1. {#1ইস্রায়েলৰ পাপৰ প্রতিফল } [QS]হে ইস্ৰায়েল, অন্যান্য জাতিবোৰৰ দৰে তুমি অতিশয় আনন্দ নকৰিবা; [QE][QS]তুমিতো তোমাৰ ঈশ্বৰৰ পৰা আঁতৰি গৈ বেশ্যাকৰ্ম কৰিছা, [QE][QS]মৰণা মৰা প্ৰত্যেক মজিয়াত তুমি বেশ্যাকর্মৰ বেচ পাই আনন্দিত হৈছা। [QE]
2. [QS]মৰণা মৰা মজিয়া আৰু দ্ৰাক্ষা পেৰা কুণ্ডই লোকসকলক খাবলৈ নিদিব; [QE][QS]তেওঁলোকে নতুন দ্রাক্ষাৰস নাপাব। [QE]
3. [QS]তেওঁলোকে যিহোৱাৰ দেশত বাস নকৰিব; [QE][QS]কিন্তু ইফ্ৰয়িম হ’লে মিচৰলৈ উলটি যাব, [QE][QS]আৰু তেওঁলোকে অচূৰীয়াত অশুচি আহাৰ খাব[* মোচিৰ বিধানত নির্দিষ্ট এই খাদ্যবোৰ নিশ্চিতভাবে অশুচি বুলি ঘোষণা কৰা আছে আৰু সেই বাবে এইবোৰ খাব নালাগে। ]। [QE]
4. [QS]তেওঁলোকে যিহোৱাৰ উদ্দেশ্যে দ্ৰাক্ষাৰসৰ পানীয় নৈবেদ্য ঢালিবলৈ নাপাব; [QE][QS]তেওঁলোকৰ বলিবোৰে তেওঁক সন্তুষ্ট নকৰিব; [QE][QS]তেনে বলিদানবোৰ শোকার্ত লোকসকলৰ আহাৰৰ নিচিনা হ’ব; [QE][QS]সেইবোৰ যিসকলে খাব, তেওঁলোক সকলো অশুচি হ’ব; [QE][QS]কিয়নো সেই আহাৰ কেৱল তেওঁলোকৰ নিজৰ ভোক গুচাবৰ কাৰণেই হব, [QE][QS]কিন্তু যিহোৱাৰ গৃহলৈ নাহিব। [QE]
5. [QS]তেওঁলোকৰ পৰ্ব্বৰ দিনা আৰু যিহোৱাৰ উৎসৱৰ দিনা তেওঁলোকে কি কৰিব? [QE]
6. [QS]তেওঁলোকে যদি অচূৰীয়াত বিনাশৰ পৰা ৰক্ষাও পায়, কিন্তু মিচৰে তেওঁলোকক পৰলোকলৈ গোটাব আৰু মেম্ফিচ নগৰে তেওঁলোকক মৈদাম দিব। [QE][QS]তেওঁলোকৰ সাঁচতীয়া মূল্যৱান ৰূপৰ বস্তুবোৰৰ লগতে তেওঁলোকৰ তম্বুবোৰ চোৰাত গছ আৰু কাঁইটীয়া গছে ঢাকি পেলাব। [QE]
7. [QS]ইস্রায়েলীয়াসকলে ইয়াকে জানিব যে, শাস্তিৰ দিনবোৰ সমাগত, [QE][QS]প্রায়শ্চিত্তৰ দিন উপস্থিত হৈছে; [QE][QS]তেওঁলোকৰ অনেক অধর্ম আৰু অধিক বিদ্বেষৰ কাৰণে [QE][QS]তেওঁলোকে “ভাববাদীক নিৰ্ব্বোধ আৰু ঈশ্বৰৰ আত্মা পোৱা লোকক পগলা বুলি ভাবে।” [QE]
8. [QS]মোৰ ঈশ্বৰৰ সৈতে ভাববাদীজন ইফ্ৰয়িমৰ প্ৰহৰী হ’লেও [QE][QS]তেওঁৰ সকলো পথতে থাকে ব্যাধৰ ফান্দ; [QE][QS]ঈশ্বৰৰ গৃহত তেওঁৰ বিপক্ষে থাকে শত্ৰুতা। [QE]
9. [QS]গিবিয়াৰ সময়ত যেনেকৈ আছিল, সেইদৰে ইস্রায়েলীয়াসকল ভ্রষ্টতাৰ মাজত ডুব গ’ল। [QE][QS]ঈশ্বৰে তেওঁলোকৰ অধর্মৰ কথা সোঁৱৰণ কৰিব; [QE][QS]তেওঁলোকৰ পাপ কার্যৰ প্ৰতিকাৰ সাধিব। [QE]
