1. {এটি সঙ্গীত। কোৰহৰ বংশৰ ৰচিত গীত। প্ৰধান বাদ্যকৰৰ নিমিত্তে: সুৰ-মহলৎ-লিয়ান্নোৎ। ইজ্ৰাহীয়া হেমনৰ মচকীল নামৰ গীত। } [QS]হে মোৰ পৰিত্ৰাণৰ ঈশ্বৰ যিহোৱা, [QE][QS]মই দিনে-ৰাতিয়ে তোমাৰ ওচৰত কাতৰোক্তি কৰিছোঁ। [QE]
2. [QS]তোমাৰ আগত মোৰ প্রার্থনা উপস্থিত হওঁক; [QE][QS]তুমি মোৰ কাতৰোক্তিলৈ কাণ পাতা। [QE]
3. [QS]কাৰণ মোৰ প্রাণ দুখেৰে ভৰি পৰিছে, [QE][QS]মোৰ জীৱন প্ৰায় চিয়োলৰ ওচৰ চাপিছে। [QE]
4. [QS]গাতলৈ নামি যোৱাবোৰৰ লগত মই গণিত হৈছোঁ; [QE][QS]মই অসহায় লোকৰ দৰে বলহীন হৈছোঁ; [QE]
5. [QS]মই মৃতবোৰৰ মাজত পৰিত্যাগ কৰা লোকৰ দৰে হৈছোঁ; [QE][QS]মৈদামত পৰি থকা হত লোকবোৰৰ নিচিনা হৈছোঁ, [QE][QS]যিবোৰক তুমি সোঁৱৰণো নকৰা, [QE][QS]যিবোৰ তোমাৰ সহায়ৰ হাতৰ পৰা বিছিন্ন হৈছে। [QE]
6. [QS]তুমি মোক গাতৰ সকলোতকৈ তলৰ ঠাইত ৰাখিছা, [QE][QS]অন্ধকাৰ আৰু গভীৰ ঠাইত ৰাখিছা। [QE]
7. [QS]হে ঈশ্বৰ, তোমাৰ ক্ৰোধে মোক বেৰি ধৰিছে, [QE][QS]তোমাৰ সকলো প্রকাৰ ঢৌৰে তুমি মোক দুখ দিছা। (চেলা)। [QE]
8. [QS]তুমি মোৰ চিনাকিবোৰক মোৰ পৰা দূৰ কৰিছা; [QE][QS]তেওঁলোকৰ সন্মুখত মোক ঘৃণাৰ পাত্র কৰিছা; [QE][QS]মই বন্দী হৈ আছোঁ, ওলাই যাব পৰা নাই। [QE]
9. [QS]দুখতে মোৰ চকুৰ দৃষ্টি কমি আহিছে; [QE][QS]হে যিহোৱা, প্রতিদিনে মই তোমাৰ আগত প্ৰাৰ্থনা কৰিছোঁ; [QE][QS]মই তোমালৈ মোৰ হাত মেলি ৰাখিছোঁ। [QE]
10. [QS]মৃতজনৰ কাৰণে জানো তুমি আচৰিত কৰ্ম কৰা? [QE][QS]মৃতজনে উঠি জানো তোমাৰ স্তুতি কৰিব? (চেলা)। [QE]
11. [QS]মৈদামত জানো তোমাৰ গভীৰ প্রেমৰ বৰ্ণনা আৰু বিনাশৰ ঠাইত জানো তোমাৰ বিশ্বস্ততাৰ কথা প্ৰচাৰ কৰা হব? [QE]
12. [QS]অন্ধকাৰ স্থানত জানো তোমাৰ আচৰিত কৰ্ম জনা যাব? [QE][QS]যি দেশৰ লোকক তুমি পাহৰি যোৱা, সেই ঠাইত জানো তোমাৰ ধাৰ্মিকতাৰ কার্য জনা যাব? [QE]
13. [QS]হে যিহোৱা, মই, মই হলে তোমাৰ ওচৰত কাকুতি কৰি কান্দিছোঁ, [QE][QS]ৰাতিপুৱাতেই তোমাৰ আগত মোৰ প্ৰাৰ্থনা গৈ উপস্থিত হয়। [QE]
14. [QS]হে যিহোৱা, কিয় তুমি মোক ত্যাগ কৰিছা? [QE][QS]তোমাৰ মুখ মোৰ পৰা কিয় লুকুৱাই ৰাখিছা? [QE]
15. [QS]মই ল’ৰা কালৰে পৰা দুখী আৰু মৃতপ্ৰায় হৈ আছোঁ; [QE][QS]মই তোমাৰ ভয়ানক ক্রোধ ভোগ কৰি ব্যাকুল হৈছোঁ। [QE][QS]মই হতাশ হৈ পৰিছো। [QE]
16. [QS]তোমাৰ প্ৰচণ্ড ক্ৰোধ মোৰ ওপৰেদি বৈ গৈছে; [QE][QS]তোমাৰ ক্রোধে মোক ধ্বংস কৰিছে। [QE]
17. [QS]সেইবোৰে পানীৰ ঢল অহাৰ দৰে ওৰে দিনটো মোক আৱৰি ৰাখিছে; [QE][QS]চৌদিশৰ পৰা মোক বেৰি ধৰি ৰাখিছে। [QE]
18. [QS]মোৰ প্রিয়জন আৰু বন্ধুসকলক তুমি মোৰ পৰা দূৰ কৰিলা; [QE][QS]এতিয়া অন্ধকাৰেই মোৰ সংগী। [QE]