1. {এজন দুখীৰ প্রার্থনা; তেওঁ যেতিয়া হতাশ হয়, তেওঁৰ দুখৰ কথা যিহোৱাক কৈছিল। } [QS]হে যিহোৱা, মোৰ প্ৰাৰ্থনা শুনা; [QE][QS]মোৰ কাতৰোক্তি তোমাৰ আগত উপস্থিত হওক। [QE]
2. [QS]সঙ্কটৰ কালত তোমাৰ মুখ মোৰ পৰা লুকুৱাই নাৰাখিবা; [QE][QS]মোলৈ কাণ পাতা; মই প্ৰাৰ্থনা কৰা কালত শীঘ্ৰে মোক উত্তৰ দিয়া। [QE]
3. [QS]কিয়নো ধুঁৱাৰ নিচিনাকৈ মোৰ দিনবোৰ বিলীন হৈ গৈছে, [QE][QS]মোৰ অস্থিবোৰ যেন অগ্নিশালৰ জুইত জ্বলিছে। [QE]
4. [QS]ৰ’দৰ তাপত লেৰেলি যোৱা ঘাঁহৰ নিচিনাকৈ মোৰ হৃদয় শুকাই গৈছে; [QE][QS]এনে কি মই ভোজন কৰিবলৈও পাহৰি যাওঁ। [QE]
5. [QS]মই বৰকৈ কেঁকাই থকাত মোৰ অস্থিবোৰ শৰীৰৰ ছালত লাগি গৈছে। [QE]
6. [QS]মই মৰুভূমিত বাস কৰা এটি ফেঁচা[* শগুণ ]ৰ নিচিনা হ’লো, [QE][QS]ধ্বংসস্তূপত থকা এটা অকলশৰীয়া সৰু ফেঁচাৰ দৰে হ’লো। [QE]
7. [QS]মই টোপনি যাব নোৱাৰো; [QE][QS]ঘৰৰ চালত থকা অকলশৰীয়া চৰাইজনীৰ সদৃশ হ’লো। [QE]
8. [QS]মোৰ শত্ৰুবোৰে দিনে-ৰাতিয়ে মোক বিদ্রূপ কৰে; [QE][QS]মোৰ বিৰুদ্ধে খঙত উন্মত্ত লোকসকলে মোৰ নাম শাও ৰূপে ব্যৱহাৰ কৰে। [QE]
9. [QS]বাস্তৱিক মই আহাৰ স্বৰূপে ভস্ম খাওঁ; [QE][QS]পেয় দ্রব্যৰে সৈতে মোৰ চকুলো মিহলাও; [QE]
10. [QS]ইয়াৰ কাৰণ হৈছে তোমাৰ ৰোষ আৰু তোমাৰ ক্রোধ; [QE][QS]কিয়নো তুমি মোক ওপৰলৈ তুলি দলিয়াই পেলাই দিলা। [QE]
11. [QS]মোৰ দিনবোৰ সন্ধিয়া পৰৰ ছাঁৰ নিচিনা হৈছে; [QE][QS]মই তৃণৰ দৰে শুকাই গৈছোঁ। [QE]
12. [QS]কিন্তু, হে যিহোৱা, তুমি হ’লে তোমাৰ সিংহাসনত চিৰকাললৈকে থাকা; [QE][QS]তোমাৰ নামৰ যশস্যা পুৰুষে পুৰুষে স্থায়ী। [QE]
13. [QS]তুমি উঠিবা, চিয়োনলৈ কৃপা কৰিবা; [QE][QS]এতিয়াই তাৰ প্রতি দয়া কৰাৰ সময় হৈছে, [QE][QS]কাৰণ নিৰূপিত সময় উপস্থিত হ’ল। [QE]
14. [QS]তোমাৰ দাসবোৰৰ ওচৰত তাৰ শিলবোৰ প্রিয়, [QE][QS]তাৰ ধুলিকণাৰ ওপৰতো তেওঁলোকৰ মমতা আছে। [QE]
