1. {গীতমালা চতুর্থ খণ্ড } {ঈশ্বৰৰ লোক মোচিৰ প্ৰাৰ্থনা। } [QS]হে প্ৰভু, পুৰুষে পুৰুষে তুমিয়েই আমাৰ বাসস্থান হৈ আহিছা। [QE]
2. [QS]পৰ্ব্বতবোৰ উৎপন্ন হোৱাৰ আগেয়ে, [QE][QS]পৃথিৱী আৰু জগত সৃষ্টিৰ আগতে, [QE][QS]অনাদি কালৰ পৰা অনন্ত কাল পর্যন্ত তুমিয়েই ঈশ্বৰ। [QE]
3. [QS]তুমি মানুহক ধূলিলৈ উভটাই লৈ যোৱা; [QE][QS]তুমি কোৱা, “হে মনুষ্য সন্তান সকল উভটি যোৱা”। [QE]
4. [QS]তোমাৰ দৃষ্টিত হাজাৰ বছৰ যেন পাৰ হোৱা যোৱাকালিৰ নিচিনা; [QE][QS]যেন ৰাতিৰ এক প্ৰহৰ মাত্র। [QE]
5. [QS]তুমি মানুহক ধলৰ দৰে উটুৱাই লৈ যোৱা, [QE][QS]তেওঁলোক এটা সপোনৰ নিচিনা; [QE][QS]যেন ৰাতিপুৱা নতুনকৈ ঠন ধৰি উঠা ঘাঁহৰ দৰে; [QE]
6. [QS]ৰাতি পুৱালেই সেয়ে গজি বাঢ়িবলৈ ধৰে; [QE][QS]গধূলি বেলা সেয়ে শুকাই শেষ হৈ যায়। [QE]
7. [QS]তোমাৰ ক্ৰোধে আমাক গ্রাস কৰে, [QE][QS]তোমাৰ কোপত আমি ব্যাকুল হওঁ। [QE]
8. [QS]তুমি আমাৰ অপৰাধবোৰ তোমাৰ সন্মুখত থৈছা; [QE][QS]তোমাৰ উপস্থিতিৰ পোহৰত আমাৰ গুপুত পাপবোৰ প্রকাশ পায়। [QE]
9. [QS]তোমাৰ ভীষণ ক্ৰোধত আমাৰ দিনবোৰ হ্ৰাস হৈ যায়; [QE][QS]নিশ্বাসৰ দৰেই আমাৰ আয়ুসৰ বছৰবোৰ শেষ হৈ যায়। [QE]
10. [QS]আমাৰ আয়ুস মাত্র সত্তৰ বছৰ, [QE][QS]হয়তো শক্তি থাকিলে, আশী বছৰো হ’ব পাৰে; [QE][QS]তথাপিতো আমি শক্তি[* গর্ব কৰিব পৰা বছৰবোৰত ] থকা বছৰবোৰত মাথোন দুখ আৰু ক্লেশ থাকে; [QE][QS]বছৰবোৰ বেগাই ঢুকাই যায় আৰু আমিও পলকতে উড়ি [† নাইকিয়া হৈ যাওঁ ] যাওঁ। [QE]
11. [QS]তোমাৰ ক্ৰোধৰ পৰাক্ৰম কোনে জানে? [QE][QS]তোমাৰ ক্রোধ, তোমাৰ প্রাপ্য ভয়-ভক্তিৰ দৰেই মহান? [QE]
12. [QS]সেয়ে আমাৰ আয়ুসৰ কাল গণনা কৰিবলৈ তুমি আমাক শিকোৱা; [QE][QS]যাতে আমি প্রজ্ঞাৰ চিত্ত লাভ কৰিব পাৰোঁ। [QE]
13. [QS]হে যিহোৱা, আৰু কিমান কাল? [QE][QS]তুমি ঘূৰি আহাঁ! তোমাৰ দাসবোৰৰ প্রতি সদয় হোৱা। [QE]
14. [QS]পুৱাতে তোমাৰ গভীৰ প্রেমেৰে আমাক তৃপ্ত কৰা, [QE][QS]যেন আয়ুস থাকেমানে গোটেই জীৱনত আমি আনন্দ আৰু উল্লাস কৰিব পাৰোঁ। [QE]
15. [QS]যিমান দিন ধৰি তুমি আমাক দুখ দিলা আৰু, [QE][QS]যিমান বছৰ আমি কষ্ট দেখিলোঁ, সেই অনুসাৰেই তুমি আমাক আনন্দিত কৰা। [QE]
16. [QS]তোমাৰ দাসবোৰৰ আগত তোমাৰ কৰ্ম, [QE][QS]আৰু তেওঁলোকৰ সন্তান সকলৰ ওপৰত তোমাৰ গৌৰৱ প্ৰকাশিত হওক। [QE]
17. [QS]আমাৰ ঈশ্বৰ যিহোৱাৰ দয়া আমাৰ ওপৰত থাকক; [QE][QS]তুমি আমাৰ হাতৰ সকলো কার্য সফল কৰা; [QE][QS]হয়, আমাৰ হাতৰ সকলো কামত তুমি সফলতা দান কৰা। [QE]