক বিচৰাসকলে তোমাতেই আনন্দিত আৰু উল্লাসিত হওঁক; [QE][QS]তোমাৰ পৰিত্ৰাণ ভালপোৱাসকলে সকলো সময়তে কওঁক, “যিহোৱা মহান।” [QE]
17. [QS]কিন্তু মই হলে দুখী আৰু দৰিদ্ৰ; তথাপি মোৰ বাবে যিহোৱাই চিন্তা কৰে, [QE][QS]হে মোৰ ঈশ্বৰ, তুমি পলম নকৰিবা; [QE][QS]তুমিয়েইতো মোৰ সহায়, আৰু উদ্ধাৰকর্তা। [QE]