1. [QS]তোমালোকে যিহোৱাৰ প্ৰশংসা কৰা। [QE][QS]স্বর্গৰ পৰা যিহোৱাৰ প্ৰশংসা কৰা; উচ্চ স্থানত তেওঁৰ প্ৰশংসা কৰা। [QE]
2. [QS]হে যিহোৱাৰ সকলো দূত, তেওঁৰ প্ৰশংসা কৰা; [QE][QS]হে যিহোৱাৰ সকলো বাহিনী, তেওঁৰ প্ৰশংসা কৰা! [QE]
3. [QS]হে সূৰ্য আৰু চন্দ্ৰ, তেওঁৰ প্ৰশংসা কৰা; [QE][QS]হে দীপ্তিময় সকলো তৰা, তেওঁৰ প্ৰশংসা কৰা! [QE]
4. [QS]হে স্বর্গৰ স্বর্গ, তেওঁৰ প্ৰশংসা কৰা! [QE][QS]হে আকাশ-মণ্ডলৰ উর্দ্ধস্থানৰ জল সমূহ, তেওঁৰ প্রশংসা কৰা! [QE]
5. [QS]সেইবোৰ সকলোৱে যিহোৱাৰ নামৰ প্ৰশংসা কৰক; [QE][QS]কিয়নো তেওঁ আজ্ঞা দিলে আৰু এইবোৰৰ সৃষ্টি হ’ল। [QE]
6. [QS]তেওঁ চিৰকালৰ কাৰণে সেইবোৰক সঠিক ঠাইত স্থাপন কৰিলে; [QE][QS]তেওঁ এটা বিধি দিলে, কোনোৱে তাক উলঙ্ঘন কৰিব নোৱাৰিব। [QE]
7. [QS]হে সাগৰৰ প্রকাণ্ড জলচৰবোৰ আৰু মহাসাগৰৰ গভীৰ অধোভাগ, [QE][QS]পৃথিৱীৰ পৰা তোমালোকে যিহোৱাৰ প্রশংসা কৰা! [QE]
8. [QS]হে জুই[* বিজুলী ] আৰু শিলাবৃষ্টি, তুষাৰ আৰু কুঁৱলী, [QE][QS]আৰু যিহোৱাৰ আজ্ঞা পালন কৰা প্রৱল ধুমুহা, তেওঁৰ প্রশংসা কৰা! [QE]
9. [QS]হে সকলো পর্বত আৰু পাহাৰবোৰ, [QE][QS]আৰু ফলৱতী গছ আৰু এৰচ গছবোৰ, তেওঁৰ প্রশংসা কৰা! [QE]
10. [QS]হে বনৰীয়া জন্তু আৰু ঘৰচীয়া পশুবোৰ, [QE][QS]আৰু বগাই ফুৰা উৰগ আৰু ডেউকা লগা পক্ষীসমূহ, তেওঁৰ প্রশংসা কৰা! [QE]
11. [QS]হে পৃথিৱীৰ ৰজাসকল আৰু সমুদায় জাতি, [QE][QS]অধিপতি আৰু পৃথিৱীৰ শাসকগণ, তেওঁৰ প্রশংসা কৰা! [QE]
12. [QS]হে যুৱক আৰু যুৱতীসকল, বৃদ্ধ আৰু শিশুসকল, [QE][QS]তেওঁৰ প্ৰশংসা কৰা! [QE]
13. [QS]এই সকলোবোৰে যিহোৱাৰ প্ৰশংসা কৰক; [QE][QS]কিয়নো কেৱল তেওঁৰেই নাম মহান; [QE][QS]তেওঁৰ গৌৰৱ পৃথিৱী আৰু আকাশ-মণ্ডলৰ ওপৰলৈকে বিস্তাৰিত। [QE]
14. [QS]তেওঁ নিজৰ লোকসকলৰ কাৰণে এটি শিং উত্তোলন কৰিলে; [QE][QS]সেয়া তেওঁৰ সকলো ভক্তৰ বাবে প্রশংসা, [QE][QS]সেয়া তেওঁৰ ওচৰত থকা ইস্রায়েল জাতিৰ বাবে প্রশংসা। [QE][QS]তোমালোকে যিহোৱাৰ প্ৰশংসা কৰা। [QE]