1. [QS]হে যিহোৱা, তুমি কিয় দূৰৈত ৰৈ আছা? [QE][QS]সঙ্কটৰ সময়ত কিয় তুমি নিজকে লুকুৱাই ৰাখা? [QE]
2. [QS]অহংকাৰৰ কাৰণে দুষ্টলোকে দৰিদ্রক নির্যাতিত কৰে; [QE][QS]তেওঁলোকৰ নিজৰ কু-পৰিকল্পনাত তেওঁলোক নিজেই ধৰা পৰক; [QE]
3. [QS]দুষ্টলোকে নিজৰ মনৰ দুষ্ট ইচ্ছাত অহংকাৰ কৰে; [QE][QS]লুভীয়া লোকে নিজৰ লাভৰ বাবে যিহোৱাক অভিশাপ দিয়ে আৰু তেওঁক হেয়জ্ঞান কৰে[* তেওঁ লুভীয়া লোকক আশীর্বাদ দিয়ে। ]। [QE]
4. [QS]দুষ্টলোকে নিজৰ সমর্থনত গৰ্ব্ব কৰি কয়; [QE][QS]“ঈশ্বৰে ইয়াক বিচাৰি নাপাব;” [QE][QS]তেওঁলোকৰ চিন্তাবোৰ এয়ে যে, “ঈশ্বৰ বুলি কোনো নাই।” [QE]
5. [QS]সকলো সময়তে তেওঁলোক সফলতাৰ পথত আগবাঢ়ি যায়; [QE][QS]তোমাৰ ন্যায় বিচাৰ ইমান ওপৰত আছে যে, [QE][QS]সেয়া তেওঁলোকৰ চকুৰ দৃষ্টিৰ বাহিৰত; [QE][QS]তেওঁলোকে নিজৰ সকলো শত্রুকে তুচ্ছ কৰে। [QE]
6. [QS]তেওঁলোকে মনতে কয়, “একোৱেই মোক লৰচৰ কৰিব নোৱাৰিব। [QE][QS]আমাৰ সকলো পুৰুষতে কোনো কালে বিপদ নহ’ব।” [QE]
7. [QS]তেওঁলোকৰ মুখ অভিশাপ, ছলনা আৰু অত্যাচাৰী কথাৰে পৰিপূৰ্ণ; [QE][QS]তেওঁলোকৰ জিভাৰ তলত অন্যায় আৰু অপৰাধৰ কথা থাকে। [QE]
8. [QS]গাৱঁৰ ওচৰত তেওঁলোকে গোপনে খাপ পাতি বহি থাকে; [QE][QS]সেই গোপন ঠাইতে তেওঁলোকে নিৰ্দ্দোষীক হত্যা কৰে; [QE][QS]কোনোবাই অসহায়ৰ ওপৰত গোপনে লক্ষ্য ৰাখি খাপ দি থাকে। [QE]
9. [QS]তেওঁলোকে গুপুত ঠাইত খাপ পাতি সিংহৰ দৰে প্রতীক্ষাত থাকে; [QE][QS]তেওঁলোকে প্রতীক্ষা কৰি থাকে যাতে অসহায় দৰিদ্রজনক ধৰিব পাৰে; [QE][QS]তাৰ পাছত তেওঁলোকে দৰিদ্রজনক ধৰি চোঁচোৰাই লৈ নিজৰ জালত পেলায়। [QE]
10. [QS]তেওঁলোকে চাপৰি কুঁজা হৈ [QE][QS]অসহায়জনক তেওঁলোকৰ শক্তিত আৱদ্ধ কৰে। [QE]
11. [QS]তেওঁলোকে নিজৰ মনতে ভাৱে, “ঈশ্বৰে পাহৰিলে; [QE][QS]তেওঁ নিজৰ মুখ লুকুৱাই থৈছে; তেওঁ কেতিয়াও আমাক দেখা নাপাব।” [QE]
12. [QS]হে যিহোৱা, উঠা; হে ঈশ্বৰ তোমাৰ হাত তুলি ধৰা; [QE][QS]নির্যাতিত সকলক পাহৰি নাযাবা। [QE]
13. [QS]দুষ্টবোৰে ঈশ্বৰক কিয় তুচ্ছ বুলি ভাৱে? [QE][QS]তেওঁলোকে কিয় মনে মনে ভাৱে যে, [QE][QS]“তেওঁ আমাৰ ওচৰত কোনো হিচাব নিবিচাৰিব?” [QE]
14. [QS]কিন্তু, হে ঈশ্বৰ, তুমি হ’লে দেখা পোৱা; [QE][QS]অৱশ্যেই তুমি দুখ-কষ্ট আৰু সঙ্কটলৈ চকু দিয়া, [QE][QS]তুমি তোমাৰ হাতেৰেই ইয়াৰ ব্যৱস্থা ল’ব পাৰা; [QE][QS]অসহায়জনে তোমাৰ ওচৰতে নিজক সমৰ্পণ কৰে; [QE][QS]তুমিয়েইতো অনাথক সহায় কৰোঁতা জনা [QE]
15. [QS]দুষ্ট আৰু অসৎ লোকৰ ক্ষমতাৰ বাহু তুমি ভাঙি পেলোৱা; [QE][QS]তেওঁলোকৰ সকলো অন্যায় কার্যৰ শেষ পর্যন্ত হিচাব বিচাৰ কৰা। [QE]
16. [QS]যিহোৱা চিৰকালৰ ৰজা; [QE][QS]তেওঁৰ দেশৰ পৰা জাতিবোৰ ধ্বংস হৈ যাব। [QE]
17. [QS]হে যিহোৱা, নম্ৰ লোকৰ অন্তৰৰ ইচ্ছাৰ কথা তুমি শুনিবা; [QE][QS]তুমি তেওঁলোকৰ হৃদয়ত সাহস দিবা, [QE][QS]তুমি তেওঁলোকৰ প্রার্থনালৈ কাণ দিবা; [QE]
18. [QS]এই পৃথিৱীৰ লোকে তেওঁলোকক যেন পুনৰ ভয় দেখুৱাব নোৱাৰিব; [QE][QS]তাৰবাবে তুমিয়েই অনাথ আৰু নির্য্যাতিত লোকসকলৰ পক্ষত থিয় হ’ব পাৰা। [QE]