1. [QS]হে প্ৰতিফল দিওঁতা ঈশ্বৰ যিহোৱা, [QE][QS]হে প্রতিফল দিওঁতা ঈশ্বৰ, তুমি দীপ্তি প্ৰকাশ কৰা। [QE]
2. [QS]হে পৃথিৱীৰ বিচাৰকৰ্ত্তা, তুমি উঠা, [QE][QS]অহংকাৰীবোৰক তেওঁলোকৰ যি প্রাপ্য তাক তুমি দিয়া। [QE]
3. [QS]হে যিহোৱা, দুষ্টবোৰে কিমান কাল, [QE][QS]দুষ্টবোৰেনো কিমান কাল উল্লাস কৰিব? [QE]
4. [QS]তেওঁলোকৰ মুখৰ পৰা দাম্ভিক কথাবোৰ বাহিৰ হৈ আহে; [QE][QS]সকলো দুষ্টলোকে গৰ্ব্ব কৰে। [QE]
5. [QS]হে যিহোৱা, তোমাৰ লোকসকলক তেওঁলোকে চূর্ণ কৰিছে; [QE][QS]তোমাৰ আধিপত্যক উপদ্রৱ কৰিছে। [QE]
6. [QS]বিধৱা আৰু বিদেশী লোকক তেওঁলোকে বধ কৰিছে; [QE][QS]অনাথ সকলক হত্যা কৰিছে; [QE]
7. [QS]তেওঁলোকে ক’য়, “যিহোৱাই নেদেখিব; যাকোবৰ ঈশ্বৰে মন নকৰিব।” [QE]
8. [QS]হে বিবেকহীনবোৰ, তোমালোকে বিবেচনা কৰা; [QE][QS]হে নিৰ্বোধবোৰ, কেতিয়া তোমালোকৰ সুবুদ্ধি হ’ব? [QE]
9. [QS]যি জনাই কাণ সৃষ্টি কৰিলে, তেওঁ জানো নুশুনিব? [QE][QS]যি জনাই চকু নিৰ্ম্মাণ কৰিলে, তেওঁ জানো নেদেখিব? [QE]
10. [QS]যি জনাই সকলো জাতিকে শাসন কৰে আৰু লোকসকলক শিক্ষা দিয়ে, [QE][QS]তেওঁ জানো শাস্তি নিদিয়াকৈ থাকিব? [QE]
11. [QS]যিহোৱাই মানুহৰ সকলো চিন্তা জানে; [QE][QS]তেওঁ জানে যে তেওঁলোক সকলো শ্বাস মাত্র। [QE]
12. [QS]হে যিহোৱা, ধন্য সেইসকল লোক যাক তুমি শাসন কৰা, [QE][QS]আৰু তোমাৰ ব্যৱস্থাৰ পৰা শিক্ষা দিয়া, [QE]
13. [QS]যাতে তেওঁলোকে বিপদৰ কালত জিৰণি পায়, [QE][QS]যেতিয়ালৈকে দুষ্টসকলৰ কাৰণে গাত খন্দা শেষ নহয়। [QE]
14. [QS]কিয়নো যিহোৱাই নিজৰ লোকসকলক ত্যাগ নকৰিব, [QE][QS]নিজৰ আধিপত্যক পৰিত্যাগ নকৰিব। [QE]
15. [QS]ন্যায়বিচাৰ পুনৰ ধাৰ্মিকতাৰ ওচৰলৈ উভটি আহিব; [QE][QS]শুদ্ধ মনৰ সকলোৱেই তাক মানি চলিব। [QE]
16. [QS]কোনে মোৰ পক্ষ হৈ দুষ্টবোৰৰ বিৰুদ্ধে উঠিব? [QE][QS]মোৰ পক্ষ হৈ দুষ্টবোৰৰ বিৰুদ্ধে কোন থিয় হ’ব? [QE]
17. [QS]যদি যিহোৱাই মোক সহায় নকৰে, [QE][QS]তেন্তে মৃত্যুৰ নীৰৱতাত মোৰ প্ৰাণে শীঘ্ৰেই বসতি কৰিলেহেঁতেন। [QE]
18. [QS]যেতিয়াই মই ভাৱো যে, মোৰ ভৰি পিছলি গৈছে, [QE][QS]তেতিয়াই হে যিহোৱা, তোমাৰ অসীম প্রেমে মোক ধৰি ৰাখে। [QE]
19. [QS]মোৰ মন যেতিয়া দুঃচিন্তাৰে ভৰি পৰে, [QE][QS]তেতিয়া তোমাৰ শান্ত্বনাই মোৰ প্রাণত আনন্দ দান কৰে। [QE]
20. [QS]দুর্নীতিপৰায়ণ শাসনকর্তাসকলে দুষ্কার্যৰ কাৰণে বিধি স্থাপন কৰে, [QE][QS]তোমাৰ লগত তেওঁলোকৰ জানো সম্পৰ্ক থাকিব পাৰে? [QE]
21. [QS]তেওঁলোকে ধাৰ্মিকৰ প্ৰাণৰ বিৰুদ্ধে গোট খায়; [QE][QS]তেওঁলোকে নিৰ্দ্দোষীক মৃত্যুদণ্ড বিহিবলৈ দোষী কৰে। [QE]
22. [QS]কিন্তু যিহোৱাই মোৰ দুৰ্গ; [QE][QS]মোৰ ঈশ্বৰেই মোৰ আশ্ৰয় শিলা। [QE]
23. [QS]তেওঁলোকৰ অপৰাধ তেওঁ তেওঁলোকৰ ওপৰলৈকে আনিব, [QE][QS]তেওঁলোকৰ দুষ্কার্যতেই তেওঁ তেওঁলোকক বিনষ্ট কৰিব; [QE][QS]আমাৰ ঈশ্বৰ যিহোৱায়েই তেওঁলোকক বিনষ্ট কৰিব। [QE]