1. {#1ইয়োবৰ উত্তৰ }
2. [PS]তেতিয়া ইয়োবে পুনৰ উত্তৰ দিলে আৰু ক’লে, [PE][QS]“মই নিশ্চয়ে জানো, সেই কথা স্বৰূপ; [QE][QS]কিন্তু এজন ব্যক্তি কেনেকৈ ঈশ্বৰৰ সৈতে ধাৰ্মিক হ’ব পাৰে? [QE]
3. [QS]যদি তেওঁ ঈশ্বৰৰ সৈতে বাদানুবাদ কৰিব খোজে, [QE][QS]তেন্তে তেওঁক হাজাৰ কথাৰ মাজৰ এটিৰো উত্তৰ দিব নোৱাৰিব। [QE]
4. [QS]ঈশ্বৰৰ অন্তৰত জ্ঞান আছে, আৰু শক্তিত তেওঁ পৰাক্ৰমী; [QE][QS]তেওঁৰ বিৰুদ্ধে ডিঙি ঠৰ কৰি কোনে কেতিয়া উন্নতি লাভ কৰিলে? [QE]
5. [QS]তেওঁ পৰ্ব্বতবোৰ স্থানান্তৰ কৰে; [QE][QS]আৰু তেওঁ সেইবোৰক নিজ ক্ৰোধত লুটিয়াই পেলাওঁতে সেইবোৰে একো গম নাপায়। [QE]
6. [QS]তেওঁ পৃথিবীক জোকাৰি নিজ ঠাইৰ পৰা লৰায়; [QE][QS]তাৰ স্তম্ভবোৰ থৰথৰকৈ কঁপে। [QE]
7. [QS]এইজনা সেই একে ঈশ্বৰ, যি জনাই ক’লে সূৰ্য উদয় নহয়; [QE][QS]আৰু তেওঁ তৰাবোৰ বন্ধ কৰি মোহৰ মাৰে। [QE]
8. [QS]তেওঁ অকলেই আকাশ-মণ্ডলক বিস্তাৰিত কৰে, [QE][QS]আৰু ঢৌবোৰৰ ওপৰেদি অহা-যোৱা কৰে। [QE]
9. [QS]তেওঁ সপ্তৰ্ষি, মৃগশীৰ্ষ, কৃত্তিকা, [QE][QS]আৰু দক্ষিণদিশে থকা নক্ষত্ৰ-ৰাশিৰ সৃষ্টিকৰ্ত্তা। [QE]
10. [QS]অনুসদ্ধান পাব নোৱাৰা মহৎ কৰ্ম তেওঁ কৰে; [QE][QS]অসংখ্য অদ্ভুত কাৰ্যও তেৱেঁই কৰে। [QE]
11. [QS]চোৱা, তেওঁ মোৰ ওচৰেদি যায়, কিন্তু মই নেদেখোঁ; [QE][QS]তেওঁ মোৰ সম্মুখেদি গমন কৰে, তথাপি মই তেওঁক অনুভৱ নকৰোঁ। [QE]
12. [QS]চোৱা, তেওঁ ধৰি নিলে তেওঁক কোনে নিবাৰণ কৰিব পাৰে? [QE][QS]তুমি কি কৰিছা বুলি তেওঁক কোনে কব পাৰে? [QE]
13. [QS]ঈশ্বৰে নিজৰ ক্ৰোধ উঠাই নলয়; [QE][QS]এনে কি ৰাহবক সহায় কৰোঁতাবোৰো তেওঁৰ সন্মুখত নত হয়। [QE]
14. [QS]মই কেনেকৈ তেওঁক উত্তৰ দিম? [QE][QS]তেওঁক কাৰণ দেখুৱাবলৈ মই নো কেনেকৈ কথা বাচি লম? [QE]
15. [QS]মই যদি ধাৰ্মিকো হওঁ, তথাপি তেওঁক মই উত্তৰ দিব নোৱাৰোঁ; [QE][QS]মোৰ অভিযোক্তাৰ দয়াৰ বাবে মই মাথোন নিবেদনহে কৰিব পাৰোঁ। [QE]
16. [QS]যদিও মই মাতো আৰু তেওঁ মোক উত্তৰ দিয়ে; [QE][QS]তথাপি তেওঁ যে মোৰ মিনতিলৈ কাণ পাতিব, মোৰ এনে বিশ্বাস নজন্মে। [QE]
17. [QS]তেওঁ মোক প্ৰবল ধুমুহাৰে ভাঙিব, [QE][QS]আৰু অকাৰণে মোক বাৰে বাৰে ক্ষতবিক্ষতহে কৰিব। [QE]
