1. {ইজ্ৰাহীয়া এথনৰ মচকীল নামৰ গীত। } [QS]মই চিৰকাল যিহোৱাৰ গভীৰ প্রেমৰ কীর্তন কৰিম; [QE][QS]মই নিজ মুখেৰে পুৰুষানুক্ৰমে সকলোৰে সন্মুখত তোমাৰ বিশ্বস্ততা প্রচাৰ কৰিম। [QE]
2. [QS]মই ঘোষণা কৰিম যে, তোমাৰ গভীৰ প্রেমৰ কার্য চিৰকালৰ বাবে স্থাপন হৈছে; [QE][QS]তোমাৰ বিশ্বস্ততা আকাশমণ্ডলৰ দৰেই স্থায়ী। [QE]
3. [QS]তুমি কৈছা, “মই মোৰ মনোনীত জনৰ কাৰণে এটি নিয়ম স্থাপন কৰিলোঁ, [QE][QS]মোৰ দাস দায়ুদৰ আগত মই এই শপত কৰিলোঁ: [QE]
4. [QS]‘মই তোমাৰ বংশক চিৰকালৰ কাৰণে স্থাপন কৰিম; [QE][QS]বংশানুক্রমে তোমাৰ সিংহাসন স্থাপন কৰিম’।” (চেলা)। [QE]
5. [QS]হে যিহোৱা, আকাশ-মণ্ডলে তোমাৰ আচৰিত কৰ্মৰ প্ৰশংসা কৰে; [QE][QS]পবিত্ৰ লোকসকলৰ সমাজত তোমাৰ বিশ্বস্ততাৰ প্ৰশংসা কৰে। [QE]
6. [QS]আকাশমণ্ডলৰ মাজত এনে কি আছে [QE][QS]যাক যিহোৱাৰ লগত তুলনা কৰিব পাৰি? [QE][QS]স্বর্গৰ দূতবোৰৰ মাজত যিহোৱাৰ তুল্য কোন আছে? [QE]
7. [QS]পবিত্ৰ দূতবোৰৰ সভাত সকলোৱে ঈশ্বৰক ভয় কৰে; [QE][QS]তেওঁৰ চৰিওফালে থকা সকলতকৈ তেৱেঁই অতিশয় ভয়ানক। [QE]
8. [QS]হে বাহিনীসকলৰ ঈশ্বৰ যিহোৱা, তোমাৰ তুল্য পৰাক্ৰমী কোন আছে, হে প্রভু? [QE][QS]তোমাৰ বিশ্বস্ততাই তোমাক বেৰি ৰাখিছে। [QE]
9. [QS]তর্জন-গর্জনেৰে ওফন্দি উঠা সমুদ্ৰক তুমি শাসন কৰা; [QE][QS]তাৰ ঢৌ উঠিলে তুমিয়েই সেইবোৰক শান্ত কৰা। [QE]
10. [QS]তুমি ৰাহব[* প্ৰাচীনকালৰ কাহিনীবোৰৰ এটা সৰ্পৰ চৰিত্ৰ। চাওক ইয়োব 9:13;26:12; যিচয়া 51:9 ]ক খণ্ড খণ্ড কৰি, হত হোৱা লোকৰ দৰে কৰিলা; [QE][QS]তোমাৰ বাহুবলেৰে তুমি তোমাৰ শত্রুবোৰক ছিন্ন-ভিন্ন কৰিলা। [QE]
11. [QS]আকাশ-মণ্ডল তোমাৰ আৰু পৃথিবীও তোমাৰেই; [QE][QS]জগত আৰু তাত থকা সকলোকে তুমিয়েই স্থাপন কৰিলা। [QE]
12. [QS]উত্তৰ আৰু দক্ষিণ তোমাৰেই সৃষ্টি; [QE][QS]তাবোৰ[† ই গালীলৰ দক্ষিণ অংশৰ শেষত থকা এখন পৰ্বত। ই প্ৰায় 555 মিটাৰ ওখ। ] আৰু হৰ্মোণে [‡ ই গালীলৰ উত্তৰপূব অংশত থকা এখন পৰ্বত। ই প্ৰায় 270 মিটাৰ ওখ। ] তোমাৰ নামত আনন্দ-ধ্বনি কৰে। [QE]
13. [QS]তোমাৰ বাহু পৰাক্ৰমেৰে ভৰা; [QE][QS]তোমাৰ হাত শক্তিশালী, তোমাৰ সোঁ হাত প্রবল। [QE]
14. [QS]ধাৰ্মিকতা আৰু ন্যায়বিচাৰ তোমাৰ সিংহাসনৰ ভিত্তিমূল; [QE][QS]প্রেম আৰু বিশ্ৱস্ততা তোমাৰ আগে আগে চলে। [QE]
15. [QS]ধন্য সেই লোক, যি লোকে আনন্দ-ধ্বনি[§ ঈশ্বৰক আৰাধনা কৰাৰ সময়ত প্ৰশংসাৰ ধ্বনি ]ৰে তোমাৰ আৰাধনা কৰে; [QE][QS]হে যিহোৱা, তেওঁলোকে তোমাৰ মুখৰ দীপ্তিত চলাফুৰা কৰে। [QE]
