1. {#1ঈশ্বৰে ইস্রায়েলক অভিযোগ কৰা } [QS]হে ইস্ৰায়েলীয়াসকল, তোমালোকে যিহোৱাৰ বাক্য শুনা; [QE][QS]কিয়নো দেশৰ বাসিন্দাসকলৰ বিৰুদ্ধে যিহোৱাৰ এক অভিযোগ আছে। [QE][QS]সেয়া হৈছে, দেশখনত বিশ্বস্ততা বা সত্যবাদিতা নাই আৰু ঈশ্বৰ সম্বন্ধে কোনো জ্ঞান নাই। [QE]
2. [QS]কেৱল শপত ভাঙা, মিছা কথা কোৱা, নৰ-বধ কৰা, চুৰ কৰা আৰু ব্যভিচাৰ চলিছে; ৰক্তপাতৰ উপৰি ৰক্তপাত হৈছে। [QE]
3. [QS]এই কাৰণে দেশে শোক কৰিছে, আৰু যি সকলে তাত বাস কৰে তেওঁলোক দুর্বল হৈ গৈছে। [QE][QS]বনৰীয়া পশু আৰু আকাশৰ চৰাইবোৰ, এনেকি সমুদ্রৰ মাছবোৰৰ বিনাশ হৈছে। [QE]
4. [QS]তথাপিও কোনো মানুহে বিবাদ নকৰক, [QE][QS]কোনেও কাৰো বিৰুদ্ধে অভিযোগ নকৰক; [QE][QS]কিয়নো, হে পুৰোহিতসকল, তোমালোকৰ ওচৰত মোৰ অভিযোগ আছে। [QE]
5. [QS]পুৰোহিতসকল, তোমালোকে দিনত উজুটি খাবা, [QE][QS]ৰাতি তোমালোকৰ সৈতে ভাৱবাদীয়েও উজুটি খাব; [QE][QS]মই তোমালোকৰ মাতৃ ইস্রায়েলক বিনষ্ট কৰিম। [QE]
6. [QS]জ্ঞানৰ অভাৱত মোৰ লোকসকল নষ্ট হৈছে। [QE][QS]তোমালোকে সেই জ্ঞানক অগ্ৰাহ্য কৰাৰ কাৰণে মইও তোমালোকক মোৰ পুৰোহিত হিচাবে অগ্ৰাহ্য কৰিলোঁ। [QE][QS]তোমালোকৰ ঈশ্বৰৰ ব্যৱস্থা তোমালোকে পাহৰি গৈছা, [QE][QS]সেয়ে মইও তোমালোকৰ সন্তান সকলক পাহৰি যাম। [QE]
7. [QS]পুৰোহিতসকল সংখ্যাত যিমানে বৃদ্ধি পাইছে, [QE][QS]সিমানে তেওঁলোকে মোৰ বিৰুদ্ধে পাপ কৰিছে; [QE][QS]মই তেওঁলোকৰ গৌৰৱ লাজত পৰিবৰ্ত্তন কৰিম। [QE]
8. [QS]মোৰ লোকসকলৰ পাপ কার্যত তেওঁলোকে আহাৰ পায়; [QE][QS]লোকসকলৰ দুষ্টতাৰ কাৰণে তেওঁলোক লোভী হয়। [QE]
9. [QS]এই হেতুকে, যেনেকৈ লোকসকল, তেনেকৈ পুৰোহিতসকলৰো হ’ব; [QE][QS]দুয়োকো তেওঁলোকৰ দুষ্ট পথৰ বাবে মই শাস্তি দিম। [QE][QS]মই তেওঁলোকৰ কাৰ্যবোৰৰ বাবে তেওঁলোকক প্ৰতিফল দিম। [QE]
10. [QS]তেওঁলোকে ভোজন কৰিব, কিন্তু তৃপ্ত নহ’ব, [QE][QS]বেশ্যাকৰ্ম কৰিব, কিন্তু সংখ্যা বৃদ্ধি নহ’ব; [QE][QS]কিয়নো তেওঁলোকে মূর্তিপূজা কৰি যিহোৱাক ত্যাগ কৰিলে। [QE]
11. {#1ইস্রায়েলৰ মূর্তিপূজা } [QS]ব্যভিচাৰ, দ্ৰাক্ষাৰস আৰু নতুন দ্রাক্ষাৰসে লোকসকলৰ বুদ্ধি নষ্ট কৰিছে। [QE]