18. [QS]তেওঁ মোক উশাহকে ল’ব নিদিব, [QE][QS]কিন্তু মোক তিতাৰেহে পৰিপূৰ্ণ কৰিব। [QE]
19. [QS]পৰাক্ৰমীৰ বলৰ কথাত হলে, তেওঁ কয়, [QE][QS2]চোৱা, মই আছোঁ, [QE][QS]আৰু যদি বিচাৰৰ কথাত কয়, [QE][QS]কোনে মোৰ নিমিত্তে দিন নিৰূপণ কৰিব? [QE]
20. [QS]মই ধাৰ্মিক হলেও মোৰ মুখে মোক দোষী কৰিব; [QE][QS]মই সিদ্ধ হলেও তেওঁ মোক অপৰাধী পাতিব। [QE]
21. [QS]মই সিদ্ধ, মই নিজ প্ৰাণক নামনি ইয়াকে কওঁ; [QE][QS]জীৱনত মোৰ ঘিণ লাগিছে। [QE]
22. [QS]সকলো বিষয়তে একে, সেই দেখি মই কওঁ, [QE][QS]তেওঁ সিদ্ধ আৰু দুৰ্জন এই দুয়োকো সংহাৰ কৰে। [QE]
23. [QS]আপদৰূপ চাবুকে যদি মানুহক অকস্মাতে মাৰি পেলায়, [QE][QS]তেন্তে তেওঁ নিৰ্দ্দোষীবিলাকৰ নিৰাশা দেখি হাঁহিব। [QE]
24. [QS]পৃথিৱী দুৰ্জনৰ হাতত শোধাই দিয়া হয়; [QE][QS]তেওঁ তাৰ বিচাৰকৰ্ত্তাবিলাকৰ মুখ ঢাকে; [QE][QS]যদি তেওঁ নহয়, তেন্তে তাকনো কোনে কৰে? [QE]
25. [QS]মোৰ দিন কেইটা ডাকৱালাতকৈয়ো বেগী; [QE][QS]একো মঙ্গল নেদেখাকৈ সেইবোৰ বেগাই যায়। [QE]
26. [QS]সেইবোৰ বেগী নাৱৰ দৰে চলি যায়, [QE][QS]বা আহাৰৰ ওপৰত চোঁ মৰা ঈগল পক্ষী নিচিনাকৈ উৰি যায়। [QE]
27. [QS]যদিও মই কওঁ যে, মোৰ দুখৰ কথা পাহৰি যাম, [QE][QS]আৰু ম্লানমুখ দূৰ কৰি প্ৰসন্ন হম, [QE]
28. [QS]তথাপি তুমি মোক নিৰ্দ্দোষী জ্ঞান নকৰিবা বুলি জানি, [QE][QS]মোৰ সকলো যাতনাত মই জিকাৰ খাই উঠো। [QE]
29. [QS]মই দোষী হবই লাগিব; [QE][QS]তেতিয়া হ’লে কিয় মই অনৰ্থক পৰিশ্ৰম কৰোঁ? [QE]
30. [QS]যদি মই হিমৰ পানীত গা ধোওঁ, [QE][QS]আৰু খাৰেৰে হাত চাফা কৰোঁ, [QE]
31. [QS]তথাপি তুমি মোক খালত জুবুৰিয়াবা, [QE][QS]আৰু মোৰ নিজৰ বস্ত্ৰয়ো মোক ঘিণ কৰিব। [QE]
32. [QS]কিয়নো তেওঁ মোৰ নিচিনা মানুহ নহয় যে, [QE][QS]মই তেওঁক উত্তৰ দিম, বা দুয়ো একে-লগে বিচাৰস্থানলৈ যাম। [QE]
33. [QS]আমাৰ দুয়োৰো ওপৰত হাত দিব পৰা [QE][QS]এনেকুৱা মধ্যস্থ কোনো নাই। [QE]
34. [QS]তেওঁ মোৰ ওপৰৰ পৰা বিচাৰৰ দণ্ডডাল আঁতৰাওক, [QE][QS]আৰু তেওঁৰ ভয়ানকতাই মোক ভয় নলগাওক; [QE]
35. [QS]তেতিয়া মই কথা কম, তেওঁক ভয় নকৰিম; [QE][QS]কিয়নো মই নিজে তেনেকুৱা নহওঁ। [QE]