16. [QS]ওৰে দিনটো তেওঁলোকে তোমাৰ নামত উল্লাস কৰে; [QE][QS]তোমাৰ ধাৰ্মিকতাত তেওঁলোকে তোমাক তুলি ধৰে। [QE]
17. [QS]তুমিয়েই তেওঁলোকৰ শক্তিৰ শোভা; [QE][QS]তোমাৰ অনুগ্ৰহতে আমাৰ শক্তি[* শিং ] উন্নত হ’ব। [QE]
18. [QS]আমাৰ ৰজা ইস্ৰায়েলৰ পবিত্ৰ ঈশ্বৰ জনা দ্বাৰায়েই নিযুক্ত, [QE][QS]আমাৰ সেই ঢাল যিহোৱাৰেই। [QE]
19. [QS]এসময়ত তুমি দর্শনত তোমাৰ ভক্তসকলক কৈছিলা, “এজন বীৰৰ ওপৰত মই সহায় কৰাৰ ভাৰ অৰ্পণ কৰিলোঁ; [QE][QS]লোকসকলৰ মাজৰ পৰা এজনক মনোনীত কৰি উন্নত কৰিলোঁ। [QE]
20. [QS]মই মোৰ দাস দায়ুদক বিচাৰি পালোঁ; [QE][QS]মোৰ পবিত্ৰ তেলেৰে মই তেওঁক অভিষেক কৰিলোঁ। [QE]
21. [QS]মোৰ হাত সদায় তেওঁৰ লগত থাকিব; [QE][QS]মোৰ বাহুৱেও তেওঁক বলৱান কৰিব। [QE]
22. [QS]কোনো শত্রুৱে তেওঁক উপদ্ৰৱ নকৰিব, [QE][QS]কোনো দুষ্ট লোকে তেওঁক অত্যাচাৰ নকৰিব। [QE]
23. [QS]মই তেওঁৰ শত্রুবোৰক তেওঁৰ সন্মুখতে গুড়ি কৰিম; [QE][QS]যিসকলে তেওঁক ঘৃণা কৰে, তেওঁলোকক প্ৰহাৰ কৰিম। [QE]
24. [QS]মোৰ বিশ্বস্ততা আৰু প্রেম তেওঁৰ লগত থাকিব; [QE][QS]মোৰ নামত তেওঁৰ শক্তিৰ শিং উর্দ্ধত উঠিব। [QE]
25. [QS]মই সাগৰৰ ওপৰত তেওঁৰ হাত ৰাখি ক্ষমতা দিম, [QE][QS]আৰু তেওঁৰ সোঁহাত নদীবোৰৰ ওপৰত ৰাখিম। [QE]
26. [QS]তেওঁ মোক মাতি ক’ব, ‘তুমিয়েই মোৰ পিতৃ, [QE][QS]মোৰ ঈশ্বৰ আৰু মোৰ পৰিত্ৰাণৰ শিলা!’ [QE]
27. [QS]মই তেওঁক মোৰ জ্যেষ্ঠ পুত্ৰ কৰিম, [QE][QS]পৃথিবীৰ ৰজাসকলৰ মাজত তেওঁক সকলোতকৈ শ্ৰেষ্ঠ কৰিম। [QE]
28. [QS]তেওঁৰ প্রতি মোৰ অটল প্রেম চিৰকাললৈকে ৰাখিম; [QE][QS]মোৰ নিয়মটি তেওঁৰ লগত থিৰে থাকিব। [QE]
29. [QS]মই তেওঁৰ বংশকো চিৰকাললৈকে স্থায়ী কৰিম, [QE][QS]আকাশ-মণ্ডলৰ দৰেই মই তেওঁৰ সিংহাসন চিৰস্থায়ী কৰিম। [QE]
30. [QS]তেওঁৰ সন্তান সকলে যদি মোৰ ব্যৱস্থা ত্যাগ কৰে, [QE][QS]আৰু মোৰ নিয়মৰ পথত নচলে, [QE]
31. [QS]যদি তেওঁলোকে মোৰ বিধিবোৰ উলঙ্ঘন কৰে, [QE][QS]মোৰ আজ্ঞাবোৰ পালন নকৰে, [QE]
32. [QS]তেন্তে মই বেতেৰে প্রহাৰ কৰি তেওঁলোকক অপৰাধৰ শাস্তি দিম, [QE][QS]তেওঁলোকৰ অধৰ্মৰ শাস্তি চাবুকেৰে দিম। [QE]
33. [QS]কিন্তু মই মোৰ অটল প্রেম তেওঁৰ পৰা নিচেইকৈ নুগুচাম; [QE][QS]মোৰ প্রতিজ্ঞাৰ বিশ্বস্ততা ব্যৰ্থ হবলৈ নিদিম। [QE]
34. [QS]মই মোৰ নিয়মটি উলঙ্ঘন নকৰিম, [QE][QS]মোৰ ওঁঠৰ পৰা ওলোৱা বাক্য সলনি নকৰিম। [QE]
