1. [PS]জ্ঞানৱতী মহিলাই নিজৰ ঘৰ নিৰ্মাণ কৰে; [PE][QS]কিন্তু অজ্ঞানী মহিলাই নিজৰ হাতেৰে তাক ভাঙি পেলায়। [QE]
2. [QS]যি জনে সৰল পথত চলে, তেওঁ যিহোৱাক ভয় কৰে; [QE][QS]কিন্তু যি জনে নিজৰ পথত সত্যতাৰে নচলে সেইজনে তেওঁক হেয়জ্ঞান কৰে। [QE]
3. [QS]অজ্ঞানীলোকৰ মুখৰ পৰা তেওঁৰ অহঙ্কাৰৰ অঙ্কুৰ ওলাই; [QE][QS]কিন্তু জ্ঞানীলোকৰ ওঁঠে সেইবোৰ সংৰক্ষিত কৰে। [QE]
4. [QS]য’ত গৰু নাথাকে তাত দানা পাত্ৰ নিকা হৈ থাকে; [QE][QS]কিন্তু ষাঁড় গৰুৰ বলেৰে অধিক শস্য উৎপন্ন হয়। [QE]
5. [QS]বিশ্বাসী সাক্ষীয়ে মিছা কথা নকয়; [QE][QS]কিন্তু মিছা সাক্ষীয়ে মিছা কথাকেহে কয়। [QE]
6. [QS]নিন্দক লোকে প্ৰজ্ঞা বিচাৰিলে তাক নাপায়; [QE][QS]কিন্তু বুদ্ধিমানৰ পক্ষে জ্ঞান সুলভ হয়। [QE]
7. [QS]অজ্ঞানী লোকৰ পৰা আঁতৰি থাকা; [QE][QS]কাৰণ তেওঁৰ মুখত জ্ঞানৰ কথা বিচাৰি নাপাবা। [QE]
8. [QS]নিজৰ পথ বুজি পোৱাই দূৰদৰ্শীসকলৰ প্রজ্ঞা; [QE][QS]কিন্তু অজ্ঞানীলোকৰ অজ্ঞানতাই প্ৰবঞ্চনা মাথোন। [QE]
9. [QS]দোষাৰ্থক বলি উৎসৰ্গ কৰোঁতে অজ্ঞানীলোকে নিন্দা কৰে; [QE][QS]কিন্তু ন্যায়পৰায়ণ লোকৰ মাজত অনুগ্ৰহ থাকে। [QE]
10. [QS]হৃদয়ে নিজৰ বেদনা নিজে বুজি পায়; [QE][QS]কিন্তু অচিনাকী লোকে সেই আনন্দত ভাগ ল’ব নোৱাৰে। [QE]
11. [QS]দুষ্টলোকৰ ঘৰ ধ্বংস কৰা হ’ব; [QE][QS]কিন্তু ন্যায়পৰায়ণ লোকৰ তম্বু মঙ্গলে থাকিব। [QE]
12. [QS]কোনো কোনো পথ মানুহৰ দৃষ্টিত সৰল বোধ হয়; [QE][QS]কিন্তু শেষত সেয়ে মৃত্যুৰ পথ। [QE]
13. [QS]দুখৰ সময়তো হৃদয়ে হাঁহিব পাৰে, [QE][QS]আৰু আনন্দ শেষত দুখলৈ পৰিণত হ’ব পাৰে। [QE]
14. [QS]যি জন অবিশ্বাসী, তেওঁ নিজৰ আচৰণৰ ফল ভোগ কৰিব; [QE][QS]কিন্তু ভাল লোকে তেওঁৰ যি আছে তাকেই পাব। [QE]
15. [QS]যি জন শিক্ষিত নহয়, তেওঁ সকলো বিশ্বাস কৰে; [QE][QS]কিন্তু দূৰদৰ্শী লোকে নিজৰ খোজ চিন্তা কৰে। [QE]
16. [QS]জ্ঞানী লোকে ভয় কৰে আৰু বেয়াৰ পৰা আঁতৰি থাকে; [QE][QS]কিন্তু অজ্ঞান লোকে দৃঢ়তাৰে সাৱধান বাণী অৱজ্ঞা কৰে। [QE]
17. [QS]ক্ষন্তেকতে খং উঠা লোকে অজ্ঞানীৰ দৰে কাম কৰে; [QE][QS]আৰু যিজনে কু-কল্পনা কৰে তেওঁ ঘৃণনীয় হয়। [QE]
18. [QS]অশিক্ষিত লোকৰ মুৰ্খতা বংশানুক্রমে থাকে; [QE][QS]কিন্তু দূৰদৰ্শী লোকসকল জ্ঞানেৰে পৰিপূৰ্ণ। [QE]