15. [QS]যিহোৱাৰ নামক সকলো জাতিয়ে ভয় কৰিব, [QE][QS]পৃথিৱীৰ সমুদায় ৰজা তোমাৰ প্ৰতাপত ভীত হ’ব। [QE]
16. [QS]কিয়নো যিহোৱাই পুনৰ চিয়োনক নিৰ্ম্মাণ কৰিব; [QE][QS]তেওঁ নিজৰ মহিমাৰে দৰ্শন দিব। [QE]
17. [QS]সেই সময়ত তেওঁ দীনহীনবোৰৰ প্রার্থনাৰ উত্তৰ দিব, [QE][QS]তেওঁলোকৰ প্রার্থনাক তেওঁ অগ্রাহ্য নকৰিব। [QE]
18. [QS]ভাৱী বংশধৰসকলৰ কাৰণে এই সকলো কথা লিখি থোৱা হ’ব, [QE][QS]যাতে এতিয়া জন্ম নোহোৱা সন্তান সকলেও যিহোৱাৰ প্রশংসা কৰিব পাৰে। [QE]
19. [QS]কিয়নো তেওঁৰ পবিত্র উচ্চ স্থানৰ পৰা তেওঁ তললৈ দৃষ্টি কৰিলে; [QE][QS]যিহোৱাই স্বর্গৰ পৰা পৃথিৱীলৈ দৃষ্টি কৰিলে, [QE]
20. [QS]যাতে বন্দীসকলৰ কেঁকনি শুনিব পাৰে, [QE][QS]মৃত্যুদণ্ডৰে অভিযুক্ত সকলক মুক্ত কৰিব পাৰে। [QE]
21. [QS]চিয়োনত যিহোৱাৰ নাম প্রচাৰিত হ’ব, [QE][QS]যিৰূচালেমত তেওঁৰ প্ৰশংসা-স্তুতি হ’ব, [QE]
22. [QS]যেতিয়া যিহোৱাৰ সেৱা কৰিবৰ কাৰণে [QE][QS]সকলো জাতি আৰু ৰাজ্যবোৰ একত্রিত হ’ব। [QE]
23. [QS]জীৱন পথৰ মাজতেই[† যিহোৱাই মোৰ ডেকা বয়সতে মোৰ শক্তি কমাই দিলে। ] যিহোৱাই মোৰ শক্তি কমাই দিলে; [QE][QS]মোৰ আয়ুস চুটি কৰি দিলে। [QE]
24. [QS]সেয়ে মই কৈছো, “হে মোৰ ঈশ্বৰ, জীৱনৰ মাজভাগতে তুমি মোক তুলি নিনিবা; [QE][QS]তোমাৰ বছৰবোৰতো সর্বপুৰুষলৈকে স্থায়ী।” [QE]
25. [QS]অনেক কালৰ আগতে তুমি এই বিশ্বৰ ভিত্তিমূল স্থাপন কৰিলা; [QE][QS]আকাশমণ্ডল তোমাৰ হাতৰ কাৰ্য। [QE]
26. [QS]সেইবোৰ ধ্বংস হৈ যাব, কিন্তু তুমি হ’লে চিৰকাল থাকিবা; [QE][QS]কাপোৰৰ দৰে সেই সকলো জীৰ্ণ হৈ যাব; [QE][QS]তুমি সেইবোৰক বস্ত্ৰৰ নিচিনাকৈ সলনি কৰিবা; [QE][QS]তাতে সেইবোৰ আৰু নাথাকিব। [QE]
27. [QS]কিন্তু তুমি হ’লে সদায় একে, [QE][QS]তোমাৰ বছৰৰ কেতিয়াও শেষ নহ’ব। [QE]
28. [QS]তোমাৰ দাসবোৰৰ সন্তান সকল জীয়াই থাকিব; [QE][QS]তেওঁলোকৰ বংশধৰসকল তোমাৰ উপস্থিতিত থিৰে থাকিব। [QE]