35. [QS]মোৰ পবিত্ৰতাৰ শপত খাই মই এবাৰেই ক’লোঁ; [QE][QS]মই দায়ুদৰ আগত কেতিয়াও মিছা কথা নকওঁ। [QE]
36. [QS]তেওঁৰ বংশ চিৰকাললৈকে থাকিব, [QE][QS]তেওঁৰ সিংহাসন মোৰ সাক্ষাতে সূৰ্যৰ দৰে চিৰস্থায়ী হব। [QE]
37. [QS]সেয়ে আকাশৰ বিশ্বাসী সাক্ষী চন্দ্ৰৰ নিচিনাকৈ চিৰকালৰ কাৰণে স্থাপিত হব।” (চেলা) [QE]
38. [QS]কিন্তু তুমিয়েই পৰিত্যাগ কৰিলা, অগ্ৰাহ্যও কৰিলা; [QE][QS]তোমাৰ অভিষিক্ত জনাৰ বিৰুদ্ধে তুমি ক্ৰোধ কৰিছা। [QE]
39. [QS]তোমাৰ দাসে সৈতে স্থাপন কৰা নিয়মটি তুমি প্রত্যাখান কৰিছা; [QE][QS]তুমি তেওঁৰ ৰাজ-মুকুট মাটিলৈ পেলাই অশুচি কৰিলা। [QE]
40. [QS]তুমি তেওঁৰ সকলো প্রাচীৰ ভাঙি পেলালা; [QE][QS]তুমি তেওঁৰ কোঁঠবোৰ বিনষ্ট কৰিলা। [QE]
41. [QS]তেওঁৰ দেশৰ কাষেদি যোৱা সকলো বাটৰুৱাই তেওঁক লুট কৰে; [QE][QS]তেওঁ ওচৰ-চুবুৰীয়াবোৰৰ নিন্দাৰ পাত্র হৈছে। [QE]
42. [QS]তুমি তেওঁৰ শত্রুবোৰৰ সোঁ হাত শক্তিশালী কৰিলা; [QE][QS]তেওঁৰ সকলো শত্রুকে আনন্দিত কৰিলা। [QE]
43. [QS]তুমি তেওঁৰ তৰোৱালৰ ধাৰ ওভটাই দিলা আৰু যুদ্ধত তেওঁক থিয় হবলৈ নিদিলা। [QE]
44. [QS]তুমি তেওঁৰ হাতৰ ৰাজদণ্ড[† মহিমা ] হৰণ কৰিলা; [QE][QS]তেওঁৰ সিংহাসন ভুমিলৈ পতিত কৰিলা। [QE]
45. [QS]তুমি তেওঁৰ যৌৱন কাল চুটি কৰিলা; [QE][QS]তুমি তেওঁক লাজেৰে ঢাকিলা। (চেলা) [QE]
46. [QS]হে যিহোৱা, আৰু কিমান কাল? তুমি সদায়েই নিজকে লুকুৱাই ৰাখিবা নে? [QE][QS]কিমান কাল নো তোমাৰ ক্ৰোধ অগ্নিৰ নিচিনাকৈ জ্বলি থাকিব? [QE]
47. [QS]মোৰ জীৱন কাল কেনে অলপ দিনীয়া, তাক সোঁৱৰা; [QE][QS]কি অসাৰতাৰ কাৰণেইবা তুমি মনুষ্যক স্ৰজিলা! [QE]
48. [QS]কেতিয়াও মৃত্যু নেদেখাকৈ কোন মানুহ জীয়াই থাকিব পাৰে? [QE][QS]চিয়োলৰ হাতৰ পৰা কোনে নিজৰ প্ৰাণ ৰক্ষা কৰিব পাৰে? (চেলা) [QE]
49. [QS]হে যিহোৱা, তোমাৰ পূৰ্বকালৰ সেই অটল প্রেম ক’ত? [QE][QS]সেই প্রেম তুমি তোমাৰ বিশ্বস্ততাৰ দ্বাৰাই দায়ুদৰ আগত শপত খাইছিলা। [QE]
50. [QS]হে যিহোৱা, তোমাৰ দাসবোৰক কৰা অপমান সোঁৱৰণ কৰা; [QE][QS]সোঁৱৰণ কৰা, আন জাতিবোৰে মোলৈ কৰা সেই অপমানবোৰ; [QE][QS]কেনেকৈ মই মোৰ বুকুত বহন কৰি আছোঁ। [QE]
51. [QS]হে যিহোৱা, তোমাৰ শত্রুবোৰে সেই অপমান কৰিছে, [QE][QS]তেওঁলোকে তোমাৰ অভিষিক্ত জনাৰ প্রতি খোজক অপমান কৰিছে। [QE]
52. [QS]যিহোৱা চিৰকাললৈকে ধন্য হওঁক। আমেন, আৰু আমেন। [QE]