1. [QS]তোমালোকে যিহোৱাৰ প্ৰশংসা কৰা। [QE][QS]যিহোৱাৰ নামৰ প্ৰশংসা কৰা। [QE][QS]হে যিহোৱাৰ দাসবোৰ, তেওঁৰ প্রশংসা কৰা। [QE]
2. [QS]তোমালোক যিসকলে যিহোৱাৰ গৃহত, আমাৰ ঈশ্বৰৰ গৃহৰ চোতাল কেইখনত থিয় হৈ থাকা, তেওঁৰ প্ৰশংসা কৰা! [QE]
3. [QS]তোমালোকে যিহোৱাৰ প্ৰশংসা কৰা, কিয়নো যিহোৱা মঙ্গলময়; [QE][QS]তেওঁৰ নামৰ উদ্দেশ্যে গীত-গান কৰা, কিয়নো তেওঁ দয়াময়। [QE]
4. [QS]কাৰণ যিহোৱাই নিজৰ বাবে যাকোবক, [QE][QS]নিজৰ অধিকাৰ স্বৰূপে ইস্রায়েলক মনোনীত কৰিলে। [QE]
5. [QS]কিয়নো মই জানো যে যিহোৱা মহান, [QE][QS]আমাৰ প্ৰভু সকলো দেৱতাতকৈ মহান। [QE]
6. [QS]আকাশ-মণ্ডলত আৰু পৃথিৱীৰ ওপৰত, সমুদ্ৰত আৰু সকলো গভীৰ স্থানত যিহোৱাই যি ইচ্ছা কৰে, তাকে কৰে। [QE]
7. [QS]তেওঁ পৃথিৱীৰ শেষ সীমাৰ পৰা মেঘ উঠাই আনে; [QE][QS]তেঁৱেই বৰষুণৰ লগত বিজুলী-ঢেৰেকণিৰ সৃষ্টি কৰে আৰু তেওঁৰ নিজ ভঁৰালৰ পৰা বায়ু উলিয়াই আনে। [QE]
8. [QS]তেঁৱেই মিচৰ দেশত প্ৰথমে জন্মা সন্তান সকলক আঘাত কৰিছিল; [QE][QS]মানুহ আৰু পশু উভয়ৰে প্রথম সন্তানক মাৰিলে। [QE]
9. [QS]হে মিচৰ, তেওঁ তোমাৰ মাজত চিন আৰু অদ্ভুত লক্ষণবোৰ পঠালে; [QE][QS]ফৰৌণ আৰু তেওঁৰ সকলো পৰিচাৰকৰ বিৰুদ্ধে পঠাই দিলে। [QE]
10. [QS]তেওঁ অনেক জাতিক আঘাত কৰিলে, পৰাক্ৰমী ৰজাসকলক বধ কৰিলে। [QE]
11. [QS]ইমোৰীয়াবোৰৰ ৰজা চীহোন, [QE][QS]বাচানৰ ৰজা ওগক বধ কৰিলে; [QE][QS]কনানৰ সমুদায় ৰাজ্য তেওঁ বিনষ্ট কৰিলে। [QE]
12. [QS]তেওঁলোকৰ দেশবোৰ তেওঁ অধিকাৰৰ কাৰণে দিলে; [QE][QS]নিজৰ লোক ইস্ৰায়েলক অধিকাৰৰ কাৰণে দিলে। [QE]
13. [QS]হে যিহোৱা, তোমাৰ নাম অনন্তকাল স্থায়ী; [QE][QS]হে যিহোৱা তোমাৰ স্মৰণ পুৰুষানুক্ৰমে স্থায়ী। [QE]
14. [QS]কিয়নো যিহোৱাই নিজ লোকসকলৰ বিচাৰ কৰিব, [QE][QS]নিজ দাসবোৰক কৃপা কৰিব। [QE]
15. [QS]জাতি সমূহৰ প্রতিমাবোৰ ৰূপৰ আৰু সোণৰ; [QE][QS]সেইবোৰ মনুষ্যৰ হাতৰ কাৰ্য। [QE]
16. [QS]সেইবোৰৰ মুখ আছে, কিন্তু সেইবোৰে কথা ক’ব নোৱাৰে; [QE][QS]চকু আছে, কিন্তু নেদেখে; [QE]
17. [QS]কাণ আছে, কিন্তু নুশুনে, [QE][QS]সেইবোৰৰ মুখত শ্বাস-প্ৰশ্বাসো নাই। [QE]
18. [QS]সেইবোৰ নিৰ্ম্মাণ কৰোঁতাসকল সেইবোৰৰেই নিচিনা; [QE][QS]সেইবোৰত ভাৰসা কৰোঁতা প্ৰতিজনো সেইবোৰৰেই নিচিনা। [QE]
19. [QS]হে ইস্ৰায়েলৰ বংশ, যিহোৱাৰ ধন্যবাদ কৰা; হে হাৰোণৰ বংশ, যিহোৱাৰ ধন্যবাদ কৰা; [QE]
20. [QS]হে লেবীৰ বংশ, যিহোৱাৰ ধন্যবাদ কৰা; [QE][QS]হে যিহোৱালৈ ভয় ৰখা ভক্তসকল, তোমালোকে যিহোৱাৰ ধন্যবাদ কৰা। [QE]
21. [QS]চিয়োনৰ পৰা যিহোৱাৰ ধন্যবাদ হওঁক; [QE][QS]তেওঁ যিৰূচালেমত নিবাস কৰে। [QE][QS]তোমালোকে যিহোৱাৰ প্ৰশংসা কৰা। [QE]