19. [QS]যিসকল পাপী, তেওঁলোকে সৎ লোকৰ আগত প্রণিপাত কৰে; [QE][QS]আৰু যিসকল দুষ্ট তেওঁলোকে ধাৰ্মিকলোকৰ দুৱাৰ ডলিত প্রণিপাত কৰে। [QE]
20. [QS]দৰিদ্ৰ লোকক তেওঁলোকৰ নিজৰ সঙ্গীয়েই ঘৃণা কৰে; [QE][QS]কিন্তু ধনী লোকৰ অনেক বন্ধু থাকে। [QE]
21. [QS]যি জনে চুবুৰীয়াক হেয়জ্ঞান কৰে, তেওঁ পাপ কৰে; [QE][QS]কিন্তু যি জনে দৰিদ্ৰ লোকক দয়া কৰে, তেওঁ অনন্দিত হয়। [QE]
22. [QS]যি সকলে বেয়া পৰিকল্পনা কৰে, তেওঁলোক জানো বিপথগামী নহয়? [QE][QS]কিন্তু যি সকলে মঙ্গল কল্পনা কৰে, তেওঁলোক বিশ্বস্ততা আৰু বিশ্বাসযোগ্য চুক্তি গ্রহণ কৰিব। [QE]
23. [QS]সকলো কঠিন পৰিশ্ৰমৰ দ্বাৰাই লাভ হয়; [QE][QS]কিন্তু যেতিয়া কেৱল আলোচনা হয়, তেতিয়া দৰিদ্রতালৈ আগবাঢ়ি যায়। [QE]
24. [QS]জ্ঞানী লোকসকলৰ সম্পত্তি তেওঁলোকৰ মুকুট; [QE][QS]কিন্তু অজ্ঞানীৰ মূৰ্খতাই কেৱল অধিক মূৰ্খতাহে আনে। [QE]
25. [QS]সত্যবাদী সাক্ষীয়ে জীৱন ৰক্ষা কৰে; [QE][QS]কিন্তু মিছা সাক্ষীয়ে মিছা কথা কয়। [QE]
26. [QS]যিহোৱাক ভয় কৰাই দৃঢ়-বিশ্বাস, [QE][QS]আৰু এয়ে তেওঁৰ সন্তান সকলৰ বাবে আশ্ৰয় স্থল হ’ব। [QE]
27. [QS]যিহোৱালৈ ভয় ৰখাই জীৱনৰ ভুমুক-স্বৰূপ, [QE][QS]ইয়াৰে কোনো এজনে মৃত্যুৰ ফান্দৰ পৰা আঁতৰি থাকিব পাৰিব। [QE]
28. [QS]ৰজাৰ গৌৰৱ অধিক সংখ্যক প্ৰজাত বিচাৰি পোৱা যায়; [QE][QS]কিন্তু প্ৰজা অবিহনে ৰজা ধ্বংস হয়। [QE]
29. [QS]ধৈৰ্যশীল লোকৰ বিবেচনা শক্তি অধিক; [QE][QS]কিন্তু বেগাই খং উঠা লোকে নিজৰ মুৰ্খতা প্রকাশ কৰে। [QE]
30. [QS]শান্ত হৃদয় শৰীৰৰ বাবে জীৱন স্বৰূপ; [QE][QS]কিন্তু ঈৰ্ষা হাড়ৰ ক্ষয়স্বৰূপ। [QE]
31. [QS]যি লোকে দৰিদ্ৰক অত্যাচাৰ কৰে, তেওঁ নিজৰ সৃষ্টিকৰ্ত্তাক শাও দিয়ে; [QE][QS]কিন্তু যি জনে অভাৱীলোকক দয়া কৰে, তেওঁ তেওঁক সন্মান কৰে। [QE]
32. [QS]দুষ্ট লোক নিজৰ কু-কৰ্মৰ দ্বাৰাই পতিত হয়; [QE][QS]কিন্তু ধাৰ্মিক লোকে মৃত্যুতো আশ্ৰয় পায়। [QE]
33. [QS]প্রজ্ঞা হৃদয়ৰ সক্ষ্মদর্শীতাত প্রতিষ্ঠিত হয়; [QE][QS]কিন্তু অজ্ঞানীলোক সকলৰ মাজতো তেওঁ নিজকে প্রকাশ কৰে। [QE]
34. [QS]সৎ কাৰ্য কৰা দ্বাৰাই দেশৰ উন্নতি হয়; [QE][QS]কিন্তু পাপ যি কোনো লোকৰ বাবে কলঙ্কস্বৰূপ। [QE]
35. [QS]জ্ঞানেৰে কাৰ্য কৰা দাসলৈ ৰজাৰ অনুগ্ৰহ থাকে; [QE][QS]কিন্তু লজ্জাজনক কাম কৰা দাসলৈ তেওঁৰ ক্ৰোধ জন্মে। [QE]