10. [QS]যিহোৱাই কৈছে, “মৰুভূমিত পোৱা দ্ৰাক্ষাগুটিৰ নিচিনাকৈ মই ইস্ৰায়েলক বিচাৰি পালোঁ; [QE][QS]প্রথম ঋতুৰ প্ৰথমে ফল ধৰা ডিমৰু গছৰ গুটিৰ নিচিনাকৈয়ে মই তোমালোকৰ পূৰ্বপুৰুষসকলক দেখা পাইছিলোঁ; [QE][QS]কিন্তু তেওঁলোকে বাল-পিয়োৰৰ ওচৰলৈ গৈ সেই লজ্জাপূর্ণ মূর্তিটোৰ উদ্দেশে নিজকে দিছিল; [QE][QS]তাতে তেওঁলোকৰ প্রিয় মূর্তিটোৰ দৰেই তেওঁলোক ঘৃণিত হৈ পৰিল। [QE]
11. [QS]ইফ্ৰয়িমৰ বিষয়ে হ’লে, চৰাইৰ নিচিনাকৈ তেওঁলোকৰ গৌৰৱ দূৰলৈ উড়ি যাব; [QE][QS]তেতিয়া সন্তানৰ জন্ম নহ’ব, কোনো গর্ভৱতী নহ’ব আৰু কোনেও গৰ্ভধাৰণো নকৰিব। [QE]
12. [QS]যদিওবা কোনোৱে সন্তান সকলক ডাঙৰ-দীঘল কৰে, সেই সন্তান সকলৰ মৃত্যু ঘটাই মই তেওঁলোকক সন্তানহীন কৰিম; [QE][QS]তেওঁলোকৰ এজনো অৱশিষ্ট নাথাকিব। [QE][QS]যেতিয়া মই তেওঁলোকৰ ওচৰৰ পৰা আঁতৰি যাম, [QE][QS]তেওঁলোকৰ অৱশ্যেই সন্তাপ হ’ব। [QE]
13. [QS]এদিন মই ইফ্রয়িমক এক মনোহৰ ঠাইত ৰোপণ কৰা তূৰ যেন দেখিছিলোঁ; [QE][QS]কিন্তু এতিয়া ইফ্ৰয়িমে নিজৰ সন্তান সকলক বাহিৰ কৰি বধকাৰীৰ ওচৰলৈ তেওঁলোকক লৈ যাব।” [QE]
14. [QS]হে যিহোৱা, তেওঁলোকক দিয়ক; আপুনি তেওঁলোকক কি দিব? [QE][QS]আপুনি তেওঁলোকক গর্ভফল নষ্ট হৈ যোৱা গর্ভ আৰু গাখীৰ নথকা শুকান স্তন দিয়ক। [QE]
15. [QS]যিহোৱাই কৈছে, “গিলগলত তেওঁলোকে নিজৰ সকলো দুষ্টতা আৰম্ভ কৰিছিল; [QE][QS]সেই ঠাইতে মই তেওঁলোকক ঘৃণা কৰিবলৈ ধৰিলো। [QE][QS]তেওঁলোকৰ পাপকর্মৰ কাৰণে মই মোৰ লোকসকলৰ মাজৰ পৰা তেওঁলোকক খেদি বাহিৰ কৰি দিম; [QE][QS]মই তেওঁলোকক পুনৰায় প্ৰেম নকৰিম; [QE][QS]তেওঁলোকৰ সকলো নেতাই বিদ্ৰোহী। [QE]
16. [QS]ইফ্ৰয়িমক আহত কৰা হৈছে, [QE][QS]তেওঁলোকৰ শিপা শুকাই গৈছে, [QE][QS]তেওঁলোকে কোনো ফল উৎপন্ন নকৰিব; [QE][QS]তেওঁলোকৰ সন্তান জন্ম হ’লেও, [QE][QS]মই তেওঁলোকৰ গৰ্ভৰ প্রিয় সন্তানবোৰক মাৰি পেলাম।” [QE]
17. [QS]মোৰ ঈশ্বৰে তেওঁলোকক অগ্ৰাহ্য কৰিব, [QE][QS]কিয়নো তেওঁলোক তেওঁৰ আজ্ঞাৰ বাধ্য নহ’ল; [QE][QS]তেওঁলোক বিভিন্ন জাতিবোৰৰ মাজত যাযাবৰী হৈ ঘূৰি ফুৰিব। [QE]