12. [QS]মোৰ লোকসকলে এডোখৰ কাঠৰ মূর্তিৰ ওচৰত পৰামর্শ বিচাৰে, [QE][QS]তেওঁলোকৰ লাখুটিডালে তেওঁলোকক নির্দেশনা দিয়ে, [QE][QS]কিয়নো বেশ্যাকৰ্মলৈ নিয়া আত্মাই তেওঁলোকক বিপথে লৈ গৈছে। [QE][QS]তেওঁলোকে বেশ্যাকৰ্ম কৰি নিজৰ ঈশ্বৰক ত্যাগ কৰিলে। [QE]
13. [QS]তেওঁলোকে পর্বতৰ উচ্চ চূড়াবোৰত বলি উৎসর্গ কৰে, [QE][QS]পাহাৰবোৰৰ ওপৰত নৈবেদ্য উৎসর্গ কৰে, [QE][QS]অলোন, লিবনি, আৰু এলা গছৰ তলত, য’ত আৰামদায়ক ছাঁ আছে, তাত ধূপ জ্বলায়। [QE][QS]সেই কাৰণেই তোমালোকৰ ছোৱালীবোৰ বেশ্যা হয়, [QE][QS]আৰু তোমালোকৰ বোৱাৰীবোৰে ব্যভিচাৰ কৰে। [QE]
14. [QS]তোমালোকৰ ছোৱালীবোৰে বেশ্যাকৰ্ম কৰিলেও, বা তোমালোকৰ বোৱাৰীবোৰে ব্যভিচাৰ কৰিলেও মই তেওঁলোকক শাস্তি নিদিম; [QE][QS]কিয়নো পুৰুষসকলে নিজেই বেশ্যাসকলৰ সৈতে নিৰ্জন ঠাইলৈ যায়, [QE][QS]আৰু দেৱদাসী বেশ্যাসকলৰ সৈতে বলি উৎসর্গ কৰে; [QE][QS]এই বুদ্ধিহীন জাতি ধ্বংস হৈ যাব[* এই লোকসকলে কনানীয়াসকলৰ মূর্তিপূজাৰ আৰাধনালয়ত আৰাধনা কৰিছিল, আৰু তেওঁলোকে ইয়াক উন্নতি পাবৰ কাৰণে কৰিছিল। ইয়াক ব্যৱহাৰ কৰাৰ বাবে লোকসকলে বিশ্বাস কৰিছিল যে এই মহিলাসকলৰ সৈতে শাৰিৰীক (যৌন) সম্পর্ক কৰিলে নিশ্চিতভাবে তেওঁলোকৰ পোহনীয়া জন্তু আৰু শস্য পথাৰত উন্নতি পাব। ]। [QE]
15. [QS]হে ইস্ৰায়েল, তুমি যদিও ব্যভিচাৰ কৰিছা, তথাপিও যিহূদা যেন সেই দোষত দোষী নহয়; [QE][QS]তোমালোক গিলগললৈ নাযাবা, [QE][QS]বৈৎ-আবনলৈকে উঠি নাযাবা; [QE][QS]“জীৱন্ত যিহোৱাৰ শপত” বুলি শপত নাখাবা। [QE]
16. [QS]ঠৰডিঙীয়া চেঁউৰী গাইৰ নিচিনা ইস্রায়েলীয়াসকল ঠৰডিঙীয়া। [QE][QS]সেয়ে, বহল পথাৰত পোৱালি মেৰ-ছাগ এটাক চৰোৱাৰ দৰে যিহোৱাই জানো এতিয়া তেওঁলোকক চৰাব পাৰে? [QE]
17. [QS]ইফ্ৰয়িমে মূৰ্ত্তিবোৰৰ সৈতে যোগ দিছে। তেওঁক সেইদৰেই থাকিব দিয়া। [QE]
18. [QS]যেতিয়া তেওঁলোকৰ সুৰা পান কৰা শেষ হয়, তেতিয়া তেওঁলোকে বেশ্যাকৰ্ম কৰি থাকে; [QE][QS]তেওঁলোকে নিজৰ গৌৰৱতকৈ ব্যভিচাৰী কার্যক অধিক বেছি ভাল পায়। [QE]
19. [QS]শাস্তিৰ এক বায়ুৱে নিজৰ ডেউকাৰে সেই জাতিক মেৰিয়াই উৰাই লৈ যাব; [QE][QS]তাতে তেওঁলোকে নিজৰ উৎসর্গবোৰৰ কাৰণে লাজ পাব। [QE]